ਦੀਨਾਨਗਰ, 3 ਮਾਰਚ (ਸੋਢੀ/ਸ਼ਰਮਾ)-ਸਿੱਖਿਆ ਸਭਿਆਚਾਰਕ ਉੱਨਤੀ ਨਿਆਸ, ਪੰਜਾਬ ਦੇ ਸਹਿਯੋਗ ਨਾਲ ਐਸ.ਐਸ.ਐਮ ਕਾਲਜ ਵਿਖੇ ਭਾਰਤੀ ਗਿਆਨ ਪਰੰਪਰਾ ਅਤੇ ਰਾਸ਼ਟਰੀ ਸਿੱਖਿਆ ਨੀਤੀ 2020 ਵਿਚ ਬਹੁ-ਅਨੁਸ਼ਾਸਨੀ ਸਿੱਖਿਆ ਵਿਸ਼ੇ 'ਤੇ ਦੋ-ਰੋਜ਼ਾ ਰਾਸ਼ਟਰੀ ਪੱਧਰ ਦੀ ਵਰਕਸ਼ਾਪ ਪਿ੍ੰਸੀਪਲ ਡਾ: ਆਰ. ਕੇ ਤੁਲੀ ਦੀ ਪ੍ਰਧਾਨਗੀ ਹੇਠ ਜੀਵਨ ਭਰ ਸਿੱਖਣ ਅਤੇ ਸਿਹਤਮੰਦ ਰਾਸ਼ਟਰ ਦੇ ਨਿਰਮਾਣ ਵਿਚ ਯੋਗਦਾਨ ਪਾਉਣ ਦੀ ਵਚਨਬੱਧਤਾ ਨਾਲ ਸਮਾਪਤ ਹੋਈ | ਦੂਸਰੇ ਦਿਨ ਰਾਸ਼ਟਰੀ ਵਰਕਸ਼ਾਪ ਨੂੰ ਸੰਬੋਧਨ ਕਰਦਿਆਂ ਪਿ੍ੰਸੀਪਲ ਡਾ: ਆਰ.ਕੇ ਤੁਲੀ ਨੇ ਕਿਹਾ ਕਿ ਇਕ ਆਦਰਸ਼ ਅਧਿਆਪਕ ਇਕ ਚੰਗਾ ਮਾਰਗ ਦਰਸ਼ਕ ਵੀ ਹੁੰਦਾ ਹੈ ਜੋ ਵਿਦਿਆਰਥੀਆਂ ਨੂੰ ਜੀਵਨ ਵਿਚ ਸਹੀ ਰਸਤੇ ਵੱਲ ਲੈ ਕੇ ਜਾਂਦਾ ਹੈ | ਵਿੱਦਿਆ ਭਾਰਤੀ ਸਰਵ ਭਾਰਤ ਸਿੱਖਿਆ ਸੰਸਥਾਨ ਦੇ ਰਾਸ਼ਟਰੀ ਜਨਰਲ ਸਕੱਤਰ ਦੇਸ਼ ਰਾਜ ਨੇ ਕਿਹਾ ਕਿ ਨੈਤਿਕ ਕਦਰਾਂ-ਕੀਮਤਾਂ ਸਿੱਖਿਆ ਵਿਚ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੀਆਂ ਹਨ | ਰਾਸ਼ਟਰ ਨੂੰ ਬਦਲਣ ਲਈ ਸਿੱਖਿਆ ਪ੍ਰਣਾਲੀ ਨੂੰ ਬਦਲਣਾ ਚਾਹੀਦਾ ਹੈ ਤੇ ਜੇਕਰ ਸਿੱਖਿਆ ਨੂੰ ਬਦਲਣਾ ਹੈ ਤਾਂ ਅਧਿਆਪਕਾਂ ਨੂੰ ਵੀ ਬਦਲਣਾ ਚਾਹੀਦਾ ਹੈ | ਉੱਤਰੀ ਜ਼ੋਨ ਅਤੇ ਪੱਛਮੀ ਉੱਤਰ ਪ੍ਰਦੇਸ਼ ਜ਼ੋਨ ਦੇ ਕਨਵੀਨਰ ਜਗਰਾਮ ਸਿੰਘ ਨੇ ਕਿਹਾ ਕਿ ਸਿੱਖਿਆ ਇਕ ਨਿਰੰਤਰ, ਨਿਰਵਿਘਨ ਅਤੇ ਕਦੇ ਨਾ ਖਤਮ ਹੋਣ ਵਾਲੀ ਪ੍ਰਕਿਰਿਆ ਹੈ | ਇਸ ਮੌਕੇ ਆਪਣੇ ਖੋਜ ਪੱਤਰ ਪੇਸ਼ ਕਰਨ ਵਾਲੇ ਹੋਰ ਖੋਜਕਰਤਾਵਾਂ ਵਿਚ ਡਾ: ਭੁਪੇਂਦਰ ਸਿੰਘ, ਡਾ: ਸੰਜੇ ਚੌਹਾਨ, ਡਾ: ਕੁਲਭੂਸ਼ਣ ਸ਼ਰਮਾ, ਡਾ: ਸ਼ੈਲੀ ਜੱਗੀ, ਡਾ: ਬਾਂਕੇ ਬਿਹਾਰੀ, ਡਾ: ਗਜਰਾਜ, ਸੁਨੀਲ ਕਾਲੀਆ, ਡਾ: ਸਤਿੰਦਰ ਕੁੰਡ, ਡਾ: ਤਿਲਕ ਰਾਜ ਸ਼ਮੀ, ਡਾ: ਰੇਖਾ ਪਾਂਡੇ ਅਤੇ ਹੋਰ ਵੀ ਸ਼ਾਮਿਲ ਸਨ | ਇਸ ਵਰਕਸ਼ਾਪ ਵਿਚ ਦੇਸ਼ ਭਰ ਦੀਆਂ 150 ਤੋਂ ਵੱਧ ਵੱਖ-ਵੱਖ ਯੂਨੀਵਰਸਿਟੀਆਂ ਅਤੇ ਕਾਲਜਾਂ ਦੇ ਅਕਾਦਮਿਕ, ਅਕਾਦਮਿਕ ਭਾਗੀਦਾਰਾਂ ਅਤੇ ਬੁਲਾਰਿਆਂ ਨੇ ਸਮਾਗਮ ਦੇ ਆਯੋਜਨ ਲਈ ਕਾਲਜ ਪ੍ਰਬੰਧਕ ਕਮੇਟੀ, ਪਿ੍ੰਸੀਪਲ, ਵਰਕਸ਼ਾਪ ਕੋਆਰਡੀਨੇਟਰ ਡਾ: ਸਮੀਰ ਮਹਾਜਨ ਅਤੇ ਡਾ: ਹਰਿੰਦਰ ਕੌਰ ਦਾ ਵਿਸ਼ੇਸ਼ ਤੌਰ 'ਤੇ ਧੰਨਵਾਦ ਕੀਤਾ | ਵਰਕਸ਼ਾਪ ਦਾ ਸਮਾਪਨ ਰਾਸ਼ਟਰੀ ਗੀਤ ਦੇ ਸੁਰੀਲੇ ਗਾਇਣ ਨਾਲ ਹੋਇਆ | ਇਸ ਮੌਕੇ ਡਾ: ਸੋਨੀਆ, ਡਾ: ਅਸ਼ੋਕ ਚੌਧਰੀ, ਡਾ: ਸਾਹਿਲ ਮਹਾਜਨ, ਪ੍ਰੋ: ਪ੍ਰਬੋਧ ਗਰੋਵਰ, ਪ੍ਰੋ: ਮੋਨਿਕਾ, ਪ੍ਰੋ: ਸ਼ਿੰਦਰ ਕੌਰ, ਪ੍ਰੋ: ਕੰਵਲਜੀਤ ਕੌਰ, ਪ੍ਰੋ: ਸਾਨੀਆ ਸ਼ਰਮਾ, ਪ੍ਰੋ: ਸੁਸ਼ਮਾ, ਪ੍ਰੋ: ਰਜਤ ਮਹਾਜਨ, ਪ੍ਰੋ: ਸੁਬੀਰ ਰਗਬੋਤਰਾ, ਪ੍ਰੋ: ਸੋਨੂੰ ਮੰਗੋਤਰਾ, ਪ੍ਰੋ: ਹਰਸ਼ਿਤ ਭੱਲਾ, ਪ੍ਰੋ: ਜਤਿੰਦਰ, ਪ੍ਰੋ: ਦੀਪਿਕਾ, ਪ੍ਰੋ: ਨਿਧੀ, ਪ੍ਰੋ: ਦਲਜੀਤ ਕੌਰ, ਪ੍ਰੋ: ਰਜਨੀਸ਼ ਕੌਰ, ਪ੍ਰੋ: ਮੋਨਾ, ਪ੍ਰੋ: ਸਰਬਜੀਤ ਸਿੰਘ, ਪ੍ਰੋ: ਸੈਂਡੀ, ਪ੍ਰੋ: ਸਾਜਨ ਬੇਦੀ ਆਦਿ ਸਮੇਤ ਹੋਰ ਫੈਕਲਟੀ ਮੈਂਬਰ ਹਾਜ਼ਰ ਸਨ |
