ਜਗਰਾਓਂ

ਦਵਾਈਆਂ ਦੀਆਂ ਬੇਲਗਾਮ ਕੀਮਤਾਂ ਕਾਰਨ ਲੋਕ ਆਨਲਾਈਨ ਪਲੇਟਫਾਰਮਾਂ ਵੱਲ ਮਜ਼ਬੂਰ-ਪੱਬੀਆਂ

ਅ

ਅਜੀਤ ਡੈਸਕ 22-05-2026

ਭੂੰਦੜੀ, 21 ਮਈ (ਕੁਲਦੀਪ ਸਿੰਘ ਮਾਨ)-ਚੇਅਰਮੈਨ ਰਵੀ ਸਿੰਘ ਪੱਬੀਆਂ ਯੂ.ਐੱਸ.ਏ. ਨੇ ਕਿਹਾ ਕਿ ਆਨਲਾਈਨ ਪਲੇਟਫਾਰਮ ਆਪਣੇ ਆਪ ਵਿਚ ਗਲਤ ਨਹੀਂ ਹਨ, ਜਦੋਂ ਬਾਜ਼ਾਰ ਵਿਚ ਦਵਾਈਆਂ ਦੀਆਂ ਕੀਮਤਾਂ 'ਤੇ ਕੋਈ ਢੰਗ ਦਾ ਕਾਬੂ ਨਾ ਰਹੇ ਤਾਂ ਆਮ ਮਰੀਜ਼ ਮਜ਼ਬੂਰੀ ਵੱਸ ਸਸਤੇ ਵਿਕਲਪ ਲੱਭਣ ਲਈ ਆਨਲਾਈਨ ਸਹੂਲਤਾਂ ਵੱਲ ਰੁਖ ਕਰਦਾ ਹੈ | ਉਨ੍ਹਾਂ ਕਿਹਾ ਕਿ ਮਹਿੰਗੀਆਂ ਦਵਾਈਆਂ ਨੇ ਗਰੀਬ ਅਤੇ ਮੱਧ ਵਰਗ ਦੇ ਪਰਿਵਾਰਾਂ ਦਾ ਘਰੇਲੂ ਬਜਟ ਹਿਲਾ ਕੇ ਰੱਖ ਦਿੱਤਾ ਹੈ | ਉਨ੍ਹਾਂ ਦੱਸਿਆ ਕਿ ਅੱਜ ਪੂਰੇ ਪੰਜਾਬ ਵਿਚ ਮੈਡੀਕਲ ਸਟੋਰ ਬੰਦ ਹੋਣ ਕਾਰਨ ਮਰੀਜ਼ਾਂ ਨੂੰ ਕਾਫ਼ੀ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪਿਆ | ਉਨ੍ਹਾਂ ਇਹ ਵੀ ਕਿਹਾ ਕਿ ਮੈਡੀਕਲ ਸਟੋਰਾਂ ਦੇ ਕਿਰਾਏ, ਕਰਮਚਾਰੀਆਂ ਦੀਆਂ ਤਨਖਾਹਾਂ ਅਤੇ ਹੋਰ ਵਧਦੇ ਖਰਚਿਆਂ ਕਾਰਨ ਵੀ ਦਵਾਈਆਂ ਦੀਆਂ ਕੀਮਤਾਂ ਵੱਧ ਦਾ ਕਾਰਨ ਵੀ ਹੋ ਸਕਦਾ ਹੈ | ਦੂਜੇ ਪਾਸੇ ਆਨਲਾਇਨ ਵਾਲਿਆਂ ਨੂੰ ਇਹ ਖ਼ਰਚੇ ਘੱਟ ਜਾਂਦੇ ਤੇ ਦਵਾਈਆਂ ਦੇ ਰੇਟ ਵੀ ਘੱਟ ਹੋਣ ਦਾ ਕਾਰਨ ਬਣ ਸਕਦੇ ਹਨ | ਪੱਬੀਆਂ ਨੇ ਕਿਹਾ ਕਿ ਸਿਹਤ ਸੇਵਾਵਾਂ ਕਿਸੇ ਵਪਾਰ ਦਾ ਸਾਧਨ ਨਹੀਂ, ਸਗੋਂ ਲੋਕਾਂ ਦਾ ਬੁਨਿਆਦੀ ਹੱਕ ਹਨ | ਇਸ ਲਈ ਜ਼ਰੂਰੀ ਹੈ ਕਿ ਸਰਕਾਰਾਂ ਦਵਾਈਆਂ ਦੀਆਂ ਕੀਮਤਾਂ ਨੂੰ ਕਾਬੂ ਵਿਚ ਰੱਖਣ ਲਈ ਪ੍ਰਭਾਵਸ਼ਾਲੀ ਨੀਤੀ ਬਣਾਉਣ ਤਾਂ ਜੋ ਹਰ ਵਰਗ ਦਾ ਮਰੀਜ਼ ਬਿਨਾਂ ਆਰਥਿਕ ਬੋਝ ਦੇ ਇਲਾਜ ਕਰਵਾ ਸਕੇ |

ਪਿਛਲੀ ਖ਼ਬਰ ਸਰਪੰਚ ਸੁਖਦੇਵ ਸਿੰਘ ਵਲੀਪੁਰ ਦੇ ਅਕਾਲ ਚਲਾਣੇ 'ਤੇ ਵੱਖ-ਵੱਖ ਸ਼ਖ਼ਸੀਅਤਾਂ ਝੱਜ ਪਰਿਵਾਰ ਨਾਲ ਦੁੱਖ ਸਾਂਝਾ ਕੀਤਾ ਅਗਲੀ ਖ਼ਬਰ ਨਵੇਂ ਬਣੀ ਪੰਚਾਇਤ ਸੰਮਤੀ ਮੁੱਲਾਂਪੁਰ ਦੇ ਅਹੁਦੇਦਾਰਾਂ ਦੀ ਪਲੇਠੀ ਮੀਟਿੰਗ 'ਚ ਪੁੱਜੇ ਵਿਧਾਇਕ ਇਯਾਲੀ

ਦਵਾਈਆਂ ਦੀਆਂ ਬੇਲਗਾਮ ਕੀਮਤਾਂ ਕਾਰਨ ਲੋਕ ਆਨਲਾਈਨ ਪਲੇਟਫਾਰਮਾਂ ਵੱਲ ਮਜ਼ਬੂਰ-ਪੱਬੀਆਂ

ਸੰਬੰਧਿਤ ਖ਼ਬਰਾਂ