ਗੁਰੂਹਰਸਹਾਏ, 6 ਮਾਰਚ (ਹਰਚਰਨ ਸਿੰਘ ਸੰਧੂ)-ਪੰਜਾਬ ਸਰਕਾਰ ਵਲੋਂ ਪੇਂਡੂ ਵਿਕਾਸ ਪੰਚਾਇਤ ਵਿਭਾਗ ਦੇ ਗ੍ਰਾਮ ਸੇਵਕਾਂ ਨੂੰ ਤਰੱਕੀ ਦਿੱਤੀ ਗਈ ਹੈ | ਜਿਸ ਤਹਿਤ ਗ੍ਰਾਮ ਸੇਵਕ ਤੋਂ ਪਦ ਉੱਨਤ ਹੋਏ ਧਰਮਦਾਸ ਨੂੰ ਐੱਸ.ਈ.ਪੀ.ਉ ਬਣਾਇਆ ਗਿਆ | ਐੱਸ.ਈ.ਪੀ.ਉ ਬਣੇ ਧਰਮਦਾਸ ਨੇ ਬਲਾਕ ਵਿਕਾਸ ਤੇ ਪੰਚਾਇਤ ਦਫ਼ਤਰ ਗੁਰੂਹਰਸਹਾਏ ਵਿਖੇ ਆਪਣੀ ਪਹਿਲੀ ਨਿਯੁਕਤੀ ਵਜੋਂ ਬੀ.ਡੀ.ਪੀ.ਓ ਪਰਮਿੰਦਰ ਸਿੰਘ ਦੀ ਹਾਜ਼ਰੀ ਵਿਚ ਅਹੁਦਾ ਸੰਭਾਲ ਲਿਆ ਹੈ | ਆਪਣੇ ਦਫ਼ਤਰ ਦਾ ਕਾਰਜ ਭਾਰ ਸੰਭਾਲਣ ਸਮੇਂ ਬੀ.ਡੀ.ਪੀ.ਓ ਪਰਮਿੰਦਰ ਸਿੰਘ ਨੇ ਉਨ੍ਹਾਂ ਨੂੰ ਜੀ ਆਇਆਂ ਆਖਿਆ | ਇਸ ਮੌਕੇ ਨਵੇਂ ਆਏ ਐੱਸ.ਈ.ਪੀ.ਉ ਧਰਮਦਾਸ ਨੇ ਕਿਹਾ ਕਿ ਉਹ ਆਪਣੀ ਡਿਊਟੀ ਪ੍ਰਤੀ ਤਤਪਰ ਰਹਿਣਗੇ, ਪੰਚਾਇਤਾਂ ਦੇ ਕੰਮਾਂ ਨੂੰ ਜਲਦੀ ਨਿਪਟਾਉਣ ਲਈ ਹਮੇਸ਼ਾ ਹਾਜ਼ਰ ਰਹਿ ਕੇ, ਪੂਰੇ ਸਟਾਫ ਨੂੰ ਸਹਿਯੋਗ ਦੇਣ ਲਈ ਜਿੰਮੇਵਾਰੀ ਨੂੰ ਆਪਣੇ ਬਣਦੇ ਫ਼ਰਜ਼ਾਂ ਨਾਲ ਨਿਭਾਉਣਗੇ | ਇਸ ਮੌਕੇ ਤੇ ਸੁਪਰਡੈਂਟ ਜਤਿੰਦਰ ਸਿੰਘ, ਨਾਲ ਆਏ ਬਲਕਰਨ ਸਿੰਘ ਅਤੇ ਦਫ਼ਤਰ ਦੇ ਹੋਰ ਕਰਮਚਾਰੀ ਹਾਜ਼ਰ ਸਨ |
