ਤਿੱਬੜ, 25 ਅਪ੍ਰੈਲ (ਭੁਪਿੰਦਰ ਸਿੰਘ ਬੋਪਾਰਾਏ)- ਪੰਜਾਬ ਅੰਦਰ ਬੇਸਿਕ ਬੀ.ਐਸ.ਸੀ. ਨਰਸਿੰਗ ਕੋਰਸ ਵਿਚ ਦਾਖ਼ਲੇ ਲਈ ਬਾਬਾ ਫਰੀਦ ਯੂਨੀਵਰਸਿਟੀ ਆਫ਼ ਹੈਲਥ ਸਾਇੰਸਜ਼ ਫਰੀਦਕੋਟ ਵਲੋਂ ਪੰਜਾਬ ਪੈਰਾ ਮੈਡੀਕਲ ਦਾਖ਼ਲਾ ਟੈੱਸਟ 31 ਨੰੂ ਕਰਵਾਇਆ ਜਾ ਰਿਹਾ ਹੈ | ਪੰਜਾਬ ਅੰਦਰ ਬੇਸਿਕ ਬੀ.ਐਸ.ਸੀ. ਕੋਰਸ ਵਿਚ ਦਾਖ਼ਲਾ ਲੈਣ ਲਈ ਇਸ ਟੈੱਸਟ ਨੰੂ ਪਾਸ ਕਰਨਾ ਜ਼ਰੂਰੀ ਹੈ | ਪੰਜਾਬ ਦੇ ਸਰਕਾਰੀ ਤੇ ਨਿੱਜੀ ਨਰਸਿੰਗ ਕਾਲਜਾਂ 'ਚ ਦਾਖ਼ਲਿਆਂ ਨੰੂ ਲੈ ਕੇ ਇਸ ਟੈੱਸਟ ਲਈ ਆਨਲਾਈਨ ਅਰਜ਼ੀਆਂ 27 ਅਪ੍ਰੈਲ ਤੋਂ ਭਰਨੀਆਂ ਸ਼ੁਰੂ ਹੋਣਗੀਆਂ ਤੇ 12 ਮਈ ਨੰੂ ਪ੍ਰੀਖਿਆ ਭਰਨ ਲਈ ਆਖਰੀ ਮਿਤੀ ਹੈ | ਇਹ ਅਰਜ਼ੀ ਫਾਰਮ ਯੂਨੀਵਰਸਿਟੀ ਦੀ ਅਧਿਕਾਰਿਤ ਵੈੱਬਸਾਈਟ 'ਤੇ ਉਪਲਬਧ ਹੋਵੇਗੀ ਤੇ ਯੋਗ ਉਮੀਦਵਾਰਾਂ ਨੰੂ ਸਮੇਂ ਸਿਰ ਅਪਲਾਈ ਕਰਨ ਲਈ ਹਦਾਇਤਾਂ ਜਾਰੀ ਕੀਤੀਆਂ ਹਨ | ਪ੍ਰਾਸਪੈਕਟਸ, ਫੀਸ, ਸਮਾਂ ਸਾਰਨੀ ਤੇ ਕਾਉਂਸਿਲੰਗ ਸਬੰਧੀ ਹੋਰ ਜਾਣਕਾਰੀ ਲਈ ਉਮੀਦਵਾਰ ਯੂਨਵੀਰਸਿਟੀ ਦੀ ਵੈੱਬਸਾਈਟ 'ਤੇ ਜਾ ਸਕਦੇ ਹਨ | ਇਸ ਨੋਟਿਸ ਦੇ ਜਾਰੀ ਹੋਣ ਦੇ ਬਾਅਦ ਨਰਸਿੰਗ ਕੋਰਸ 'ਚ ਦਾਖ਼ਲਾ ਲੈਣ ਦੇ ਇਛੁੱਕ ਵਿਦਿਆਰਥੀਆਂ ਵਲੋਂ ਤਿਆਰੀਆਂ ਸ਼ੁਰੂ ਕਰ ਦਿੱਤੀਆਂ ਹਨ ਤੇ ਨਰਸਿੰਗ ਕਾਲਜਾਂ, ਕੋਚਿੰਗ ਸੈਂਟਰਾਂ 'ਤੇ ਇਸ ਟੈੱਸਟ ਦੀ ਪ੍ਰੀਖਿਆ ਲਈ ਵੱਡੀ ਗਿਣਤੀ 'ਚ ਵਿਦਿਆਰਥੀ ਹੋਰ ਜਾਣਕਾਰੀ ਲੈਣ ਲਈ ਪਹੁੰਚ ਰਹੇ ਹਨ |
