ਭਰੋਲੀ ’ ਚ ਸਾਲਾਨਾ ਜੋੜ ਮੇਲਾ 4 ਨੂੰ , ਛਿੰਝ ਮੇਲਾ 5 ਨੂੰ
ਘੁੰਮਣਾਂ, 29 ਅਗਸਤ (ਮਹਿੰਦਰਪਾਲ ਸਿੰਘ) - ਪਿੰਡ ਭਰੋਲੀ ’ਚ ਗੁੱਗਾ ਜਾਹਰ ਪੀਰ ਨੂੰ ਸਮਰਪਿਤ ਸਲਾਨਾ ਜੋੜ ਮੇਲਾ 4 ਸਤੰਬਰ ਨੂੰ ਗੱਦੀ ਨਸ਼ੀਨ ਅਮਰੀਕ ਚੇਲਾ ਤੇ ਸੇਵਾਦਾਰ ਹਰੀ ਰਾਮ ਦੀ ਅਗਵਾਈ ’ਚ ਕਰਵਾਇਆ ਜਾ ਰਿਹਾ ਹੈ। ਇਸੇ ਤਰ੍ਹਾਂ 5 ਸਤੰਬਰ ਨੂੰ ਛਿੰਝ ਮੇਲਾ ਗ੍ਰਾਮ ਪੰਚਾਇਤ, ਐਨ.
ਘੁੰਮਣਾਂ, 29 ਅਗਸਤ (ਮਹਿੰਦਰਪਾਲ ਸਿੰਘ) - ਪਿੰਡ ਭਰੋਲੀ ’ਚ ਗੁੱਗਾ ਜਾਹਰ ਪੀਰ ਨੂੰ ਸਮਰਪਿਤ ਸਲਾਨਾ ਜੋੜ ਮੇਲਾ 4 ਸਤੰਬਰ ਨੂੰ ਗੱਦੀ ਨਸ਼ੀਨ ਅਮਰੀਕ ਚੇਲਾ ਤੇ ਸੇਵਾਦਾਰ ਹਰੀ ਰਾਮ ਦੀ ਅਗਵਾਈ ’ਚ ਕਰਵਾਇਆ ਜਾ ਰਿਹਾ ਹੈ। ਇਸੇ ਤਰ੍ਹਾਂ 5 ਸਤੰਬਰ ਨੂੰ ਛਿੰਝ ਮੇਲਾ ਗ੍ਰਾਮ ਪੰਚਾਇਤ, ਐਨ.ਆਰ.ਆਈ ਵੀਰ ਅਤੇ ਪ੍ਰਬੰਧਕ ਕਮੇਟੀ ਦੇ ਸਹਿਯੋਗ ਨਾਲ ਕਰਵਾਇਆ ਜਾਵੇਗਾ। ਪ੍ਰਧਾਨ ਡਾ. ਊਧਮ ਕਟਾਰੀਆ ਨੇ ਦੱਸਿਆ ਕਿ 3 ਸਤੰਬਰ ਨੂੰ ਚਿਰਾਗ ਤੇ ਚੋਟ ਹੋਵੇਗੀ। 4 ਸਤੰਬਰ ਨੂੰ ਗਾਇਕ ਬੂਟਾ ਮੁਹੰਮਦ, ਸਾਈਂ ਪੱਪਲ ਸ਼ਾਹ ਭਰੋਮਜਾਰਾ, ਪਰਵੇਜ਼ ਆਲਮ ਅਤੇ ਜਿੰਮੀ ਗਰੇਵਾਲ ਸੰਗਤਾਂ ਦਾ ਮਨੋਰੰਜਨ ਕਰਨਗੇ। ਕੁਲਵਿੰਦਰ ਬਾਵਾ-ਮਾਣਾ ਮਝੂਰੀਆ ਐਂਡ ਪਾਰਟੀ ਡਰਾਮਾ ਪੇਸ਼ ਕਰਨਗੇ। 5 ਸਤੰਬਰ ਨੂੰ ਛਿੰਝ ਮੇਲੇ ’ਚ ਪਟਕੇ ਦੀ ਕੁਸ਼ਤੀ ਪਹਿਲਵਾਨ ਅਸ਼ੀਸ਼ ਹੁੱਡਾ ਤੇ ਆਰੀਅਨ ਦਿੱਲੀ ਵਿਚਕਾਰ, ਦੋ ਨੰਬਰ ਦੀ ਕੁਸ਼ਤੀ ਪਹਿਲਵਾਨ ਸਾਜਨ ਪੱਟੀ ਤੇ ਜੱਸਾ ਬਾਹੜੋਵਾਲ ਵਿਚਕਾਰ ਹੋਵੇਗੀ। ਛਿੰਝ ਮੇਲੇ ਸਬੰਧੀ ਜਾਣਕਾਰੀ ਦਿੰਦਿਆਂ ਸਾਬਕਾ ਸਰਪੰਚ ਹਰਭਜਨ ਸਿੰਘ ਭਰੋਲੀ ਨੇ ਕਿਹਾ ਕਿ ਜੇਤੂ ਪਹਿਲਵਾਨਾਂ ਨੂੰ ਦਿਲ ਖਿਚਵੇਂ ਇਨਾਮ ਦਿੱਤੇ ਜਾਣਗੇ ਤਾਂ ਜੋ ਨੌਜਵਾਨਾਂ ’ਚ ਖੇਡਾਂ ਪ੍ਰਤੀ ਰੂਚੀ ਪੈਦਾ ਹੋ ਸਕੇ।
