ਭਾਕਿਯੂ ਕਾਦੀਆਂ ਨੇ ਸੁਸਾਇਟੀਆਂ ਦੇ ਨਵੇਂ ਹੱਦ ਕਰਜ਼ੇ ਅਨੁਸਾਰ ਕਿਸਾਨਾਂ ਨੂੰ ਸਮਾਨ ਦੇਣ ਦੀ ਕੀਤੀ ਮੰਗ

ਅ

ਅਜੀਤ ਡੈਸਕ 09-05-2026

ਜਲਾਲਾਬਾਦ, 8 ਮਈ (ਜਤਿੰਦਰ ਪਾਲ ਸਿੰਘ)-ਭਾਰਤੀ ਕਿਸਾਨ ਯੂਨੀਅਨ ਕਾਦੀਆਂ ਬਲਾਕ ਜਲਾਲਾਬਾਦ ਦੀ ਮੀਟਿੰਗ ਬਲਾਕ ਪ੍ਰਧਾਨ ਸ਼ਿੰਗਾਰ ਸਿੰਘ ਦੀ ਅਗਵਾਈ ਹੇਠ, ਦੀ ਸਹਿਕਾਰੀ ਕੋਆਪਰੇਟਿਵ ਸੁਸਾਇਟੀ ਦੀ ਬਸਤੀ ਗੁਰਨੇ ਵਾਲੀ ਵਿਖੇ ਹੋਈ¢ ਜਿਸ ਵਿਚ ਵੰਡੀ ਗਿਣਤੀ ਵਿਚ ਸੁਸਾਇਟੀ ਮੈਂਬਰ ਜੋ ਕਿ ਯੂਨੀਅਨ ਦੇ ਵੀ ਮੈਂਬਰ ਹਨ, ਹਾਜ਼ਰ ਹੋਏ¢ ਮੀਟਿੰਗ ਵਿਚ ਆਗੂਆਂ ਨੇ ਮੰਗ ਕੀਤੀ ਕਿ ਸੁਸਾਇਟੀਆਂ ਦੇ ਨਵੇਂ ਹੱਦ ਕਰਜ਼ੇ ਮੁਤਾਬਿਕ ਕਿਸਾਨਾਂ ਨੂੰ ਕਰਜ਼ਾ ਦਿੱਤਾ ਜਾਵੇ¢ ਆਗੂਆਂ ਨੇ ਕਿਹਾ ਕਿ ਬੈਂਕ ਦੇ ਮੁਲਾਜ਼ਮ ਕਿਸਾਨਾਂ ਨੂੰ ਵਧਾਏ ਗਏ ਕਰਜ਼ੇ ਦੀ ਲਿਮਟ ਅਨੁਸਾਰ ਦੇਣ ਤੋਂ ਇਨਕਾਰੀ ਹਨ, ਜੋ ਕਿ ਕਿਸਾਨਾਂ ਦੇ ਹੱਕਾਂ ਤੇ ਡਾਕਾ ਹੈ¢ ਹੁਣ ਖੇਤੀ ਸੰਬੰਧੀ ਖਾਦਾਂ, ਦਵਾਈਆਂ ਤੇ ਹੋਰ ਸਮਾਨ ਕਾਫ਼ੀ ਮਹਿੰਗਾ ਹੋ ਚੁੱਕਿਆ ਹੈ,ਜਿਸ ਕਾਰਨ ਕਰਜ਼ੇ ਦੀ ਹੱਦ ਵਧਾਈ ਗਈ ਹੈ¢ ਜਿਸ ਦੀ ਕਿਸਾਨ ਨੂੰ ਅਤਿ ਲੋੜ ਹੈ¢ ਆਗੂਆਂ ਨੇ ਮੰਗ ਕੀਤੀ ਕਿ ਜਿਨ੍ਹਾਂ ਕਿਸਾਨਾਂ ਦੀ ਮੌਤ ਹੋ ਚੁੱਕੀ ਹੈ, ਉਨ੍ਹਾਂ ਕਿਸਾਨਾਂ ਦੇ ਵਾਰਸਾਂ ਨੂੰ ਸੁਸਾਇਟੀਆਂ ਵਿਚ ਕਰਜ਼ੇ ਦਿੱਤੇ ਜਾਣ¢ ਆਗੂਆਂ ਨੇ ਚਿਤਾਵਨੀ ਦਿੱਤੀ ਕਿ ਜੇਕਰ ਕਿਸਾਨਾਂ ਦੇ ਹੱਕਾਂ ਤੇ ਡਾਕਾ ਮਾਰਨ ਦੀ ਕੋਸ਼ਿਸ਼ ਕੀਤੀ ਗਈ ਤਾਂ ਤਿੱਖਾ ਸੰਘਰਸ਼ ਕੀਤਾ ਜਾਵੇਗਾ¢ ਇਸ ਮੌਕੇ ਸ਼ਹਿਰੀ ਪ੍ਰਧਾਨ ਅਸ਼ੋਕ ਦਹੂਜਾ, ਜ਼ਿਲ੍ਹਾ ਮੀਤ ਪ੍ਰਧਾਨ ਉਪਿੰਦਰ ਸਿੰਘ ਉੱਜਲ ਧਵਨ, ਬਲਦੇਵ ਰਾਜ, ਪਰਵਿੰਦਰ ਸਿੰਘ , ਸੁਰਿੰਦਰ ਕੁਮਾਰ, ਬਲਜਿੰਦਰ ਕੁਮਾਰ, ਸੁਖਵਿੰਦਰ ਸਿੰਘ, ਕਸ਼ਮੀਰ ਚੰਦ, ਜੋਧ ਸਿੰਘ, ਹਰਮੇਲ ਲਾਲ, ਰਾਮ ਚੰਦ, ਨਿਸ਼ਾਨ ਸਿੰਘ ਆਦਿ ਹਾਜ਼ਰ ਸਨ¢