ਧਿਆਨਪੁਰ ਬਸਤੀ ਬਾਜੀਗਰ ਦੀ ਸਰਪੰਚ ਕਵਲਜੀਤ ਕੌਰ ਨੇ ਪੰਚਾਇਤ ਮੈਂਬਰਾਂ ਸਮੇਤ ਭਗਵਾਨਪੁਰ ਟੀਮ ਦੀ ਰਹਿਨੁਮਾਈ ਕਬੂਲੀ
ਧਿਆਨਪੁਰ, 5 ਨਵੰਬਰ (ਕੁਲਦੀਪ ਸਿੰਘ ਸੋਨੂੰ)- ਆਮ ਆਦਮੀ ਪਾਰਟੀ ਨੂੰ ਹਲਕਾ ਡੇਰਾ ਬਾਬਾ ਨਾਨਕ ’ਚ ਉਸ ਸਮੇਂ ਵੱਡਾ ਝਟਕਾ ਲੱਗਾ, ਜਦੋਂ ਨਾਮਵਰ ਪਿੰਡ ਧਿਆਨਪੁਰ ਬਸਤੀ ਬਾਜੀਗਰ ਦੀ ਮੌਜੂਦਾ ਸਰਪੰਚ ਕਵਲਜੀਤ ਕੌਰ ਨੇ ਆਪਣੇ ਸਮੁੱਚੇ ਪੰਚਾਇਤ ਮੈਂਬਰਾਂ ਤੇ ਸਮਰਥਕਾਂ ਸਮੇਤ ਡਾ. ਅਮਨਦੀਪ ਕੌਰ ਭਗਵਾਨਪੁਰ ਦੀ ਰਹਿਨੁਮਾਈ ਕਬੂਲੀ।
ਧਿਆਨਪੁਰ, 5 ਨਵੰਬਰ (ਕੁਲਦੀਪ ਸਿੰਘ ਸੋਨੂੰ)- ਆਮ ਆਦਮੀ ਪਾਰਟੀ ਨੂੰ ਹਲਕਾ ਡੇਰਾ ਬਾਬਾ ਨਾਨਕ ’ਚ ਉਸ ਸਮੇਂ ਵੱਡਾ ਝਟਕਾ ਲੱਗਾ, ਜਦੋਂ ਨਾਮਵਰ ਪਿੰਡ ਧਿਆਨਪੁਰ ਬਸਤੀ ਬਾਜੀਗਰ ਦੀ ਮੌਜੂਦਾ ਸਰਪੰਚ ਕਵਲਜੀਤ ਕੌਰ ਨੇ ਆਪਣੇ ਸਮੁੱਚੇ ਪੰਚਾਇਤ ਮੈਂਬਰਾਂ ਤੇ ਸਮਰਥਕਾਂ ਸਮੇਤ ਡਾ. ਅਮਨਦੀਪ ਕੌਰ ਭਗਵਾਨਪੁਰ ਦੀ ਰਹਿਨੁਮਾਈ ਕਬੂਲੀ। ਇਸ ਸਬੰਧੀ ਜੱਗੂ ਭਗਵਾਨਪੁਰ ਦੀ ਪਤਨੀ ਡਾ. ਅਮਨਦੀਪ ਕੌਰ ਨੇ ਸਰਪੰਚ ਕਵਲਜੀਤ ਕੌਰ ਬਸਤੀ ਬਾਜੀਗਰ, ਸਮੁੱਚੀ ਪੰਚਾਇਤ ਤੇ ਉਨ੍ਹਾਂ ਦੇ ਸੈਂਕੜੇ ਸਮਰਥਕਾਂ ਨੂੰ ਸਿਰੋਪਾਓ ਦੇ ਕੇ ਉਨ੍ਹਾਂ ਦਾ ਸਵਾਗਤ ਕੀਤਾ। ਡਾ. ਅਮਨਦੀਪ ਕੌਰ ਭਗਵਾਨਪੁਰ ਨੇ ਦੱਸਿਆ ਕਿ ਆਮ ਆਦਮੀ ਪਾਰਟੀ ਦੀ ਬਹੁਤ ਹੀ ਖਾਸ ਮੰਨੇ ਜਾਂਦੇ ਮੌਜੂਦਾ ਸਰਪੰਚ ਕਵਲਜੀਤ ਕੌਰ ਦੀ ਪ੍ਰੇਰਨਾ ਸਦਕਾ ਮੈਂਬਰ ਰੂਪ ਲਾਲ, ਮੇਜਰ ਸਿੰਘ ਢੋਲੀ, ਬੀਰ ਸਿੰਘ, ਹਰਜੀਤ ਸਿੰਘ ਤੇ ਜੋਗਿੰਦਰ ਸਿੰਘ ਨੇ ਆਪਣੇ ਸੈਕੜੇ ਸਾਥੀਆਂ ਸਮੇਤ ਜੱਗੂ ਭਗਵਾਨਪੁਰ ਟੀਮ ਦੇ ਮੋਢੇ ਨਾਲ ਮੋਢਾ ਜੋੜ ਕੇ ਤੁਰਨ ਦੀ ਗੱਲ ਆਖ ਕੇ ਸਾਡਾ ਆਤਮ ਵਿਸ਼ਵਾਸ ਵਧਾਇਆ ਹੈ। ਡਾ. ਅਮਨਦੀਪ ਕੌਰ ਭਗਵਾਨਪੁਰ ਨੇ ਕਿਹਾ ਕਿ 2027 ਵਿਚ ਜੱਗੂ ਭਗਵਾਨਪੁਰ ਟੀਮ ਹਲਕਾ ਡੇਰਾ ਬਾਬਾ ਨਾਨਕ ਦੀ ਨੁਮਾਇੰਦਗੀ ਕਰੇਗੀ। ਇਸ ਸਮੇਂ ਜ਼ਿਲ੍ਹਾ ਪ੍ਰੀਸ਼ਦ ਮੈਂਬਰ ਦਲਬੀਰ ਸਿੰਘ ਭਿੱਲਾ ਕੋਟਲੀ, ਬਲਬੀਰ ਸਿੰਘ ਘੁੰਮਣ, ਸਾਬਕਾ ਸਰਪੰਚ ਕਮਲਜੀਤ ਸਿੰਘ ਲਾਲੂ ਭਗਵਾਨਪੁਰ, ਅਮਨ, ਰਾਜਾ ਕੋਚ ਮੰਮਣ, ਲਾਡੀ ਸਰਪੰਚ, ਬਾਬਾ ਹਰਪ੍ਰੀਤ ਸਿੰਘ ਹੈਪੀ ਮਾਹਲ, ਅਮਨ ਕਾਹਲੋਂ ਸਰਪੰਚ, ਸਰਪੰਚ ਸਰਬਜੀਤ ਕੌਰ ਮਾਹਲ, ਰਮਨਦੀਪ ਕੌਰ ਬਲਾਕ ਸੰਮਤੀ ਮੈਂਬਰ, ਸਰਪੰਚ ਗੁਰਮੁੱਖ ਸਿੰਘ ਢੇਸੀਆਂ ਆਦਿ ਹਾਜ਼ਰ ਸਨ।
