ਆਈ.ਟੀ.ਆਈ. ਬਸੀ ਪਠਾਣਾਂ 'ਚ ਸੀ.ਐਮ. ਦੀ ਯੋਗਸ਼ਾਲਾ ਨੂੰ ਦੋ ਸਾਲ ਪੂਰੇ ਹੋਏ

ਅ

ਅਜੀਤ ਡੈਸਕ 08-03-2026

ਬਸੀ ਪਠਾਣਾਂ, 7 ਮਾਰਚ (ਐਚ.ਐਸ.ਗੌਤਮ)-ਆਈ.ਟੀ.ਆਈ. ਬਸੀ ਪਠਾਣਾਂ ਵਿਚ ਚੱਲ ਰਹੀ ਸੀ.ਐਮ. ਦੀ ਯੋਗਸ਼ਾਲਾ ਦੇ ਦੋ ਸਾਲ ਪੂਰੇ ਹੋਣ 'ਤੇ ਇਕ ਵਿਸ਼ੇਸ਼ ਪ੍ਰੋਗਰਾਮ ਆਯੋਜਿਤ ਕੀਤਾ ਗਿਆ, ਜਿਸ ਵਿਚ ਯੋਗਾ ਦੀ ਕਲਾਸ ਤੋਂ ਬਾਅਦ ਪ੍ਰੋਗਰਾਮ ਵਿਚ ਸ਼ਾਮਿਲ ਪ੍ਰੇਮ ਵਧਵਾ ਨੇ ਕਿਹਾ ਕਿ ਪੰਜਾਬ ਸਰਕਾਰ ਦਾ ਇਹ ਨਿਵੇਕਲਾ ਉਪਰਾਲਾ ਹੈ | ਇਸ ਨਾਲ ਜਿੱਥੇ ਪੰਜਾਬ ਦੇ ਲੋਕਾਂ ਨੂੰ ਯੋਗਾ ਨਾਲ ਜੋੜ ਕੇ ਉਨ੍ਹਾਂ ਨੂੰ ਤੰਦਰੁਸਤ ਰੱਖਣ ਤੇ ਬਿਮਾਰੀਆਂ ਤੋਂ ਬਚਾਉਣ ਦੀ ਇੱਕ ਚੰਗੀ ਕੋਸ਼ਿਸ਼ ਹੈ, ਉੱਥੇ ਹਜਾਰਾਂ ਯੋਗਾ ਟਰੇਨਰਜ਼ ਨੂੰ ਰੁਜ਼ਗਾਰ ਵੀ ਮਿਲਿਆ ਹੈ | ਜਗਦੀਸ਼ ਮੜਕਣ ਨੇ ਯੋਗਾ ਟਰੇਨਰ ਗੁਰਸ਼ਬਦ ਸਿੰਘ ਦੀ ਸ਼ਲਾਘਾ ਕੀਤੀ ਜਿਹੜੇ ਰੋਜ਼ਾਨਾ ਸਵੇਰੇ ਪੂਰੀ ਤਨਦੇਹੀ ਤੇ ਸ਼ਿੱਦਤ ਨਾਲ ਲੋਕਾਂ ਨੂੰ ਯੋਗ ਸਿਖਾ ਰਹੇ ਹਨ | ਇਸ ਪ੍ਰੋਗਰਾਮ ਵਿਚ ਜਗਦੀਸ਼ ਜੱਗੀ, ਹਰਨੇਕ ਸਿੰਘ, ਵਿਜੇ ਕੁਮਾਰ, ਨਰੇਸ਼ ਕੁਮਾਰ, ਪ੍ਰਵੀਨ ਬਾਂਸਲ, ਸੁਰੇਸ਼ ਕੁਮਾਰ, ਮੁਕੇਸ਼ ਮੱਕੜ, ਅਮਨ, ਸੈਂਟੀ, ਸੰਦੀਪ ਬਾਂਸਲ, ਖੁਸ਼ਦੀਪ ਮਲਹੋਤਰਾ, ਰਾਜਨ, ਦੇਵ ਕੁਮਾਰ, ਰਮੇਸ਼ ਸੇਠੀ, ਰਿਸ਼ਭ ਜਿੰਦਲ ਆਦਿ ਸ਼ਾਮਿਲ ਸਨ |

ਪਿਛਲੀ ਖ਼ਬਰ ਕੋਰਡੀਆ ਸੰਸਥਾਨ ਵਿਖੇ ਅੰਤਰਰਾਸ਼ਟਰੀ ਔਰਤ ਦਿਵਸ ਮਨਾਇਆ ਅਗਲੀ ਖ਼ਬਰ ਅੱਜ ਬਿਜਲੀ ਸਪਲਾਈ ਬੰਦ ਰਹੇਗੀ

ਆਈ.ਟੀ.ਆਈ. ਬਸੀ ਪਠਾਣਾਂ 'ਚ ਸੀ.ਐਮ. ਦੀ ਯੋਗਸ਼ਾਲਾ ਨੂੰ ਦੋ ਸਾਲ ਪੂਰੇ ਹੋਏ

ਸੰਬੰਧਿਤ ਖ਼ਬਰਾਂ