ਘਨੌਰ ’ਚ ਅਕਾਲੀ ਦਲ ਦੇ ਜਥੇਬੰਦਕ ਢਾਂਚੇ ਦੇ ਐਲਾਨ ਤੋਂ ਪਹਿਲਾਂ ਝਿੰਜਰ ਨੇ ਲਈ ਪਾਰਟੀ ਆਗੂਆਂ ਦੀ ਮੀਟਿੰਗ
ਘਨੌਰ, 25 ਸਤੰਬਰ (ਸਰਦਾਰਾ ਸਿੰਘ ਲਾਛੜੂ)ਯੂਥ ਅਕਾਲੀ ਦਲ ਦੇ ਕੌਮੀ ਪ੍ਰਧਾਨ ਅਤੇ ਹਲਕਾ ਘਨੌਰ ਇੰਚਾਰਜ ਸਰਬਜੀਤ ਸਿੰਘ ਝਿੰਜਰ ਨੇ ਅੱਜ ਘਨੌਰ ਵਿਖੇ ਪਾਰਟੀ ਆਗੂਆਂ ਅਤੇ ਵਰਕਰਾਂ ਨਾਲ ਅਹਿਮ ਮੀਟਿੰਗ ਕੀਤੀ। ਮੀਟਿੰਗ ‘ਚ ਹਲਕੇ ਅੰਦਰ ਪਾਰਟੀ ਦੇ ਜਥੇਬੰਦਕ ਆਧਾਰ ਨੂੰ ਮਜ਼ਬੂਤ ਕਰਨ ‘ਤੇ ਜ਼ੋਰ ਦਿੱਤਾ ਗਿਆ।
ਘਨੌਰ, 25 ਸਤੰਬਰ (ਸਰਦਾਰਾ ਸਿੰਘ ਲਾਛੜੂ)ਯੂਥ ਅਕਾਲੀ ਦਲ ਦੇ ਕੌਮੀ ਪ੍ਰਧਾਨ ਅਤੇ ਹਲਕਾ ਘਨੌਰ ਇੰਚਾਰਜ ਸਰਬਜੀਤ ਸਿੰਘ ਝਿੰਜਰ ਨੇ ਅੱਜ ਘਨੌਰ ਵਿਖੇ ਪਾਰਟੀ ਆਗੂਆਂ ਅਤੇ ਵਰਕਰਾਂ ਨਾਲ ਅਹਿਮ ਮੀਟਿੰਗ ਕੀਤੀ। ਮੀਟਿੰਗ ‘ਚ ਹਲਕੇ ਅੰਦਰ ਪਾਰਟੀ ਦੇ ਜਥੇਬੰਦਕ ਆਧਾਰ ਨੂੰ ਮਜ਼ਬੂਤ ਕਰਨ ‘ਤੇ ਜ਼ੋਰ ਦਿੱਤਾ ਗਿਆ। ਮੀਟਿੰਗ ਦੌਰਾਨ ਪਾਰਟੀ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਦੇ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ ਆਉਣ ਵਾਲੇ ਦਿਨਾਂ ‘ਚ ਗਠਿਤ ਕੀਤੇ ਜਾਣ ਵਾਲੇ ਸ਼੍ਰੋਮਣੀ ਅਕਾਲੀ ਦਲ ਹਲਕਾ ਘਨੌਰ ਦੇ ਜਥੇਬੰਦਕ ਢਾਂਚੇ ਦੇ ਐਲਾਨ ਸੰਬੰਧੀ ਵਿਚਾਰ-ਵਟਾਂਦਰਾ ਕੀਤਾ ਗਿਆ। ਇਕੱਠ ਨੂੰ ਸੰਬੋਧਨ ਕਰਦਿਆਂ ਝਿੰਜਰ ਨੇ ਕਿਹਾ ਕਿ ਅਕਾਲੀ ਦਲ ਦੀ ਪਹਿਲ ਆਮ ਲੋਕਾਂ ਨਾਲ ਜੁੜਨਾ ਅਤੇ ਉਨ੍ਹਾਂ ਦੀਆਂ ਸਮੱਸਿਆਵਾਂ ਦਾ ਹੱਲ ਕਰਨਾ ਹੈ। ਉਨ੍ਹਾਂ ਵਰਕਰਾਂ ਨੂੰ ਪਾਰਟੀ ਦੀਆਂ ਨੀਤੀਆਂ ਨੂੰ ਘਰ-ਘਰ ਪਹੁੰਚਾਉਣ ਅਤੇ ਇਕਜੁੱਟ ਹੋ ਕੇ ਜ਼ਮੀਨੀ ਪੱਧਰ ‘ਤੇ ਪਾਰਟੀ ਨੂੰ ਮਜ਼ਬੂਤ ਕਰਨ ਦਾ ਸੱਦਾ ਦਿੱਤਾ। ਉਨ੍ਹਾਂ ਕਿਹਾ ਕਿ ਘਨੌਰ ‘ਚ ਸਮਰਪਿਤ ਜਥੇਬੰਦਕ ਇਕਾਈ ਦਾ ਗਠਨ 2027 ਦੀਆਂ ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ ਪਾਰਟੀ ਦਾ ਸੁਨੇਹਾ ਅੱਗੇ ਲਿਜਾਣ ‘ਚ ਅਹਿਮ ਭੂਮਿਕਾ ਨਿਭਾਏਗਾ। ਵਰਕਰਾਂ ਨੇ ਜਥੇਬੰਦਕ ਕਵਾਇਦ ਨੂੰ ਪੂਰਾ ਸਹਿਯੋਗ ਦੇਣ ਦਾ ਭਰੋਸਾ ਦਿੱਤਾ। ਇਸ ਮੌਕੇ ਐਸਜੀਪੀਸੀ ਮੈਂਬਰ ਜਸਮੇਰ ਸਿੰਘ ਲਾਛੜੂ, ਪੀਏਸੀ ਮੈਂਬਰ ਲਾਲ ਸਿੰਘ ਮਰਦਾਪੁਰ, ਤਰਲੋਚਨ ਸਿੰਘ ਘੱਗਰ ਸਰਾਏ, ਅਜੈਬ ਸਿੰਘ ਮੰਜੋਲੀ ਸਮੇਤ ਮਨਜੀਤ ਸਿੰਘ ਮਲਕਪੁਰ ਅਤੇ ਹਲਕੇ ਦੇ ਸਮੂਹ ਸਰਕਲ ਪ੍ਰਧਾਨ-ਮਾਸਟਰ ਦਵਿੰਦਰ ਸਿੰਘ ਸੇਹਰਾ, ਹਰਵਿੰਦਰ ਸਿੰਘ ਜੈਨਗਰ, ਭੋਲਾ ਗੁਰਪ੍ਰਤਾਪ ਸਿੰਘ ਢਕਾਨਸੂ ਕਲਾਂ, ਸੁੱਚਾ ਸਿੰਘ ਘੱਗਰ ਸਰਾਏ, ਅਵਤਾਰ ਸਿੰਘ ਸ਼ੰਭੂ ਕਲਾਂ, ਭੁਪਿੰਦਰ ਸਿੰਘ ਗਦਾਪੁਰ, ਦਿਲਬਾਗ ਸਿੰਘ ਜੰਡ ਮੰਗੌਲੀ, ਕੁਲਵਿੰਦਰ ਸਿੰਘ ਲੋਹਸਿੰਬਲੀ, ਰਘਵੀਰ ਸਿੰਘ ਸਰਾਲਾ ਕਲਾਂ, ਜਸਵਿੰਦਰ ਸਿੰਘ ਕਾਮੀ ਕਲਾਂ, ਸੁਸ਼ੀਲ ਕੁਮਾਰ ਉਲਾਣਾ, ਗੁਰਜਿੰਦਰ ਸਿੰਘ ਮਰਦਾਪੁਰ, ਨਰਿੰਦਰ ਸਿੰਘ ਨੌਗਾਵਾਂ, ਗੁਰਚੇਤ ਸਿੰਘ ਸੈਦਖੇੜੀ, ਜਸਪਾਲ ਸਿੰਘ ਖੈਰਪੁਰ ਜੱਟਾਂ, ਗੁਰਪ੍ਰੀਤ ਸਿੰਘ ਖੇੜੀ ਗੰਡਿਆਂ, ਲਖਵਿੰਦਰ ਸਿੰਘ ਨਰੜੂ, ਕਰਨੈਲ ਸਿੰਘ ਅਜਰੌਰ, ਜਸਵਿੰਦਰ ਸਿੰਘ ਬੰਬੀ ਹਰਪਾਲਪੁਰ, ਵਿਰਸਾ ਸਿੰਘ ਬਘੌਰਾ, ਨਰਾਤਾ ਸਿੰਘ ਐਲਾਮਦੀਪੁਰ, ਅਵਤਾਰ ਸਿੰਘ ਚੱਪੜ, ਜਗਦੇਵ ਸਿੰਘ ਜੱਗਾ ਮਨਜੌਲੀ, ਸਮਿੱਤਰ ਸਿੰਘ ਰੁੜਕੀ, ਗੁਰਚਰਨ ਸਿੰਘ ਭੱਟ ਮਾਜਰਾ, ਕੁਲਦੀਪ ਸਿੰਘ ਘਨੌਰ, ਬਚਿੱਤਰ ਸਿੰਘ ਥੂਹਾ, ਗੁਰਜੰਟ ਸਿੰਘ ਮਹਿਦੂਦਾ, ਗੁਰਪ੍ਰੀਤ ਸਿੰਘ ਨੋਨਾ ਆਦਿ ਹਾਜ਼ਰ ਰਹੇ।
