ਕਟਾਰੀਆਂ, 7 ਅਪ੍ਰੈਲ (ਪ੍ਰੇਮੀ ਸੰਧਵਾਂ)-ਮੌਸਮ 'ਚ ਚੱਲ ਰਹੀ ਗੜਬੜੀ 'ਤੇ ਗਹਿਰੀ ਚਿੰਤਾ ਦਾ ਪ੍ਰਗਟਾਵਾ ਕਰਦਿਆਂ ਸੀਨੀਅਰ ਕਾਂਗਰਸੀ 'ਤੇ ਕਿਸਾਨ ਆਗੂ ਬਲਦੇਵ ਸਿੰਘ ਮਕਸੂਦਪੁਰ ਨੇ ਕਿਹਾ ਕਿ ਕਿਸਾਨਾਂ ਦੀ ਸੋਨੇ ਵਰਗੀ ਪੱਕੀ ਫਸਲ 'ਤੇ ਇਕ ਵੀ ਕਣੀ ਪੈਣਾ ਨੁਕਸਾਨਦੇਹ, ਕਿਉਂਕਿ ਹੁਣ ਖੇਤਾਂ ਵਿਚ ਪੱਕ ਕੇ ਤਿਆਰ ਖੜ੍ਹ ਕਣਕ ਦੀ ਫਸਲ ਕਟਾਉਣ ਲਈ ਤਿਆਰ ਹੈ, ਪਰ ਕੁਦਰਤ ਦੇ ਕਹਿਰ ਨਾਲ ਰੁਕ-ਰੁਕ ਕੇ ਹੋਈ ਬਾਰਿਸ਼ ਚੱਲ ਰਹੀ ਤੇਜ਼ ਹਵਾਵਾਂ ਨੇ ਕਿਸਾਨਾਂ ਦੇ ਚਿਹਰੇ 'ਤੇ ਉਦਾਸੀ ਲਿਆਂਦੀ ਹੋਈ ਹੈ, ਕਿਉਂਕਿ ਬਰਸਾਤ ਨਾਲ ਕਣਕ ਦੀ ਕਟਾਈ ਦਾ ਕੰਮ ਜਿਥੇ ਰੁਕ ਜਾਵੇਗਾ, ਉਥੇ ਤੇਜ ਤੂਫਾਨ ਨਾਲ ਪੱਕੀ ਕਣਕ ਖੇਤਾਂ ਵਿੱਚ ਢਹਿ-ਢੇਰੀ ਹੋਣ ਨਾਲ ਕਣਕ ਦੇ ਝਾੜ 'ਤੇ ਵੀ ਅਸਰ ਪਵੇਗਾ, ਜਿਸ ਕਾਰਨ ਕਿਸਾਨ ਹੋਰ ਵੀ ਆਰਥਿਕ ਤੰਗੀ ਦੇ ਜਾਲ ਵਿੱਚ ਫਸ ਸਕਦਾ ਹੈ | ਕਿਸਾਨ ਆਗੂ ਬਲਦੇਵ ਸਿੰਘ ਮਕਸੂਦਪੁਰ ਨੇ ਸਰਕਾਰ ਤੋਂ ਮੰਗ ਕੀਤੀ ਕਿ ਮੌਸਮ ਦੀ ਖਰਾਬੀ ਨਾਲ ਕਿਸਾਨ ਦੀ ਖਰਾਬ ਹੋਈ ਕਣਕ ਦੀ ਫਸਲ ਦਾ ਤੁਰੰਤ ਗੁਦਾਵਰੀ ਕਰਵਾ ਕੇ ਪੀੜਤ ਕਿਸਾਨਾਂ ਨੂੰ ਮੁਆਵਜ਼ਾ ਦੇਵੇ |
