ਕਾਠਗੜ੍ਹ, 12 ਮਈ (ਹਰਸਿਮਰਨ ਜੋਤ ਸਿੰਘ ਕਲੇਰ)-ਪੰਜਾਬ ਸਰਕਾਰ ਦਾ ਔਰਤਾਂ ਨਾਲ ਵਾਅਦਾ ਹੈ ਕਿ ਹਰੇਕ ਅਨੁਸੂਚਿਤ ਜਾਤੀ ਔਰਤ ਨੂੰ 1500 ਰੁਪਏ ਅਤੇ ਹਰੇਕ ਗੈਰ-ਅਨੁਸੂਚਿਤ ਜਾਤੀ ਔਰਤ ਨੂੰ 1000 ਰੁਪਏ, ਕਿਸੇ ਵੀ ਬਕਾਏ ਸਮੇਤ ਦਿੱਤੇ ਜਾਣਗੇ | ਔਰਤਾਂ ਨੂੰ ਚਿੰਤਾ ਕਰਨ ਦੀ ਕੋਈ ਲੋੜ ਨਹੀਂ ਹੈ | ਇਹ ਪ੍ਰਗਟਾਵਾ ਹਲਕਾ ਵਿਧਾਇਕ ਸੰਤੋਸ਼ ਕਟਾਰੀਆ ਨੇ ਜਲਾਲਪੁਰ ਪਿੰਡ ਲਿੰਕ ਸੜਕ ਦਾ ਉਦਘਾਟਨ ਕਰਨ ਤੋਂ ਬਾਅਦ ਔਰਤਾਂ ਨਾਲ ਗੱਲਬਾਤ ਕਰਦਿਆਂ ਪ੍ਰਗਟ ਕੀਤੇ | ਉਨ੍ਹਾਂ ਕਿਹਾ ਕਿ ਲਿੰਕ ਸੜਕ, ਜੋ ਕਿ ਬਹੁਤ ਹੀ ਮਾੜੀ ਹਾਲਤ ਵਿਚ ਸੀ, ਉਸ ਦੀ ਮੁਰੰਮਤ ਕੀਤੀ ਗਈ | ਇਸ ਦਾ ਉਦਘਾਟਨ ਮਹਿਲਾ ਮੋਰਚਾ ਵਲੋਂ ਵਿਧਾਇਕਾ ਸੰਤੋਸ਼ ਕਟਾਰੀਆ ਨਾਲ ਕੀਤਾ | ਇਹ ਸੜਕ ਦੋ ਕਿਲੋਮੀਟਰ ਲੰਬੀ ਹੈ | ਤਿੰਨ ਪਿੰਡ, ਜਲਾਲਪੁਰ, ਚਾਹਲ ਤੇ ਚਾਹਲ ਜੱਟਾਂ, ਕੰਢੀ ਖੋਜ ਕੇਂਦਰ ਨਾਲ ਸੜਕ ਨਾਲ ਜੁੜੇ ਹੋਏ ਹਨ | ਇਹ ਦੋਵਾਂ ਨੂੰ ਜੋੜਦਾ ਹੈ | ਇਸ ਪ੍ਰਾਜੈਕਟ 'ਤੇ ਲਗਪਗ 40 ਲੱਖ ਰੁਪਏ ਖਰਚ ਕੀਤੇ ਗਏ ਸਨ | ਔਰਤਾਂ ਨੇ ਵਿਧਾਇਕ ਦਾ ਧੰਨਵਾਦ ਕੀਤਾ | ਇਸ ਮੌਕੇ ਪੰਚ ਰਣਜੀਤ ਕੌਰ, ਗੁਰਦੇਵ ਕੌਰ, ਸੁਖਜੀਤ ਕੌਰ, ਸਰਵਜੀਤ ਕੌਰ, ਕੁਲਦੀਪ ਕੌਰ, ਰਾਜਵਿੰਦਰ ਕੌਰ, ਊਸ਼ਾ ਰਾਣੀ, ਗੁਰਮੀਤ ਕੌਰ, ਭਜਨ ਕੌਰ, ਕੁਲਵਿੰਦਰ ਕੌਰ, ਬਲਵੀਰ ਕੌਰ, ਅਮਨਦੀਪ, ਆਦਿ ਹਾਜ਼ਰ ਸਨ |
