ਪਠਾਨਕੋਟ, 9 ਅਪ੍ਰੈਲ (ਸੰਧੂ)-ਆਉਣ ਵਾਲੀਆਂ ਰਾਜਨੀਤਿਕ ਗਤੀਵਿਧੀਆਂ ਅਤੇ ਪਾਰਟੀ ਦੇ ਸੰਗਠਨਾਤਮਿਕ ਢਾਂਚੇ ਨੂੰ ਹੋਰ ਮਜ਼ਬੂਤ ਅਤੇ ਸਰਗਰਮ ਬਣਾਉਣ ਦੇ ਮੱਦੇਨਜ਼ਰ ਭਾਰਤੀ ਜਨਤਾ ਪਾਰਟੀ ਜ਼ਿਲ੍ਹਾ ਪਠਾਨਕੋਟ ਵਲੋਂ ਇਕ ਮਹੱਤਵਪੂਰਨ ਕਦਮ ਚੁੱਕਿਆ ਗਿਆ ਹੈ | ਜ਼ਿਲ੍ਹਾ ਪ੍ਰਧਾਨ ਸੁਰੇਸ਼ ਸ਼ਰਮਾ ਨੇ ਪ੍ਰਦੇਸ਼ ਅਤੇ ਪਾਰਟੀ ਦੇ ਉੱਚ ਆਗੂਆਂ ਨਾਲ ਵਿਚਾਰ-ਵਟਾਂਦਰੇ ਤੋਂ ਬਾਅਦ ਜ਼ਿਲ੍ਹੇ ਦੀਆਂ ਤਿੰਨਾਂ ਵਿਧਾਨ ਸਭਾਵਾਂ ਅਤੇ ਉਨ੍ਹਾਂ ਅਧੀਨ ਮੰਡਲਾਂ ਲਈ ਪ੍ਰਧਾਨਾਂ/ਪ੍ਰਭਾਰੀਆਂ ਦਾ ਅਧਿਕਾਰਿਕ ਐਲਾਨ ਕੀਤਾ ਹੈ | ਵਿਧਾਨ ਸਭਾ ਪ੍ਰਧਾਨਾਂ ਨੂੰ ਸੌਂਪੀਆਂ ਗਈਆਂ ਜ਼ਿੰਮੇਵਾਰੀਆਂ ਦੀ ਜਾਰੀ ਕੀਤੀ ਗਈ ਸੂਚੀ ਅਨੁਸਾਰ ਸੁਜਾਨਪੁਰ ਵਿਧਾਨ ਸਭਾ ਲਈ ਗਜਿੰਦਰ ਸਿੰਘ ਨੂੰ ਇੰਚਾਰਜ ਨਿਯੁਕਤ ਕੀਤਾ ਗਿਆ, ਭੋਆ ਵਿਧਾਨ ਸਭਾ ਦੀ ਜ਼ਿੰਮੇਵਾਰੀ ਵਿਨੋਦ ਧੀਮਾਨ ਨੂੰ ਸੌਂਪੀ ਗਈ, ਪਠਾਨਕੋਟ ਵਿਧਾਨ ਸਭਾ ਲਈ ਰਾਜ ਕੁਮਾਰ ਗੁਪਤਾ ਨੂੰ ਇੰਚਾਰਜ ਬਣਾਇਆ ਗਿਆ | ਇਸੇ ਤਰ੍ਹਾਂ ਸੁਜਾਨਪੁਰ ਮੰਡਲ ਵਿਸ਼ਾਲ ਮਹਾਜਨ, ਧਾਰ ਮੰਡਲ ਰਿਸ਼ੀ ਪਠਾਨੀਆ, ਮਾਮੂਨ ਮੰਡਲ ਰਾਜਵਿੰਦਰ ਕੁਮਾਰ, ਮਾਧੋਪੁਰ ਮੰਡਲ ਸਵਰਣ ਬੰਤਾ, ਭੋਆ ਮੰਡਲ ਗਣੇਸ਼ਵਰ ਬਾਬਾ, ਤਾਰਾਗੜ੍ਹ ਮੰਡਲ ਰਾਹੁਲ ਸੈਣੀ, ਨਰੋਟ ਜਮਾਲ ਸਿੰਘ ਮੰਡਲ ਕੁੰਵਰ ਪਾਲ, ਘਰੋਟਾ ਮੰਡਲ ਨਰਿੰਦਰ ਪੰਮੀ, ਸਰਨਾ ਮੰਡਲ ਨੀਲਮ ਹੰਸ, ਪਠਾਨਕੋਟ ਉੱਤਰੀ ਮੰਡਲ ਅਸ਼ੋਕ ਚੋਪੜਾ, ਪਠਾਨਕੋਟ ਦੱਖਣੀ ਮੰਡਲ ਸ਼ਮਸ਼ੇਰ ਠਾਕੁਰ, ਪਠਾਨਕੋਟ ਦਿਹਾਤੀ ਮੰਡਲ ਬਿੰਦਾ ਸੈਣੀ ਨੂੰ ਬਣਾਇਆ ਗਿਆ ਹੈ | ਇਸ ਮੌਕੇ ਜ਼ਿਲ੍ਹਾ ਪ੍ਰਧਾਨ ਸੁਰੇਸ਼ ਸ਼ਰਮਾ ਨੇ ਸਾਰੇ ਨਵ-ਨਿਯੁਕਤ ਪ੍ਰਧਾਨਾਂ ਨੂੰ ਵਧਾਈ ਦਿੱਤੀ |
