ਪਠਾਨਕੋਟ, 21 ਮਈ (ਸੁਮਿਤ)-ਪਠਾਨਕੋਟ ਨਗਰ ਨਿਗਮ ਚੋਣਾਂ ਲਈ ਵਾਰਡ ਨੰਬਰ-16 ਵਿਚ ਕਾਂਗਰਸ ਪਾਰਟੀ ਦੀ ਉਮੀਦਵਾਰ ਰੇਖਾ ਚੌਹਾਨ ਨੇ ਘਰ-ਘਰ ਪ੍ਰਚਾਰ ਮੁਹਿੰਮ ਸ਼ੁਰੂ ਕੀਤੀ | ਉਨ੍ਹਾਂ ਹਰ ਮੁਹੱਲੇ ਤੇ ਗਲੀਆਂ 'ਚ ਜਾ ਕੇ ਵੋਟਰਾਂ ਨਾਲ ਸਿੱਧਾ ਸੰਵਾਦ ਕੀਤਾ ਤੇ ਆਪਣੇ ਚੋਣ ਏਜੰਡੇ ਨੂੰ ਸਾਂਝਾ ਕੀਤਾ | ਇਸ ਮੌਕੇ ਮਹਿਲਾ ਸਮਰਥਕਾਂ ਨੇ ਵੀ ਜ਼ੋਰਦਾਰ ਭਾਗੀਦਾਰੀ ਦਿਖਾਈ | 'ਮਹਿਲਾ ਸ਼ਕਤੀ' ਤਹਿਤ ਸਥਾਨਿਕ ਮਹਿਲਾਵਾਂ ਨੇ ਰੇਖਾ ਚੌਹਾਨ ਦੇ ਪ੍ਰਚਾਰ 'ਚ ਪੂਰੀ ਸਰਗਰਮੀ ਦਿਖਾਈ ਅਤੇ ਉਨ੍ਹਾਂ ਦੇ ਸੰਕਲਪ ਦਾ ਸਮਰਥਨ ਕੀਤਾ | ਰੇਖਾ ਚੌਹਾਨ ਨੇ ਨਾਗਰਿਕਾਂ ਤੋਂ ਆਪਣੇ ਵਿਕਾਸ ਪ੍ਰੋਗਰਾਮ ਤੇ ਸ਼ਹਿਰ ਦੀਆਂ ਸਮੱਸਿਆਵਾਂ ਦੇ ਹੱਲ ਲਈ ਸਮਰਥਨ ਮੰਗਿਆ | ਉਨ੍ਹਾਂ ਦਾ ਮੰਨਣਾ ਹੈ ਕਿ ਸ਼ਕਤੀਸ਼ਾਲੀ ਮਹਿਲਾ ਨੈਤਿ੍ਤਵ ਅਤੇ ਜਨਤਾ ਦੇ ਸਹਿਯੋਗ ਨਾਲ ਵਾਰਡ-16 ਵਿਚ ਵਧੀਆ ਸੁਵਿਧਾਵਾਂ ਅਤੇ ਯੋਜਨਾਵਾਂ ਲਾਗੂ ਕੀਤੀਆਂ ਜਾ ਸਕਦੀਆਂ ਹਨ |
