ਬਹਿਰਾਮ, 29 ਮਈ (ਨਛੱਤਰ ਸਿੰਘ ਬਹਿਰਾਮ)-ਅਜੋਕੇ ਸਮੇਂ ਵਿਚ ਨੌਜਵਾਨਾਂ ਨੂੰ ਨਸ਼ਿਆਂ ਵਰਗੀਆਂ ਭੈੜੀਆਂ ਅਲਾਮਤਾਂ ਤੋਂ ਦੂਰ ਰੱਖਣ ਵਿਚ ਕੁਸ਼ਤੀ ਅਖਾੜੇ ਵਧੀਆਂ ਰੋਲ ਨਿਭਾਅ ਰਹੇ ਹਨ | ਇਹ ਸ਼ਬਦ ਐਨ. ਆਰ. ਆਈ. ਰਸੋਈ ਬਹੂਆਂ ਦੇ ਮੈਨੇਜਿੰਗ ਡ੍ਰਾਇਕਟਰ ਤਰਸੇਮ ਸਿੰਘ ਥਾਣੇਦਾਰ ਨੇ ਪਹਿਲਵਾਨ ਪਿ੍ਤਪਾਲ ਸਿੰਘ ਚੇਅਰਮੈਨ ਬਾਪੂ ਲਾਲੀ ਦਾਸ ਅਖਾੜਾ ਚੱਕ ਹਕੀਮ ਵਿਖੇ ਆਖੇ | ਉਨ੍ਹਾਂ ਜਿਥੇ ਉਕਤ ਅਖਾੜੇ ਦੀ ਸ਼ਲਾਘਾ ਕੀਤੀ ਉਥੇ ਉਨ੍ਹਾਂ ਕਿਹਾ ਕਿ ਪਿੰਡਾਂ ਦੀਆਂ ਪੰਚਾਇਤਾਂ ਤੇ ਸਮਾਜ ਸੇਵੀ ਸੰਸਥਾਵਾਂ ਪਿੰਡ ਪੱਧਰ 'ਤੇ ਖੇਡ ਅਖਾੜੇ ਖੋਲ੍ਹਣ ਤਾਂ ਜੋ ਨੌਜਵਾਨ ਆਪਣਾ ਤੇ ਆਪਣੇ ਪਰਿਵਾਰ ਦਾ ਭਵਿੱਖ ਸੰਵਾਰਨ | ਉਪਰੰਤ ਉਕਤ ਅਖਾੜੇ ਦੇ ਚੇਅਰਮੈਨ ਪਿ੍ਤਪਾਲ ਸਿੰਘ ਵਲੋਂ ਥਾਣੇਦਾਰ ਦਾ ਸਿਰੋਪਾਓ ਨਾਲ ਸਨਮਾਨ ਕੀਤਾ | ਅਖਾੜੇ ਦੇ ਪ੍ਰਧਾਨ ਸ਼ਿੰਦਰਪਾਲ ਸਿੰਘ, ਰਵਿੰਦਰ ਕੁਮਾਰ, ਐਚ. ਐਸ. ਬਾਓ, ਮੀਕਾ ਪੰਡਵਾਂ, ਬਿੰਦਾ, ਪਰਮਜੀਤ ਸਿੰਘ, ਬਲਬੀਰ ਸਿੰਘ, ਵਿਜੇਪਾਲ ਸਿੰਘ ਤੇਜ਼ੀ, ਮਲਵਿੰਦਰ ਸਿੰਘ ਆਦਿ ਹਾਜ਼ਰ ਸਨ |
