ਸ਼ਿਵ ਮੰਦਰ ਬੀੜ੍ਹਿਆ ਵਾਲਾ ਵਿਖੇ ਮਨਾਇਆ ਸ੍ਰੀ ਗਣੇਸ਼ ਉਤਸਵ
ਬਲਾਚੌਰ, 25 ਸਤੰਬਰ (ਦੀਦਾਰ ਸਿੰਘ ਬਲਾਚੌਰੀਆ)-ਸਥਾਨਕ ਪ੍ਰਚੀਨ ਸ਼ਿਵ ਮੰਦਰ ਬੀੜ੍ਹਿਆ ਵਾਲਾ ਵਿਖੇ ਸ੍ਰੀ ਗਣੇਸ਼ ਉਤਸਵ ਸ਼ਰਧਾ ਨਾਲ ਮਨਾਇਆ। ਇਸ ਮੌਕੇ ਭਜਨ ਮੰਡਲੀਆਂ ਵਲੋਂ ਭਗਵਾਨ ਸ੍ਰੀ ਗਣੇਸ਼ ਜੀ ਦੀ ਮਹਿਮਾ ਦਾ ਗੁਣਗਾਣ ਕੀਤਾ।
ਬਲਾਚੌਰ, 25 ਸਤੰਬਰ (ਦੀਦਾਰ ਸਿੰਘ ਬਲਾਚੌਰੀਆ)-ਸਥਾਨਕ ਪ੍ਰਚੀਨ ਸ਼ਿਵ ਮੰਦਰ ਬੀੜ੍ਹਿਆ ਵਾਲਾ ਵਿਖੇ ਸ੍ਰੀ ਗਣੇਸ਼ ਉਤਸਵ ਸ਼ਰਧਾ ਨਾਲ ਮਨਾਇਆ। ਇਸ ਮੌਕੇ ਭਜਨ ਮੰਡਲੀਆਂ ਵਲੋਂ ਭਗਵਾਨ ਸ੍ਰੀ ਗਣੇਸ਼ ਜੀ ਦੀ ਮਹਿਮਾ ਦਾ ਗੁਣਗਾਣ ਕੀਤਾ। ਇਸ ਉਤਸਵ ਦੇ ਸੰਬੰਧ ਵਿਚ ਸ਼ਾਨਦਾਰ ਝਾਕੀਆਂ ਕੱਢੀਆ ਗਈਆਂ ਅਤੇ ਸ਼ਾਨਦਾਰ ਪੇਸ਼ਕਾਰੀ ਕਰਨ ਵਾਲੇ ਬੱਚੇ ਬੱਚੀਆਂ ਨੂੰ ਮੰਦਰ ਕਮੇਟੀ ਵਲੋਂ ਜਿੱਥੇ ਸਨਮਾਨਿਤ ਕੀਤਾ ਉਥੇ ਨਾਲ ਹੀ ਪਿਛਲੇ ਸਾਲਾਂ ਵਾਂਗ ਇਸ ਵਾਰ ਵੀ ਮੰਦਰ ਕੰਪਲੈਕਸ ਅੰਦਰ ਹੀ ਸ਼ਰਧਾ ਨਾਲ ਪਾਣੀ ਦੇ ਵੱਡੇ ਟੱਬ ਵਿਚ ਸ੍ਰੀ ਗਣੇਸ਼ ਮਹਾਰਾਜ ਦੀ ਮੂਰਤੀ ਦਾ ਵਿਸਰਜਨ ਕੀਤਾ। ਇਸ ਮੌਕੇ ਮੰਦਰ ਕਮੇਟੀ ਦੇ ਪ੍ਰਧਾਨ ਰਾਣਾ ਰਣਦੀਪ ਕੌਸ਼ਲ, ਬ੍ਰਾਹਮਣ ਸਮਾਜ ਵੈਲਫੇਅਰ ਸੁਸਾਇਟੀ ਦੇ ਪ੍ਰਧਾਨ ਵਿਕਾਸ ਭਾਰਦਵਾਜ, ਜੋਤੀ ਸਰੂਪ ਪਾਠਕ, ਪਵਨ ਸ਼ਰਮਾ, ਵਿਨੋਦ ਸ਼ਰਮਾਂ, ਹਕੂਮਤ ਰਾਏ ਸੋਨੀ, ਕਪਿਲ ਜਗੋਤਾ, ਡਾ. ਜੋਸ਼ੀ, ਮੰਦਰ ਦੇ ਪੁਜਾਰੀ ਪੰਡਿਤ ਦਿਨੇਸ਼ ਸ਼ਰਮਾਂ, ਸ਼ਕਤੀ ਕੁਮਾਰ ਜੋਸ਼ੀ ਸਮੇਤ ਮੰਦਰ ਕਮੇਟੀ ਤੇ ਬ੍ਰਾਹਮਣ ਸਮਾਜ ਸੁਸਾਇਟੀ ਦੇ ਮੈਂਬਰ ਹਾਜ਼ਰ ਸਨ।
