ਨਰੋਟ ਜੈਮਲ ਸਿੰਘ, 7 ਅਪ੍ਰੈਲ (ਸ਼ਸ਼ੀ ਕੁਮਾਰ)- ਨਰੋਟ ਜੈਮਲ ਸਿੰਘ ਮੰਡਲ ਨੇ ਭਾਜਪਾ ਦੇ ਮੰਡਲ ਪ੍ਰਧਾਨ ਵਿਸ਼ਾਲ ਸਿੰਘ ਰਿੰਕੂ ਦੀ ਪ੍ਰਧਾਨਗੀ ਹੇਠ ਭਾਜਪਾ ਸਥਾਪਨਾ ਦਿਵਸ ਮਨਾਇਆ | ਇਸ ਤੋਂ ਪਹਿਲਾਂ ਉਨ੍ਹਾਂ ਨੇ ਮੀਟਿੰਗ ਕੀਤੀ | ਮੀਟਿੰਗ ਵਿਚ ਯੁਵਾ ਮੋਰਚਾ ਦੇ ਪ੍ਰਧਾਨ ਡਾ: ਵਿਨੈ, ਉਪ ਪ੍ਰਧਾਨ ਓਮਕਾਰ, ਕਿਸਾਨ ਮੋਰਚਾ ਦੇ ਉਪ ਪ੍ਰਧਾਨ ਤਰਲੋਕ ਸਿੰਘ, ਮਿੰਟੂ, ਸਾਬਕਾ ਯੁਵਾ ਮੋਰਚਾ ਪ੍ਰਧਾਨ ਰਾਜੀਵ, ਮਹਿਲਾ ਵਿੰਗ ਪ੍ਰਧਾਨ ਸਰਵਜੀਤ ਤੇ ਹੋਰ ਭਾਜਪਾ ਦੇ ਵਰਕਰ ਹਾਜ਼ਰ ਹੋਏ | ਰਿੰਕੂ ਨੇ ਕਿਹਾ ਕਿ ਭਾਜਪਾ ਸਿਰਫ਼ ਇਕ ਸਿਆਸੀ ਦਲ ਨਹੀਂ, ਇਹ ਉਸ ਵਿਚਾਰ ਦਾ ਜੀਵੰਤ ਪ੍ਰਗਟਾਵਾ ਹੈ, ਜੋ ਸਦੀਆਂ ਤੋਂ ਇਸ ਦੇਸ਼ ਦੀ ਆਤਮਾ 'ਚ ਵਸਿਆ ਹੈ | ਉਨ੍ਹਾਂ ਕਿਹਾ ਆਪਣੀ ਸ਼ੁਰੂਆਤ ਤੋਂ ਹੀ ਪਾਰਟੀ ਸਿਰਫ਼ ਰਾਸ਼ਟਰਵਾਦ ਲਈ ਕੰਮ ਕਰ ਰਹੀ ਹੈ |
