ਸਾਬਕਾ ਵਿਦਿਆਰਥੀਆਂ ਦਾ ਸ਼ਾਨਦਾਰ ਪੁਨਰ ਮਿਲਣ ਹੋਇਆ
ਫ਼ਤਹਿਗੜ੍ਹ ਸਾਹਿਬ, 26 ਅਗਸਤ (ਪੱਤਰ ਪ੍ਰੇਰਕ)-ਜੱਗੀ ਰਿਜ਼ੋਰਟ ਸਰਹਿੰਦ ਵਿਖੇ 1972-1974 ਬੈਚ ਦੇ ਸਾਬਕਾ ਵਿਦਿਆਰਥੀਆਂ ਦਾ ਇਕ ਸ਼ਾਨਦਾਰ ਪੁਨਰ ਮਿਲਨ ਹੋਇਆ। ਅੱਧੀ ਸਦੀ ਤੋਂ ਵੱਧ ਸਮੇਂ ਪਹਿਲਾਂ ਦੇ ਸਹਿਪਾਠੀਆਂ ਨੇ ਆਪਣੇ ਜੀਵਨ ਸਾਥੀਆਂ ਨਾਲ ਇਸ ਵਿਸ਼ੇਸ਼ ਪੁਨਰ-ਮਿਲਨ ਵਿਚ ਸ਼ਿਰਕਤ ਕੀਤੀ।
ਫ਼ਤਹਿਗੜ੍ਹ ਸਾਹਿਬ, 26 ਅਗਸਤ (ਪੱਤਰ ਪ੍ਰੇਰਕ)-ਜੱਗੀ ਰਿਜ਼ੋਰਟ ਸਰਹਿੰਦ ਵਿਖੇ 1972-1974 ਬੈਚ ਦੇ ਸਾਬਕਾ ਵਿਦਿਆਰਥੀਆਂ ਦਾ ਇਕ ਸ਼ਾਨਦਾਰ ਪੁਨਰ ਮਿਲਨ ਹੋਇਆ। ਅੱਧੀ ਸਦੀ ਤੋਂ ਵੱਧ ਸਮੇਂ ਪਹਿਲਾਂ ਦੇ ਸਹਿਪਾਠੀਆਂ ਨੇ ਆਪਣੇ ਜੀਵਨ ਸਾਥੀਆਂ ਨਾਲ ਇਸ ਵਿਸ਼ੇਸ਼ ਪੁਨਰ-ਮਿਲਨ ਵਿਚ ਸ਼ਿਰਕਤ ਕੀਤੀ। ਇਸ ਮੌਕੇ ਵੈਟਰਨ ਅਧਿਆਪਕ ਆਰ.ਕੇ. ਤਿਵਾੜੀ ਮੁੱਖ ਮਹਿਮਾਨ ਸਨ। ਇਸ ਮੌਕੇ ਮੁੱਖ ਪ੍ਰਬੰਧਕ ਸੁਰਿੰਦਰ ਮਿੱਤਲ, ਅਮਰਜੀਤ ਬਾਂਸਲ ਤੇ ਅਨੰਦ ਮਿੱਤਲ ਨੇ ਇਸ ਇਤਿਹਾਸਕ ਘਟਨਾ ਨੂੰ ਜੀਵਨ ਵਿਚ ਲਿਆਉਣ ਅਤੇ ਇਸ ਨੂੰ ਯਾਦਗਾਰੀ ਬਣਾਉਣ ਲਈ ਦਿਨ ਰਾਤ ਮਿਹਨਤ ਕੀਤੀ। ਅਰੁਣ ਮੜਕਨ ਨੇ ਵੀ ਇਸ ਸਮਾਗਮ ਦੇ ਪ੍ਰਬੰਧਨ ਅਤੇ ਤਾਲਮੇਲ ਵਿਚ ਮਹੱਤਵਪੂਰਨ ਭੂਮਿਕਾ ਨਿਭਾਈ। ਸਾਬਕਾ ਵਿਦਿਆਰਥੀ, ਜੋ ਆਪਣੇ ਜੀਵਨ ਸਾਥੀ ਨਾਲ ਇਸ ਜਸ਼ਨ ਦਾ ਹਿੱਸਾ ਬਣਨ ਲਈ ਆਪਣੀ ਜ਼ਿੰਦਗੀ ਦੇ ਇਸ ਪੜਾਅ ’ਤੇ ਆਏ ਸਨ, ਨੇ ਪੂਰਾ ਅਨੰਦ ਮਾਣਿਆ। ਅੰਤ ਵਿਚ ਸਾਰਿਆਂ ਨੇ ਇਕੱਠੇ ਹੋ ਖਾਣੇ ਦਾ ਅਨੰਦ ਮਾਣਿਆ। ਸਾਰੇ ਦੋਸਤ ਆਪਣੇ ਦਿਲਾਂ ਵਿਚ ਪੁਰਾਣੀਆਂ ਯਾਦਾਂ ਅਤੇ ਭਵਿੱਖ ਵਿਚ ਜਲਦੀ ਹੀ ਦੁਬਾਰਾ ਮਿਲਣ ਦਾ ਵਾਅਦਾ ਲੈ ਕੇ ਰੁਖ਼ਸਤ ਹੋ ਗਏ। ਇਸ ਸਮਾਗਮ ਵਿਚ ਅਨੰਦ ਮਿੱਤਲ, ਸੁਰਿੰਦਰ ਸਿੰਗਲਾ, ਵਿਨੋਦ ਗਰਗ, ਉਦੈ ਜੈਨ, ਪਵਨ ਬਾਂਸਲ, ਸੁਰਿੰਦਰ ਮਿੱਤਲ, ਵਿਜੇ ਜੋਸ਼ੀ, ਸੋਹਨ ਕੌਸ਼ਲ, ਅਸ਼ੋਕ ਨਾਇਰ, ਵਿਨੋਦ ਗੈਰਾ, ਹਰਮੀਤ ਸਿੰਘ, ਬੰਸੀ ਲਾਲ ਸੱਗੜ, ਤੁਲਸੀ ਰਾਮ ਵੀ ਹਾਜ਼ਰ ਸਨ।
