ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਵਿਸ਼ਵ 'ਵਰਸਿਟੀ ਵਿਖੇ ਰੁਜ਼ਗਾਰ ਮੇਲਾ-2026 ਕਰਵਾਇਆ
ਅਜੀਤ ਡੈਸਕ
23-04-2026
ਡਾ. ਕਮਲਜੀਤ ਕੌਰ ਇੰਚਾਰਜ ਟ੍ਰੇਨਿੰਗ ਤੇ ਪਲੇਸਮੈਂਟ ਸੈੱਲ ਨੇ ਕਿਹਾ ਕਿ ਰੁਜ਼ਗਾਰ ਮੇਲਾ ਕੇਵਲ ਭਰਤੀ ਸਮਾਗਮ ਨਹੀਂ, ਸਗੋਂ ਅਕਾਦਮਿਕ ਸਿੱਖਿਆ ਅਤੇ ਪੇਸ਼ਾਵਰ ਸਫਲਤਾ ਵਿਚਕਾਰ ਇਕ ਮਜ਼ਬੂਤ ਕੜੀ ਹੈ | ਉਨ੍ਹਾਂ ਦੱਸਿਆ ਕਿ ਟ੍ਰੇਨਿੰਗ ਐਂਡ ਪਲੇਸਮੈਂਟ ਸੈੱਲ ਸਾਲ ਭਰ ਵਿਦਿਆਰਥੀਆਂ ਨੂੰ ਹੁਨਰ ਵਿਕਾਸ ਦੇ ਪ੍ਰੋਗਰਾਮਾਂ, ਮੌਖਿਕ ਇੰਟਰਵਿਊ, ਐਪਟੀਟਿਊਡ ਟ੍ਰੇਨਿੰਗ, ਰਿਜ਼ਿਊਮ ਬਿਲਡਿੰਗ ਸੈਸ਼ਨਾਂ ਤੇ ਸ਼ਖ਼ਸੀਅਤ ਵਿਕਾਸ ਗਤੀਵਿਧੀਆਂ ਰਾਹੀਂ ਤਿਆਰ ਕਰਦਾ ਹੈ | ਭਾਗ ਲੈਣ ਵਾਲੇ ਭਰਤੀ ਕਾਰਾਂ ਨੇ ਵਿਦਿਆਰਥੀਆਂ ਦੀ ਯੋਗਤਾ, ਉਤਸ਼ਾਹ ਅਤੇ ਤਿਆਰੀ ਦੀ ਪ੍ਰਸੰਸਾ ਕੀਤੀ | ਕਈ ਵਿਦਿਆਰਥੀਆਂ ਨੂੰ ਇੰਟਰਵਿਊ ਮੌਕੇ, ਸਕਾਰਾਤਮਿਕ ਪ੍ਰਤੀਕਿਰਿਆ ਦੇ ਨਾਲ-ਨਾਲ ਰੁਜ਼ਗਾਰ ਦੇ ਵਧੀਆ ਮੌਕੇ ਪ੍ਰਾਪਤ ਹੋਏ | ਰੁਜ਼ਗਾਰ ਮੇਲੇ ਦਾ ਸਫਲ ਆਯੋਜਨ ਯੂਨੀਵਰਸਿਟੀ ਦੇ ਵਿਦਿਆਰਥੀਆਂ ਨੂੰ ਰੁਜ਼ਗਾਰ ਦੇ ਸਹੀ ਮੌਕੇ ਪ੍ਰਦਾਨ ਕਰਨ ਅਤੇ ਉਨ੍ਹਾਂ ਦੇ ਸਫਲ ਭਵਿੱਖ ਵੱਲ ਯਾਤਰਾ ਨੂੰ ਮਜ਼ਬੂਤ ਕਰਨ ਦੇ ਲਗਾਤਾਰ ਯਤਨਾਂ ਨੂੰ ਦਰਸਾਉਂਦਾ ਹੈ |
