ਸਿੱਧਵਾਂ ਬੇਟ, 4 ਮਈ (ਜਸਵੰਤ ਸਿੰਘ ਸਲੇਮਪੁਰੀ)-ਥਾਣਾ ਸਿੱਧਵਾਂ ਬੇਟ ਦੇ ਮਗਰਲੇ ਪਾਸੇ ਝੁੱਗੀ 'ਚ ਰਹਿ ਰਹੀ ਇਕ ਵਿਧਵਾ ਬੰਸੋ ਰਾਣੀ ਦੀ ਝੁੱਗੀ ਨੂੰ ਅਚਾਨਕ ਗੈਸ ਚੁੱਲੇ ਨਾਲ ਅੱਗ ਲੱਗ ਗਈ ਤੇ ਪਲਾਂ 'ਚ ਹੀ ਝੁੱਗੀ ਵਿਚ ਪਿਆ ਸਾਰਾ ਸਾਮਾਨ ਸੜ ਕੇ ਰਾਖ ਹੋ ਗਿਆ | ਵਿਧਵਾ ਬੰਸੋ ਰਾਣੀ ਨੇ ਦੱਸਿਆ ਕਿ ਮੈਂ ਝੁੱਗੀ 'ਚ ਹੀ ਰੱਖੇ ਆਪਣੇ ਗੈਸ ਚੁੱਲੇ ਨਾਲ ਦੁਪਹਿਰ ਦਾ ਖਾਣਾ ਬਣਾ ਰਹੀ ਸੀ, ਪਰ ਅਚਾਨਕ ਹਵਾ ਦੇ ਬੁੱਲੇ ਨਾਲ ਪਈ ਅੱਗ ਨੇ ਝੁੱਗੀ ਸਮੇਤ ਉਸ 'ਚ ਰੱਖੇ ਘਰੇਲੂ ਸਾਮਾਨ ਨੂੰ ਕੁਝ ਹੀ ਪਲਾਂ ਵਿਚ ਸਾੜ ਕੇ ਰਾਖ ਬਣਾ ਦਿੱਤਾ | ਉਸ ਨੇ ਭਰੇ ਮਨ ਨਾਲ ਦੱਸਿਆ ਕਿ ਉਹ ਦਿਹਾੜੀ ਕਰਕੇ ਆਪਣਾ ਗੁਜ਼ਾਰਾ ਚਲਾ ਰਹੀ ਹੈ | ਅਚਾਨਕ ਲੱਗੀ ਅੱਗ ਨੇ ਉਸ ਦਾ ਸਾਰਾ ਸਾਮਾਨ ਫਰਿੱਜ਼, ਪੇਟੀ, ਪੱਖਾ, ਮਿਕਸੀ ਗਰੈਂਡਰ, ਭਾਂਡਿਆਂ ਤੋਂ ਇਲਾਵਾ ਮੰਜੇ ਤੇ ਕੱਪੜੇ ਸਾੜ ਕੇ ਸੁਆਹ ਕਰ ਦਿੱਤੇ | ਉਸ ਨੇ ਇਹ ਵੀ ਦੱਸਿਆ ਕਿ ਉਸ ਵਲੋਂ ਮਿਹਨਤ-ਮਜ਼ਦੂਰੀ ਕਰਕੇ ਕਰੀਬ 6 ਹਜ਼ਾਰ ਰੁਪਏ ਦੀ ਨਕਦੀ ਇਕੱਠੀ ਕੀਤੀ ਸੀ, ਜੋ ਇਸ ਅੱਗ ਦੀ ਭੇਟ ਚੜ੍ਹ ਗਈ | ਉਕਤ ਵਿਧਵਾ ਨੇ ਪ੍ਰਸ਼ਾਸਨ ਤੋਂ ਮੱਦਦ ਦੀ ਗੁਹਾਰ ਲਾਈ |
