ਕਟਾਰੀਆਂ, 9 ਮਾਰਚ (ਪ੍ਰੇਮੀ ਸੰਧਵਾਂ)-ਅਗਾਂਹ ਵਧੂ ਕਿਸਾਨ ਤੇ ਸੀਨੀਅਰ ਕਾਂਗਰਸੀ ਯੂਥ ਆਗੂ ਜੱਗਾ ਪਹਿਲਵਾਨ ਨੇ 'ਅਜੀਤ' ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਪੰਜਾਬ ਦੀ ਮਾਨ ਸਰਕਾਰ ਨੇ ਲੋਕਾਂ ਦਾ ਆਪਣੇ ਵੱਲ ਧਿਆਨ ਖਿੱਚਣ ਲਈ ਤਰ੍ਹਾਂ-ਤਰ੍ਹਾਂ ਦੇ ਵਾਅਦੇ ਤਾਂ ਜਰੂਰ ਕੀਤੇ ਪਰ ਉਨ੍ਹਾਂ ਵਾਅਦਿਆਂ ਤੇ ਦਾਅਵਿਆਂ ਤੋਂ ਆਪ ਸਰਕਾਰ ਬਹੁਤ ਹੀ ਦੂਰ ਰਹੀ | ਜਿਸ ਕਾਰਨ ਸਰਕਾਰ ਦੇ ਕੌੜਤੁੰਮੇ ਵਰਗਿਆਂ ਬੋਲਾਂ ਨੇ ਲੋਕਾਂ ਦਾ ਮੂੰਹ ਕੌੜਾ ਕਰਕੇ ਰੱਖ ਦਿੱਤਾ | ਆਮ ਆਦਮੀ ਪਾਰਟੀ ਨੇ ਲੋਕਾਂ ਨਾਲ ਪੰਜਾਬ ਵਿੱਚ ਸਤਾ ਪ੍ਰਾਪਤ ਕਰਨ ਲਈ ਪਹਾੜ ਵਰਗੇ ਵਾਅਦੇ ਤਾਂ ਜਰੂਰ ਕੀਤੇ, ਪਰ ਸਰਕਾਰ ਨੇ ਉਨ੍ਹਾਂ ਵਾਅਦਿਆਂ ਨੂੰ ਪੂਰਾ ਕਰਨ ਵਿੱਚ ਕੋਈ ਦਿਲਚਸਪੀ ਨਹੀਂ ਦਿਖਾਈ | ਉਨ੍ਹਾਂ ਕਿਹਾ ਪੰਜਾਬ ਦੇ ਲੋਕ 'ਆਪ' ਸਰਕਾਰ ਦੀਆਂ ਲੂੰਬੜ ਚਾਲਾਂ ਨੂੰ ਕਦੇ ਮੂੰਹ ਨਹੀਂ ਲਗਾਉਣਗੇ | ਕਿਉਂਕਿ ਜੋ ਸੁੱਖ ਸਹੂਲਤਾਂ ਸੂਬੇ ਦੇ ਲੋਕਾਂ ਨੂੰ ਕਾਂਗਰਸ ਪਾਰਟੀ ਦੀ ਸਰਕਾਰ ਸਮੇਂ ਮਿਲਦੀਆਂ ਸਨ ਉਨ੍ਹਾਂ ਸੁੱਖ ਸਹੂਲਤਾਂ ਦਾ ਆਪ ਸਰਕਾਰ ਸਮੇਂ ਦਮ ਘੁੱਟਦਾ ਨਜ਼ਰ ਆ ਰਿਹਾ ਹੈ | ਉਨ੍ਹਾਂ ਕਿਹਾ ਕਿ ਪੰਜਾਬ 'ਚ ਅਗਲੀ ਸਰਕਾਰ ਕਾਂਗਰਸੀ ਪਾਰਟੀ ਦੀ ਹੋਵੇਗੀ |
