ਬੰਗਾ, 8 ਮਈ (ਕਰਮ ਲਧਾਣਾ)-ਸਰਕਾਰੀ ਪ੍ਰਾਇਮਰੀ ਤੇ ਮਿਡਲ ਸਕੂਲ ਮੰਗੂਵਾਲ ਦੇ ਪੰਜਵੀਂ ਤੇ 8ਵੀਂ ਸ਼੍ਰੇਣੀ 'ਚੋਂ ਪਹਿਲੇ ਸਥਾਨ 'ਤੇ ਆਉਂਣ ਵਾਲੇ ਬੱਚਿਆਂ ਨੂੰ ਸਨਮਾਨਿਤ ਕੀਤਾ | ਇਹ ਸਨਮਾਨ ਸਵ. ਡਾ: ਗੁਰਦੇਵ ਸਿੰਘ ਦੇ ਪਰਿਵਾਰ ਵਲੋਂ ਦਿੱਤਾ | ਇਹ ਸਨਮਾਨ ਸਮਾਗਮ ਡਾ: ਗੁਰਦੇਵ ਸਿੰਘ ਦੇ ਕੁੜਮ ਸ: ਸੁਰਜੀਤ ਸਿੰਘ ਕਾਹਮਾ ਸੇਵਾ ਮੁਕਤ ਲੈਕਚਰਾਰ ਦੇ ਯਤਨਾਂ ਸਦਕਾ ਨੇਪਰੇ ਚੜਿ੍ਹਆ | ਸਨਮਾਨ ਦੀ ਰਸਮ ਜਸਵੀਰ ਸਿੰਘ ਨੰਬਰਦਾਰ ਮੰਗੂਵਾਲ ਤੇ ਸੁਰਜੀਤ ਸਿੰਘ ਕਾਹਮਾ ਨੇ ਨਿਭਾਈ | ਸੁਰਜੀਤ ਸਿੰਘ ਕਾਹਮਾ ਨੇ ਕਿਹਾ ਕਿ ਇਹ ਸਨਮਾਨ ਹਰ ਸਾਲ ਪੰਜਵੀਂ ਤੇ ਅੱਠਵੀਂ ਸ਼੍ਰੇਣੀ 'ਚੋਂ ਪਹਿਲੇ ਸਥਾਨ 'ਤੇ ਆਉਣ ਵਾਲੇ ਬੱਚਿਆਂ ਨੂੰ ਦਿੱਤਾ ਜਾਵੇਗਾ | ਅੱਠਵੀਂ ਵਿਚੋਂ ਪਹਿਲੇ ਸਥਾਨ 'ਤੇ ਆਉਣ ਵਾਲੇ ਬੱਚੇ ਨੂੰ 5 ਹਜ਼ਾਰ ਰੁਪਏ ਅਤੇ ਪੰਜਵੀਂ ਵਿਚੋਂ ਪਹਿਲੇ ਸਥਾਨ 'ਤੇ ਆਉਣ ਵਾਲੇ ਬੱਚੇ ਨੂੰ 3 ਹਜ਼ਾਰ ਰੁਪਏ ਇਨਾਮ ਵਜੋਂ ਮਿਲਣਗੇ | ਇਸ ਲਈ ਬੱਚਿਆਂ ਨੂੰ ਇਨਾਮ ਜਿੱਤਣ ਲਈ ਪੂਰੀ ਲਗਨ ਤੇ ਮਿਹਨਤ ਨਾਲ ਪੜਾਈ ਕਰਨੀ ਚਾਹੀਦੀ ਹੈ | ਪੰਜਵੀਂ ਦੇ ਜਸ਼ਨਪ੍ਰੀਤ ਤੇ ਅੱਠਵੀਂ ਦੀ ਯੂਵੀ ਨੂੰ ਇਹ ਸਨਮਾਨ ਪ੍ਰਦਾਨ ਕੀਤਾ ਗਏ | ਇਸ ਸਮੇਂ ਸਕੂਲ ਦਾ ਸਟਾਫ, ਵਿਦਿਆਰਥੀ ਤੇ ਬੱਚਿਆਂ ਦੇ ਮਾਤਾ-ਪਿਤਾ ਹਾਜ਼ਰ ਸਨ |
