ਬਹਿਰਾਮ, 16 ਜੁਲਾਈ (ਨਛੱਤਰ ਸਿੰਘ ਬਹਿਰਾਮ)- ਬੀਤੀ ਰਾਤ ਪਿੰਡ ਗਦਾਣੀ ਦੇ ਇੱਕ ਕਿਸਾਨ ਬਲਿਹਾਰ ਸਿੰਘ ਪੁੱਤਰ ਭਜਨ ਸਿੰਘ ਦੀ ਲਿੰਕ ਰੋਡ ‘ਤੇ ਹਵੇਲੀ ਵਿੱਚੋਂ ਰਾਤ ਤਕਰੀਬਨ 1 ਵਜੇ ਦੇ ਕਰੀਬ ਦੋ ਬੱਕਰੀਆਂ ਚੋਰੀ ਹੋਣ ਦਾ ਸਮਾਚਾਰ ਹੈ। ਕਿਸਾਨ ਬਲਿਹਾਰ ਸਿੰਘ ਤੇ ਸਾਬਕਾ ਸੰਮਤੀ ਮੈਂਬਰ ਸੰਦੀਪ ਸਿੰਘ ਲਾਲੀ ਗਦਾਣੀ ਨੇ ਦੱਸਿਆ ਕਿ ਚਿੱਟੇ ਰੰਗ ਦੀ ਬਲੇਰੋ ਗੱਡੀ ਜਿਸਦਾ ਡਾਲਾ ਨੀਲਾ ਸੀ, ਉਸ ਵਿੱਚ ਦੋ ਵਿਅਕਤੀ ਦੋ ਬੱਕਰੀਆਂ ਹਵੇਲੀ ਵਿੱਚੋ ਚੋਰੀ ਕਰ ਕੇ ਲੈ ਗਏ ਜਿਸ ਦੀ ਸੂਚਨਾ ਪੁਲਿਸ ਥਾਣਾ ਬਹਿਰਾਮ ਨੂੰ ਦੇ ਦਿੱਤੀ ਹੈ ਜੋ ਚੋਰਾਂ ਦੀ ਭਾਲ ਕਰ ਰਹੀ ਹੈ। ਇਸ ਮੌਕੇ ਸਰਪੰਚ ਬੀਬੀ ਦਰਸ਼ਨ ਕੌਰ, ਪੰਚ ਤਰਸੇਮ ਲਾਲ, ਬੁੱਧ ਸਿੰਘ, ਸੁਖਵੀਰ ਸਿੰਘ, ਨੰਬਰਦਾਰ ਗੁਰਬਚਨ ਸਿੰਘ ਆਦਿ ਨੇ ਮੰਗ ਕੀਤੀ ਕਿ ਚੋਰਾਂ ਨੂੰ ਕਾਬੂ ਕੀਤਾ ਜਾਵੇ।
