ਜੀ.ਪੀ.ਸੀ. ਵਿਖੇ 21ਵਾਂ ਸਾਲਾਨਾ ਇਨਾਮ ਵੰਡ ਸਮਾਰੋਹ
ਅਜੀਤ ਡੈਸਕ
08-04-2026
ਕਾਲਜ ਪਿ੍ੰਸੀਪਲ ਡਾ. ਪਜਨੀ ਨੇ ਕਾਲਜ ਦੀ ਸਾਲਾਨਾ ਰਿਪੋਰਟ ਪੜ੍ਹੀ | ਉਨ੍ਹਾਂ ਨੇ ਸਟੀਲ ਟਾਊਨ ਅਤੇ ਇਸ ਦੇ ਆਲ਼ੇ ਦੁਆਲੇ ਦੇ ਖੇਤਰਾਂ ਦੇ ਲੋਕਾਂ ਨੂੰ ਆਰਟਸ, ਕੰਪਿਊਟਰ ਐਪਲੀਕੇਸ਼ਨ ਅਤੇ ਵਪਾਰ ਪ੍ਰਸ਼ਾਸਨ (ਵਣਜ) ਦੇ ਫੈਕਲਟੀ ਵਿਚ ਮਿਆਰੀ ਸਿੱਖਿਆ ਲਈ ਸ਼ਾਨਦਾਰ ਮੌਕੇ ਪ੍ਰਦਾਨ ਕਰਨ ਵਿਚ ਕਾਲਜ ਦੇ ਯੋਗਦਾਨ 'ਤੇ ਚਾਨਣਾ ਪਾਇਆ | ਇਸ ਮੌਕੇ ਮੁੱਖ ਮਹਿਮਾਨ ਚੇਅਰਮੈਨ ਜੀ.ਪੀ.ਸੀ., ਪਿ੍ੰਸੀਪਲਾਂ ਅਤੇ ਉੱਘੇ ਟਰੱਸਟ ਮੈਂਬਰਾਂ ਨੇ ਵਿਦਿਆਰਥੀਆਂ ਨੂੰ ਯੂਨੀਵਰਸਿਟੀ ਅਤੇ ਹਾਊਸ ਪ੍ਰੀਖਿਆਵਾਂ, ਲਿੰਗ ਚੈਂਪੀਅਨ, ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਦੇ ਜ਼ੋਨਲ ਤੇ ਅੰਤਰ-ਜ਼ੋਨਲ ਯੁਵਕ ਮੇਲਿਆਂ ਅਤੇ ਖੇਡਾਂ ਵਿਚ ਪ੍ਰਦਰਸ਼ਨ ਦੇ ਆਧਾਰ 'ਤੇ ਅਕਾਦਮਿਕ ਅਤੇ ਸੱਭਿਆਚਾਰਕ ਪੁਰਸਕਾਰਾਂ ਨਾਲ ਸਨਮਾਨਿਤ ਕੀਤਾ | ਜਦਕਿ ਧਰੁਵ ਮਹਿਤਾ ਪੀ.ਜੀ.ਡੀ.ਸੀ.ਏ. ਨੂੰ ਲੜਕਿਆਂ ਲਈ ਅਤੇ ਜੋਤੀ ਕੁਮਾਰੀ ਬੀ.ਕਾਮ. 999 ਨੂੰ ਕਾਲਜ ਕਲਰ ਭੇਟ ਕੀਤੇ ਗਏ | ਪ੍ਰੋਗਰਾਮ ਦੌਰਾਨ ਵਿਦਿਆਰਥੀਆਂ ਨੂੰ ਸਭ ਤੋਂ ਵੱਧ ਹਾਜ਼ਰੀ ਲਈ ਪੁਰਸਕਾਰ, ਮੀਡੀਆ ਕਰਮੀਆਂ ਅਤੇ ਵੱਖ-ਵੱਖ ਖੇਡਾਂ ਦੇ ਕੋਚਾਂ ਨੂੰ ਮੁੱਖ ਮਹਿਮਾਨ ਰਾਜ ਕੁਮਾਰ ਗੋਇਲ ਨੇ ਸਨਮਾਨਿਤ ਕੀਤਾ | ਇਸ ਮੌਕੇ ਪਵਨ ਸਚਦੇਵਾ, ਪਿਆਰਾ ਸਿੰਘ ਕਲਸੀ, ਅਤੁਲ ਅਗਰਵਾਲ, ਅਜੈ ਪਾਲ ਸਿੰਘ ਅਟਵਾਲ ਵਧੀਕ ਐਸ.ਈ. ਇਨਫੋਰਸਮੈਂਟ, ਮੰਡੀ ਗੋਬਿੰਦਗੜ੍ਹ, ਡਾ. ਨਿਸ਼ੀ ਬਾਲਾ ਡਾਇਰੈਕਟਰ ਪਿਪਟ ਅਤੇ ਸੰਜੀਵ ਥੋਰ ਪਿ੍ੰਸੀਪਲ ਐਸ.ਐਨ.ਏ.ਐਸ. ਮੰਡੀ ਗੋਬਿੰਦਗੜ੍ਹ ਵੀ ਮੌਜੂਦ ਸਨ | ਇਸ ਪ੍ਰੋਗਰਾਮ ਵਿਚ 400 ਵਿਦਿਆਰਥੀ ਸ਼ਾਮਿਲ ਸਨ |
