ਸਰਕਾਰ ਕਿਸਾਨਾਂ ਦਾ 68 ਰੁਪਏ ਗੰਨੇ ਦਾ ਬਕਾਇਆ ਦੇਵੇ - ਸੁਖਦੇਵ ਸਿੰਘ
ਘੁੰਮਣਾਂ, 13 ਅਗਸਤ (ਮਹਿੰਦਰਪਾਲ ਸਿੰਘ) - ਪੰਜਾਬ ਸਰਕਾਰ ਨੇ ਕਿਸਾਨਾਂ ਨੂੰ ਗੰਨੇ ਦਾ 68 ਰੁਪਏ 50 ਪੈਸੇ ਦੇਣ ਦਾ ਐਲਾਨ ਕੀਤਾ ਸੀ। ਗੰਨੇ ਦਾ ਮੁੜ ਕੇ ਸੀਜਨ ਫੇਰ ਆਉਣ ਵਾਲਾ ਹੈ।
ਘੁੰਮਣਾਂ, 13 ਅਗਸਤ (ਮਹਿੰਦਰਪਾਲ ਸਿੰਘ) - ਪੰਜਾਬ ਸਰਕਾਰ ਨੇ ਕਿਸਾਨਾਂ ਨੂੰ ਗੰਨੇ ਦਾ 68 ਰੁਪਏ 50 ਪੈਸੇ ਦੇਣ ਦਾ ਐਲਾਨ ਕੀਤਾ ਸੀ। ਗੰਨੇ ਦਾ ਮੁੜ ਕੇ ਸੀਜਨ ਫੇਰ ਆਉਣ ਵਾਲਾ ਹੈ। ਇਹ ਵਿਚਾਰ ਸ਼੍ਰੋ੍ਮਣੀ ਅਕਾਲੀ ਦਲ (ਬ) ਦੇ ਆਗੂ ਸੁਖਵੇਦ ਸਿੰਘ ਮੇਹਲੀਆਣਾ ਕਿਸਾਨ ਮੈਂਬਰ ਨੇ ਪੱਤਰਕਾਰਾਂ ਨਾਲ ਪ੍ਰਗਟ ਕਰਦਿਆਂ ਕਹੇ। ਉਨ੍ਹਾਂ ਕਿਹਾ ਕਿ ਫਗਵਾੜਾ ਮਿੱਲਵੱਲ ਅਜੇ ਵੀ ਲੱਖਾਂ ’ਚ ਕਿਸਾਨਾਂ ਦੀ ਕਈ ਸਾਲਾਂ ਤੋਂ ਬਕਾਇਆ ਰਾਸ਼ੀ ਪਈ ਹੈ ਜੋ ਮਿੱਲ ਵਲੋਂ ਨਹੀਂ ਦਿੱਤੀ ਗਈ। ਪੰਜਾਬ ਦਾ ਅੰਨਦਾਤਾ ਕਦੀ ਹੜ੍ਹਾਂ ਦੀ ਆਫਤ ਤੇ ਹੁਣ ਮੀਂਹ ਘੱਟ ਪੈਣ ਕਰਕੇ ਪ੍ਰੇਸ਼ਾਨ ਹੈ। ਉਪਰੋਂ ਜੇਕਰ ਫਸਲ ਵੇਚੀ ਜਾਂਦੀ ਹੈ ਤਾਂ ਉਸ ਦਾ ਭੁਗਤਾਨ ਸਮੇਂ ਸਿਰ ਨਹੀਂ ਹੁੰਦਾ। ਕਿਸਾਨ ਮਹਿੰਗਾਈ ’ਚ ਖਰਚਾ ਕਿਥੋਂ ਕਰਨ, ਹਰ ਚੀਜ ਦੇ ਭਾਅ ਸਿਖਰਾਂ ’ਤੇ ਹਨ। ਕਿਸਾਨਾਂ ਨੇ ਮੰਗ ਕੀਤੀ ਹੈ ਕਿ ਪੰਜਾਬ ਸਰਕਾਰ ਗੰਨੇ ਦੀ ਬਕਾਇਆ ਰਾਸ਼ੀ ਜਲਦ ਦੇਵੇ।
