ਅਰਸ਼ੀਆ ਕੌਰ ਨੇ ‘ਡੀ. ਏ. ਵੀ ਐਮ. ਯੂ. ਐੱਨ 26’ ਵਿਚ ਵਧਾਇਆ ਪੰਜਾਬ ਦਾ ਮਾਣ
ਨਵਾਂਸ਼ਹਿਰ, 12 ਅਕਤੂਬਰ (ਦੀਦਾਰ ਸਿੰਘ ਸ਼ੇਤਰਾ)-ਨੌਜਵਾਨ ਪੀੜ੍ਹੀ ਆਪਣੀ ਮਿਹਨਤ ਤੇ ਲਗਨ ਨਾਲ ਨਵੇਂ ਮੀਲ ਪੱਥਰ ਸਥਾਪਿਤ ਕਰ ਰਹੀ ਹੈ। ਅਜਿਹੀ ਹੀ ਇਕ ਹੋਣਹਾਰ ਵਿਦਿਆਰਥਣ ਅਰਸ਼ੀਆ ਕੌਰ ਨੇ ਆਪਣੀ ਪ੍ਰਤਿਭਾ ਨਾਲ ਸਭ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਹੈ।
ਨਵਾਂਸ਼ਹਿਰ, 12 ਅਕਤੂਬਰ (ਦੀਦਾਰ ਸਿੰਘ ਸ਼ੇਤਰਾ)-ਨੌਜਵਾਨ ਪੀੜ੍ਹੀ ਆਪਣੀ ਮਿਹਨਤ ਤੇ ਲਗਨ ਨਾਲ ਨਵੇਂ ਮੀਲ ਪੱਥਰ ਸਥਾਪਿਤ ਕਰ ਰਹੀ ਹੈ। ਅਜਿਹੀ ਹੀ ਇਕ ਹੋਣਹਾਰ ਵਿਦਿਆਰਥਣ ਅਰਸ਼ੀਆ ਕੌਰ ਨੇ ਆਪਣੀ ਪ੍ਰਤਿਭਾ ਨਾਲ ਸਭ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਹੈ। ਡੀ. ਏ. ਵੀ. ਪਬਲਿਕ ਸਕੂਲ, ਬੀ. ਆਰ. ਐਸ. ਨਗਰ, ਲੁਧਿਆਣਾ ਵਿਖੇ 10 ਤੇ 11 ਅਕਤੂਬਰ 2026 ਨੂੰ ਕਰਵਾਏ ‘ਡੀ. ਏ. ਵੀ ਐਮ. ਯੂ. ਐੱਨ 26’ ਵਿਚ ਅਰਸ਼ੀਆ ਕੌਰ ਨੇ ਨਾਟੋ ਕਮੇਟੀ ਵਿਚ ‘ਯੂਨਾਇਟਿਡ ਕਿੰਗਡਮ ਦੀ ਡਿਸਟਿੰਗੁਇਸ਼ਡ ਰੀਪ੍ਰੀਜ਼ੈਂਟੇਟਿਵ’ ਵਜੋਂ ਸ਼ਾਨਦਾਰ ਭੂਮਿਕਾ ਨਿਭਾਈ। ਇਸ ਦੋ-ਰੋਜ਼ਾ ਕਾਨਫਰੰਸ ਵਿਚ ਵੱਖ-ਵੱਖ ਸਕੂਲਾਂ ਦੇ ਵਿਦਿਆਰਥੀਆਂ ਨੇ ਵਿਸ਼ਵ ਦੇ ਮਹੱਤਵਪੂਰਨ ਮੁੱਦਿਆਂ ’ਤੇ ਆਪਣੇ ਵਿਚਾਰ ਰੱਖੇ। ਨਾਟੋ ਵਰਗੀ ਸੰਵੇਦਨਸ਼ੀਲ ਕਮੇਟੀ ਵਿਚ ਯੂ. ਕੇ. ਦੀ ਨੁਮਾਇੰਦਗੀ ਕਰਨਾ ਆਸਾਨ ਨਹੀਂ। ਅਰਸ਼ੀਆ ਨੇ ਆਪਣੀ ਖੋਜ, ਆਤਮ-ਵਿਸ਼ਵਾਸ ਤੇ ਕੂਟਨੀਤਕ ਸੂਝ-ਬੂਝ ਨਾਲ ਸਾਬਤ ਕਰ ਦਿੱਤਾ ਕਿ ਉਹ ਭਵਿੱਖ ਦੀ ਇਕ ਸ਼ਾਨਦਾਰ ਲੀਡਰ ਹੈ। ਅਰਸ਼ੀਆ ਕੌਰ, ਸ. ਪੀ. ਸਿੰਘ ਯਾਦ ਦੀ ਪੋਤਰੀ ਹੈ ਅਤੇ ਆਤਮ ਪ੍ਰਕਾਸ਼ ਸਿੰਘ ਯਾਦ ਤੇ ਸਿੱਖ ਰਾਈਡਰਜ਼ ਫੈਮਿਲੀ ਨਾਲ ਸੰਬੰਧਤ ਹੈ। ਇਸ ਪ੍ਰਾਪਤੀ ’ਤੇ ਸਿੱਖ ਰਾਈਡਰਜ਼ ਫੈਮਿਲੀ ਤੇ ਆਤਮ ਪ੍ਰਕਾਸ਼ ਸਿੰਘ ਯਾਦ ਵਲੋਂ ਅਰਸ਼ੀਆ ਨੂੰ ਵਧਾਈ ਦਿੰਦੇ ਹੋਏ ਕਿਹਾ ਗਿਆ ਹੈ ਕਿ ਅਰਸ਼ੀਆ ਆਪਣੇ ਜੀਵਨ ਦੇ ਸਫ਼ਰ ਵਿਚ ਹੋਰ ਵੀ ਮੀਲ ਪੱਥਰ ਸਥਾਪਿਤ ਕਰੇਗੀ। ਸਾਨੂੰ ਤੁਹਾਡੇ ’ਤੇ ਮਾਣ ਹੈ ਤੇ ਸਮਾਜ ਪ੍ਰਤੀ ਤੁਹਾਡੇ ਯੋਗਦਾਨ ਦੀ ਅਸੀਂ ਸ਼ਲਾਘਾ ਕਰਦੇ ਹਾਂ।
