ਕੁਹਾੜਾ, 24 ਜੁਲਾਈ (ਸੰਦੀਪ ਸਿੰਘ ਕੁਹਾੜਾ)-ਵਿਧਾਨ ਸਭਾ ਹਲਕਾ ਸਾਹਨੇਵਾਲ ਅਧੀਨ ਪੈਂਦੇ ਕਰੌੜ ਪਿੰਡ ਤੋਂ ਗੱਦੋਵਾਲ ਨੂੰ ਜਾਂਦੀ ਲਿੰਕ ਸੜਕ ‘ਤੇ ਲੁੱਕ-ਬਜਰੀ ਪਾਉਣ ਦੇ ਕੰਮ ਦਾ ਉਦਘਾਟਨ ਚੇਅਰਮੈਨ ਜ਼ੋਰਾਵਰ ਸਿੰਘ ਵਲੋਂ ਕੀਤਾ ਗਿਆ। ਇਸ ਦੌਰਾਨ ਸਰਪੰਚ ਰਵਿੰਦਰ ਸਿੰਘ ਗਰੇਵਾਲ ਨੇ ਸੜਕ ਦੇ ਨਿਰਮਾਣ ਲਈ ਮੰਤਰੀ ਮੁੰਡੀਆਂ, ਚੇਅਰਮੈਨ ਜ਼ੋਰਾਵਰ ਸਿੰਘ ਅਤੇ ਪਾਰਟੀ ਹਾਈ ਕਮਾਂਡ ਦਾ ਧੰਨਵਾਦ ਕੀਤਾ। ਉਨ੍ਹਾਂ ਕਿਹਾ ਕਿ ਇਸ ਸੜਕ ਦੇ ਬਣਨ ਨਾਲ ਇਲਾਕੇ ਦੇ ਲੋਕਾਂ ਨੂੰ ਆਵਾਜਾਈ ਵਿਚ ਵੱਡੀ ਸਹੂਲਤ ਮਿਲੇਗੀ ਅਤੇ ਆਵਾਜਾਈ ਸੁਗਮ ਹੋਵੇਗੀ। ਉਨ੍ਹਾਂ ਹੋਰ ਕਿਹਾ ਕਿ ਇਸ ਪ੍ਰੋਜੈਕਟ ਨਾਲ ਕਰੌੜ, ਗੱਦੋਵਾਲ, ਲੱਖੋਵਾਲ ਅਤੇ ਨੇੜਲੇ ਪਿੰਡਾਂ ਦੇ ਲੋਕਾਂ ਨੂੰ ਰੋਜ਼ਾਨਾ ਆਉਣ-ਜਾਣ ਵਿਚ ਆਸਾਨੀ ਮਿਲੇਗੀ। ਸਥਾਨਕ ਵਸਨੀਕਾਂ ਨੇ ਵੀ ਸਰਕਾਰ ਦੇ ਇਸ ਉਪਰਾਲੇ ਦੀ ਸ਼ਲਾਘਾ ਕਰਦਿਆਂ ਉਮੀਦ ਜਤਾਈ ਕਿ ਭਵਿੱਖ ਵਿਚ ਵੀ ਇਲਾਕੇ ਦੀਆਂ ਹੋਰ ਸੜਕਾਂ ਅਤੇ ਵਿਕਾਸ ਕਾਰਜਾਂ ਨੂੰ ਤਰਜੀਹ ਦਿੱਤੀ ਜਾਵੇਗੀ। ਇਸ ਮੌਕੇ ਸਤਨਾਮ ਸਿੰਘ ਸਰਪੰਚ ਲੱਖੋਵਾਲ, ਕੁਲਜੀਤ ਸਿੰਘ ਸਰਪੰਚ ਗੱਦੋਵਾਲ, ਅਮਨਦੀਪ ਸਿੰਘ ਭਾਗਪੁਰ, ਜਗਦੀਪ ਸਿੰਘ ਗਿੱਲ, ਚਮਕੌਰ ਸਿੰਘ ਲਿੱਟ, ਰਾਜਵੀਰ ਸਿੰਘ ਪੰਧੇਰ, ਰਣਵੀਰ ਸਿੰਘ ਕਰੌੜ, ਗੋਗੀ ਕਰੌੜ, ਡਾ. ਜਸਪਾਲ ਸਿੰਘ ਭਾਗਪੁਰ, ਗੁਰਦੀਪ ਸਿੰਘ ਘੁਮਾਇਤ, ਗੁਰਲਾਲ ਸਿੰਘ ਭਾਗਪੁਰ, ਜਸਵੀਰ ਸਿੰਘ ਲੱਖੋਵਾਲ, ਸੰਦੀਪ ਸਿੰਘ ਗੱਦੋਵਾਲ, ਮਨਦੀਪ ਸਿੰਘ ਗੱਦੋਵਾਲ ਅਤੇ ਮਨਜੀਤ ਸਿੰਘ ਗੱਦੋਵਾਲ ਆਦਿ ਹਾਜ਼ਰ ਸਨ।
