ਗੁਰਦਾਸਪੁਰ, 30 ਜੁਲਾਈ (ਚੱਕਰਾਜਾ)-ਪਠਾਨਕੋਟ ਅੰਮ੍ਰਿਤਸਰ ਹਾਈਵੇ ’ਤੇ ਗੁਰਦਾਸਪੁਰ ਨੇੜੇ ਅੱਜ ਕਾਰ ਤੇ ਸਕੂਟਰੀ ਦੀ ਹੋਈ ਟੱਕਰ ਵਿਚ ਇਕ ਨੌਜਵਾਨ ਦੀ ਮੌਤ ਹੋ ਗਈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਪਠਾਨਕੋਟ ਵਾਲੇ ਪਾਸੇ ਤੋਂ ਆ ਰਹੀ ਇਕ ਐਕਸ ਯੂਵੀ ਕਾਰ ਜਦੋਂ ਬਾਈਪਾਸ ’ਤੇ ਪੈਂਦੇ ਇਕ ਨਿੱਜੀ ਸਕੂਲ ਸਾਹਮਣੇ ਪਹੁੰਚੀ ਤਾਂ ਸਾਹਮਣੇ ਤੋਂ ਆ ਰਹੇ ਇਕ ਸਕੂਟਰੀ ਸਵਾਰ ਨੌਜਵਾਨ ਨਾਲ ਟੱਕਰਾ ਕੇ ਨੇੜੇ ਸੜਕ ’ਚ ਖੜੇ ਇਕ ਹਾਈਡਰਾ ’ਚ ਜਾ ਵੱਜੀ। ਇਸ ਹਾਦਸੇ ’ਚ ਨੌਜਵਾਨ ਦੇ ਗੰਭੀਰ ਸੱਟਾਂ ਲੱਗਣ ਕਾਰਨ ਉਸ ਦੀ ਮੌਤ ਹੋ ਗਈ। ਨੌਜਵਾਨ ਦੀ ਪਹਿਚਾਣ ਰਵੀ ਕੁਮਾਰ ਪੁੱਤਰ ਮੋਹਨ ਲਾਲ ਵਾਸੀ ਜੇਲ੍ਹ ਰੋਡ ਗੁਰਦਾਸਪੁਰ ਦੱਸੀ ਜਾ ਰਹੀ ਹੈ।
