ਮੁੱਲਾਂਪੁਰ-ਦਾਖਾ, 11 ਜੁਲਾਈ (ਨਿਰਮਲ ਸਿੰਘ ਧਾਲੀਵਾਲ)- ਸ਼ਹੀਦ ਭਾਈ ਜਸਵੰਤ ਸਿੰਘ ਖਾਲੜਾ ਦੇ ਜੀਵਨ ’ਤੇ ਬਣੀ ਫ਼ਿਲਮ ਸਤਲੁਜ ਉੱਪਰ ਸਰਕਾਰ ਵਲੋਂ ਭਾਵੇਂ ਪਾਬੰਦੀ ਲਗਾ ਰੱਖੀ ਹੈ, ਪ੍ਰੰਤੂ ਪਿੰਡ-ਪਿੰਡ ਇਹ ਫਿ਼ਲਮ ਦਿਖਾਉਣ ਅਤੇ ਦੇਖਣ ਪ੍ਰਤੀ ਲੋਕਾਂ ’ਚ ਭਾਈ ਉਤਸ਼ਾਹ ਹੈ। ਗੁਰਦੁਆਰਾ ਸਾਹਿਬ ਗਹੌਰ ਵਿਖੇ ਵਿਖਾਈ ਫ਼ਿਲਮ ਸਤਲੁਜ ਨੂੰ ਵੇਖਣ ਵਾਲਿਆਂ ਵਿਚ ਭਾਰੀ ਉਤਸ਼ਾਹ ਸੀ। ਫ਼ਿਲਮ ਵੇਖਣ ਉਪਰੰਤ ਦਰਸ਼ਕ ਗੈਲਰੀ ਮਹਿਲਾਵਾਂ, ਮਰਦਾਂ ਨਾਲ ਗੱਲਬਾਤ ਹੋਈ ਤਾਂ ਬਹੁਤਿਆਂ ਇਕੋ ਸੁਰ ’ਚ ਕਿਹਾ ਕਿ ਭਾਈ ਜਸਵੰਤ ਸਿੰਘ ਖਾਲੜਾ ਦੀ ਸ਼ਹਾਦਤ ਮਨੁੱਖੀ ਅਧਿਕਾਰਾਂ ਲਈ ਅਦੁੱਤੀ ਕੁਰਬਾਨੀ ਹੈ। ਉਨ੍ਹਾਂ ਦੱਸਿਆ ਕਿ ਫ਼ਿਲਮ ਦੇ ਪਾਤਰਾਂ ਵਲੋਂ 90ਵੇਂ ਦਹਾਕੇ ਦੇ ਸਿੱਖ ਨੌਜਵਾਨਾਂ ਪ੍ਰਤੀ ਪੁਲਿਸ ਕਹਿਰ ਨੂੰ ਬਾਖੂਬੀ ਪੇਸ਼ ਕੀਤਾ ਹੈ। ਕਈਆਂ ਕਿਹਾ ਕਿ ਫ਼ਿਲਮ ਸਤਲੁਜ ਮੁੜ ਰਿਲੀਜ਼ ਹੋਵੇ ਤਾਂ ਜੋ ਸਾਡੀ ਨੌਜਵਾਨ ਪੀੜ੍ਹੀ ਪੰਜਾਬ ਦੇ ਇਤਿਹਾਸ ਦੀਆਂ ਕੌੜੀਆਂ ਸੱਚਾਈਆਂ ਤੋਂ ਜਾਣੂੰ ਹੋ ਸਕੇ।
