ਫ਼ਾਜ਼ਿਲਕਾ, 7 ਅਪ੍ਰੈਲ (ਦਵਿੰਦਰ ਪਾਲ ਸਿੰਘ)-ਥਾਣਾ ਸਦਰ ਫ਼ਾਜ਼ਿਲਕਾ ਪੁਲਿਸ ਨੇ ਸਾਂਝੀ ਵੱਟ 'ਤੋਂ ਟਾਹਲੀ ਦੇ ਰੁੱਖ ਪੁੱਟਣ ਵਾਲੇ 3 ਵਿਅਕਤੀਆਂ ਖ਼ਿਲਾਫ਼ ਮਾਮਲਾ ਦਰਜ ਕੀਤਾ ਹੈ | ਜਾਂਚ ਅਧਿਕਾਰੀ ਸਹਾਇਕ ਥਾਣੇਦਾਰ ਨਿਰਮਲ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਸ਼ਿਵਾਲ ਅਹੂਜਾ ਪੁੱਤਰ ਸੋਭਾ ਸਿੰਘ ਵਾਸੀ ਗਲੀ ਹੋਟਲਾਂ ਬਾਜ਼ਾਰ ਫ਼ਾਜ਼ਿਲਕਾ ਨੇ ਸ਼ਿਕਾਇਤ ਦਿੱਤੀ ਕਿ ਉਸ ਦੀ ਪਿੰਡ ਨਿਓਲਾ ਵਿਖੇ 12 ਕਿੱਲੇ ਜ਼ਮੀਨ ਹੈ | ਉਸ ਦੀ ਜ਼ਮੀਨ ਦੀ ਸਾਂਝੀ ਵੱਟ 'ਤੇ 4/5 ਟਾਹਲੀਆਂ ਦੇ ਰੁੱਖ ਖੜ੍ਹੇ ਸਨ, ਜੋ ਨਿਸ਼ਾਨਦੇਹੀ ਦੌਰਾਨ ਉਸ ਦੇ ਹੱਕ ਵਿਚ ਆਏ ਸਨ | 5 ਅਤੇ 6 ਅਪ੍ਰੈਲ 2026 ਦੀ ਦਰਮਿਆਨੀ ਰਾਤ ਨੂੰ ਗੁਰਦੀਪ ਸਿੰਘ ਪੁੱਤਰ ਸੁਰਜਣ ਸਿੰਘ, ਬੂਟਾ ਸਿੰਘ ਪੁੱਤਰ ਸੁਰਜਣ ਸਿੰਘ ਵਾਸੀ ਨਿਓਲਾ ਅਤੇ ਅਣਪਛਾਤੇ ਵਿਅਕਤੀ ਨੇ ਰਲ ਕੇ ਉਸ ਦੀਆਂ ਟਾਹਲੀਆਂ ਪੁੱਟ ਲਈਆਂ | ਜਿਸ ਤੋਂ ਬਾਅਦ ਪੁਲਿਸ ਨੇ ਉਕਤ ਵਿਅਕਤੀਆਂ ਖ਼ਿਲਾਫ਼ ਮਾਮਲਾ ਦਰਜ ਕਰ ਲਿਆ ਹੈ |
