ਧਾਰੀਵਾਲ, 27 (ਸਵਰਨ ਸਿੰਘ)ਸਥਾਨਕ ਸ਼ਹਿਰ ਧਾਰੀਵਾਲ 'ਚ ਨਵੀਂ ਖੁੱਲੀ ਇੰਡੀਅਨ ਓਵਰਸ਼ੀਜ ਬੈਂਕ ਦੀ ਬ੍ਰਾਂਚ ਦਾ ਉਦਘਾਟਨ ਸੀਨੀਅਰ ਖੇਤਰੀ ਮੈਨੇਜਰ ਅਸ਼ੋਕ ਚੌਧਰੀ ਤੇ ਚੀਫ ਮੈਨੇਜ਼ਰ ਸੂਰਜ ਭਾਨ ਵਲੋਂ ਰੀਬਨ ਕੱਟ ਕੇ ਕੀਤਾ ਗਿਆ | ਸਮਾਗਮ ਦੌਰਾਨ ਅਸ਼ੋਕ ਚੌਧਰੀ ਤੇ ਸੂਰਜ ਭਾਨ ਨੇ ਕਿਹਾ ਕਿ ਇੰਡੀਅਨ ਓਵਰਸ਼ੀਜ ਬੈਂਕ ਹਮੇਸ਼ਾ ਖਪਤਕਾਰਾਂ ਨੂੰ ਆਧੁਨਿਕ ਤੇ ਭਰੋਸੇਯੋਗ ਬੈਂਕਿੰਗ ਸੇਵਾਵਾਂ ਮੁਹੱਈਆ ਕਰਵਾਉਣ ਲਈ ਵਚਨਬੱਧ ਹੈ | ਬ੍ਰਾਂਚ ਮੈਨੇਜਰ ਪ੍ਰਦੀਪ ਕੁਮਾਰ ਵਲੋਂ ਪਹੁੰਚੀਆਂ ਸ਼ਖ਼ਸੀਅਤਾਂ ਨੂੰ ਫੁੱਲਾਂ ਦੇ ਗੁਲਦਸਤੇ ਭੇਟ ਕਰਕੇ ਸਨਮਾਨਿਤ ਕੀਤਾ ਗਿਆ | ਉਨ੍ਹਾਂ ਬੈਂਕ ਵਲੋਂ ਗਾਹਕਾਂ ਨੂੰ ਦਿੱਤੀਆਂ ਜਾ ਰਹੀਆਂ ਸਹੂਲਤਾਂ ਬਾਰੇ ਵੀ ਵਿਸਥਾਰ ਨਾਲ ਜਾਣਕਾਰੀ ਦਿੱਤੀ | ਇਸ ਮੌਕੇ ਵਿੱਕੀ ਮਲਿਕ, ਇੰਦਰਿਆਸ ਹੰਸ, ਪ੍ਰਦੀਪ ਭੱਟੀ, ਪੈਰਿਸ ਹੰਸ, ਸੋਨੂੰ ਰੰਧਾਵਾ ਆਦਿ ਹਾਜ਼ਰ ਸਨ |
