ਤਿੱਬੜ, 7 ਅਪ੍ਰੈਲ (ਭੁਪਿੰਦਰ ਸਿੰਘ ਬੋਪਾਰਾਏ)- ਪਿੰਡ ਸਿੱਧਵਾਂ ਵਿਖੇ ਫਕੀਰ ਹੁਸੈਨ ਪੁੱਤਰ ਕਾਸਿਮ ਦੀਨ ਵਾਸੀ ਡੱਲਾ ਗੋਰੀਆ ਦਾ ਕੀਮਤੀ ਝੋਟੇ ਨੰੂ ਖਿੱਚ ਤੋਂ ਕਰੰਟ ਲੱਗਣ ਨਾਲ ਉਸ ਦੀ ਮੌਤ ਹੋ ਗਈ ਹੈ | ਥਾਣਾ ਤਿੱਬੜ ਤੇ ਸਬ-ਸਟੇਸ਼ਨ ਕਾਹਨੰੂਵਾਨ ਅਧੀਨ ਆਉਂਦੇ ਪਿੰਡ ਸਿੱਧਵਾਂ ਦੇ ਮੁੱਖ ਰੋਡ 'ਤੇ ਗੁਰਦੁਆਰਾ ਸਾਹਿਬ ਕੋਲ ਇਹ ਜਾਨੀ ਨੁਕਸਾਨ ਹੋਇਆ ਹੈ | ਇਸ ਸੰਬੰਧੀ ਜਾਣਕਾਰੀ ਸਾਂਝੀ ਕਰਦੇ ਹੋਏ ਸਾਬਕਾ ਜ਼ਿਲ੍ਹਾ ਪ੍ਰੀਸ਼ਦ ਮੈਂਬਰ ਲਖਵਿੰਦਰ ਸਿੰਘ ਨੇ ਦੱਸਿਆ ਕਿ ਇਸ ਜਗ੍ਹਾ 'ਤੇ ਕੋਈ ਅਣਸੁਖਾਵੀਂ ਘਟਨਾ ਵੀ ਵਾਪਰ ਸਕਦੀ ਸੀ | ਇਸ ਰੋਡ ਤੋਂ ਕੁਝ ਸਮਾਂ ਪਹਿਲਾਂ ਹੀ ਗੁਰਦੁਆਰਾ ਬੁਰਜ ਸਾਹਿਬ ਧਾਰੀਵਾਲ ਤੋਂ ਨਗਰ ਕੀਰਤਨ ਨਿਕਲਿਆ ਸੀ ਜਿਸ ਕਾਰਨ ਕੋਈ ਮਨੁੱਖੀ ਘਟਨਾ ਵੀ ਵਾਪਰਦੀ ਸਕਦੀ ਸੀ |
