ਮੁੱਲਾਂਪੁਰ-ਦਾਖਾ, 6 ਜੂਨ (ਨਿਰਮਲ ਸਿੰਘ ਧਾਲੀਵਾਲ)-ਵਿਸ਼ਵ ਵਾਤਾਵਰਨ ਦਿਵਸ ਮੌਕੇ ਈਸਟਵੁੱਡ ਇੰਟਰਨੈਸ਼ਨਲ ਸਕੂਲ ਮੰਡੀ ਮੁੱਲਾਂਪੁਰ ਦੇ ਪ੍ਰਬੰਧਕੀ ਪ੍ਰਧਾਨ ਦਮਨਜੀਤ ਸਿੰਘ ਮੋਹੀ ਵਲੋਂ ਸਕੂਲ ਕੈਂਪਸ ਅੰਦਰ ਬੂਟਾ ਲਗਾਉਣ ਸਮੇਂ ਪਿ੍ੰਸੀਪਲ ਡਾ. ਅਮਨਦੀਪ ਕੌਰ ਬਖਸ਼ੀ ਮੌਜੂਦ ਰਹੇ | ਵਿਸ਼ਵ ਵਾਤਾਵਰਨ ਦਿਵਸ 'ਤੇ ਹਰਿਆਵਲ ਤਹਿਤ ਬੂਟੇ ਲਗਾਉਣ ਸਮੇਂ ਦਮਨਜੀਤ ਸਿੰਘ ਮੋਹੀ ਨੇ ਕਿਹਾ ਕਿ ਧਰਤੀ ਨੂੰ ਜ਼ਹਿਰੀਲੇ ਧੂੰਏਾ, ਜਲ ਸੰਕਟ ਤੋਂ ਬਚਾਉਣ ਲਈ ਪੌਦੇ ਲਗਾ ਕੇ ਸਵੱਲੀ ਕੁਦਰਤ, ਜਲ-ਸੋਮੇ, ਛਾਵਾਂ, ਤਾਪਮਾਨ ਨੂੰ ਬਚਾਇਆ ਜਾ ਸਕਦਾ | ਸਕੂਲ ਪਿ੍ੰਸੀਪਲ ਡਾ: ਬਖਸ਼ੀ ਨੇ ਦੱਸਿਆ ਕਿ ਸਾਡੇ ਵਿਦਿਆਰਥੀਆਂ ਵਲੋਂ ਧਰਤੀ 'ਤੇ ਜੀਵਨ ਸੁਰੱਖਿਅਤ ਲਈ ਹਰ ਸਾਲ ਬੂਟੇ ਲਗਾ ਕੇ ਸਾਲ ਭਰ ਉਨ੍ਹਾਂ ਦੀ ਪਰਵਰਿਸ਼ ਹੁੰਦੀ ਹੈ | ਉਨ੍ਹਾਂ ਦੱਸਿਆ ਕਿ ਘਾਤਕ ਮੀਥੇਨ ਗੈਸ, ਉਦਯੋਗ ਕੋਲਾ, ਹਾਈਡਰੋਕਾਰਬਨ ਬਾਲਣ ਨੇ ਸਾਡੇ ਚੌਗਿਰਦੇ ਨੂੰ ਗੰਧਲੇਪਣ ਦੀ ਲਪੇਟ ਵਿਚ ਲੈ ਲਿਆ | ਵਧ ਰਹੀ ਤਪਸ਼ ਨੇ ਬਹੁ ਰੁੱਤਾਂ ਵਾਲੇ ਪੰਜਾਬ ਨੂੰ ਅੱਤ ਦੀ ਗਰਮੀ ਤੇ ਘੱਟ ਠੰਢ ਵਾਲਾ ਖਿੱਤਾ ਬਣਾ ਕੇ ਰੱਖ ਦਿੱਤਾ | ਪ੍ਰਧਾਨ ਦਮਨਜੀਤ ਸਿੰਘ ਮੋਹੀ, ਪਿ੍ੰਸੀਪਲ ਡਾ: ਅਮਨਦੀਪ ਕੌਰ ਨੇ ਦੱਸਿਆ ਕਿ ਤਪਸ਼ ਨਾਲ ਵਿਗੜ ਰਹੇ ਵਾਤਾਵਰਨ ਲਈ ਇਸ ਵਾਰ ਪਹਿਲਾਂ ਨਾਲੋਂ ਵੀ ਵਧ ਕੇ ਬੂਟੇ ਲਗਾਏ ਜਾਣਗੇ ਤਾਂ ਜੋ ਆਲਮੀ ਤਪਸ਼ ਦੀ ਸਮੱਸਿਆ ਤੋਂ ਬਚ ਸਕੀਏ |
