ਨਿਯਮਾਂ ਨੂੰ ਛਿੱਕੇ ਟੰਗ ਕੇ ਚੱਲ ਰਹੇ ਪੋਲਟਰੀ ਫਾਰਮਾਂ ਖ਼ਿਲਾਫ਼ ਐਕਸ਼ਨ ਮੋਡ ’ਚ ਮਾਰਕੀਟ ਕਮੇਟੀ
ਰਾਜਪੁਰਾ, 17 ਨਵੰਬਰ (ਰਣਜੀਤ ਸਿੰਘ)-ਮਾਰਕੀਟ ਕਮੇਟੀ ਦੇ ਚੇਅਰਮੈਨ ਗੁਰਪ੍ਰੀਤ ਸਿੰਘ ਧਮੌਲੀ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਹਲਕੇ ਵਿਚ ਦਰਜਣਾਂ ਹੀ ਪੋਲਟਰੀ ਫਾਰਮ ਹਨ ਪਰ ਉਹ ਮਾਰਕੀਟ ਕਮੇਟੀ ਦੀ ਬਣਦੀ ਫੀਸ ਅਦਾ ਨਹੀ ਕਰ ਰਹੇ ਹਨ। ਇਸ ਲਈ ਮਾਰਕੀਟ ਕਮੇਟੀ ਵੱਲੋ ਸੱਤ ਪੋਲਟਰੀ ਫਾਰਮਾਂ ਦੇ ਮਾਲਕਾਂ ਨੂੰ ਨੋਟਿਸ ਜਾਰੀ ਕਰ ਦਿਤੇ ਹਨ।
ਰਾਜਪੁਰਾ, 17 ਨਵੰਬਰ (ਰਣਜੀਤ ਸਿੰਘ)-ਮਾਰਕੀਟ ਕਮੇਟੀ ਦੇ ਚੇਅਰਮੈਨ ਗੁਰਪ੍ਰੀਤ ਸਿੰਘ ਧਮੌਲੀ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਹਲਕੇ ਵਿਚ ਦਰਜਣਾਂ ਹੀ ਪੋਲਟਰੀ ਫਾਰਮ ਹਨ ਪਰ ਉਹ ਮਾਰਕੀਟ ਕਮੇਟੀ ਦੀ ਬਣਦੀ ਫੀਸ ਅਦਾ ਨਹੀ ਕਰ ਰਹੇ ਹਨ।ਇਸ ਲਈ ਮਾਰਕੀਟ ਕਮੇਟੀ ਵੱਲੋ ਸੱਤ ਪੋਲਟਰੀ ਫਾਰਮਾਂ ਦੇ ਮਾਲਕਾਂ ਨੂੰ ਨੋਟਿਸ ਜਾਰੀ ਕਰ ਦਿਤੇ ਹਨ। ਇਨ੍ਹਾਂ ਨੋਟਿਸਾਂ ਵਿਚ ਕਿਹਾ ਗਿਆ ਹੈ ਕਿ ਜੇਕਰ ਮਾਰਕੀਟ ਫੀਸ ਅਦਾ ਨਾ ਕੀਤੀ ਤਾਂ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ। ਇਸ ਸੰਬੰਧੀ ਪੱਤਰਕਾਰਾਂ ਨੂੰ ਸੰਬੋਧਨ ਕਰਦਿਆਂ ਚੇਅਰਮੈਨ ਧਮੋਲੀ ਨੇ ਦੱਸਿਆ ਕਿ ਮਾਰਕੀਟ ਕਮੇਟੀ ਦੀ ਹਦੂਦ ਅੰਦਰ 88 ਪਿੰਡ ਪੈਂਦੇ ਹਨ। ਇਨ੍ਹਾਂ ਪਿੰਡਾਂ ਵਿਚ ਦਰਜਣਾਂ ਹੀ ਪੋਲਟਰੀ ਫਾਰਮ ਹਨ। ਉਨ੍ਹਾਂ ਨੇ ਦੱਸਿਆ ਕਿ ਪੋਲਟਰੀ ਫਾਰਮਾਂ ਦੇ ਮਾਲਕ ਮੁਰਗੀਆਂ ਲਈ ਮੱਕੀ, ਕਣਕ, ਜ਼ੌਅ ਬਾਜਰਾ ਅਤੇ ਹੋਰ ਆਨਾਜ ਲੈਂਦੇ ਹਨ ਭਾਵੇਂ ਉਹ ਆਨਾਜ ਹਲਕੇ ਵਿਚੋਂ ਲੈਂਦੇ ਹਨ ਅਤੇ ਭਾਵੇਂ ਉਹ ਪੰਜਾਬ ਤੋਂ ਬਾਹਰਲੇ ਸੂਬਿਆਂ ਤੋ ਲੈ ਕੇ ਆਂਊਦੇ ਹਨ।ਇਸ ਆਨਾਜ ’ਤੇ ਮਾਰਕੀਟ ਦੀ ਫੀਸ ਬਣਦੀ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਕਿਸੇ ਵੀ ਪੋਲਟਰੀ ਫਾਰਮ ਦੇ ਮਾਲਕ ਵੱਲੋਂ ਕੋਈ ਵੀ ਫੀਸ ਨਹੀਂ ਭਰੀ ਜਾ ਰਹੀ।