ਮੰਡੀ ਅਰਨੀਵਾਲਾ, 30 ਜੁਲਾਈ (ਨਿਸ਼ਾਨ ਸਿੰਘ ਮੋਹਲ਼ਾ)-ਸਫ਼ਾਈ ਸੇਵਕਾਂ ਵਲੋਂ ਪੰਜਾਬ ਬੰਦ ਦੇ ਦਿੱਤੇ ਸੱਦੇ ਨੂੰ ਮੰਡੀ ਅਰਨੀਵਾਲਾ ਵਿਚ ਵੀ ਪੂਰਨ ਸਮਰਥਨ ਮਿਲਿਆ। ਅਰਨੀਵਾਲਾ ਦੀਆਂ ਸਾਰੀਆਂ ਦੁਕਾਨਾਂ, ਵਪਾਰਕ ਅਦਾਰੇ ਪੂਰਨ ਤੌਰ ’ਤੇ ਬੰਦ ਰਹੇ । ਸਫ਼ਾਈ ਸੇਵਕਾਂ ਦੇ ਹੱਕ ਵਿਚ ਸਿਆਸੀ ਆਗੂਆਂ ਵਲੋਂ ਇਕ ਰੋਸ ਧਰਨਾ ਵੀ ਦਿੱਤਾ ਗਿਆ। ਧਰਨੇ ਨੂੰ ਵੱਖ-ਵੱਖ ਸਿਆਸੀ ਪਾਰਟੀਆਂ ਅਤੇ ਸਮਾਜਿਕ ਜਥੇਬੰਦੀਆਂ ਦੇ ਆਗੂਆਂ ਨੇ ਸੰਬੋਧਨ ਕੀਤਾ। ਇਸ ਧਰਨੇ ਨੂੰ ਸਾਬਕਾ ਮੰਤਰੀ ਹੰਸਰਾਜ ਜੋਸਨ, ਸਾਬਕਾ ਨਗਰ ਪੰਚਾਇਤ ਪ੍ਰਧਾਨ ਸਿਕੰਦਰ ਬਤਰਾ, ਸੁਖਦੇਵ ਸਿੰਘ ਠੇਠੀ, ਅਕਾਲੀ ਆਗੂ ਪ੍ਰਤਾਪ ਭਠੇਜਾ, ਅੰਗਰੇਜ਼ ਸਿੰਘ ਐੱਸ.ਪੀ ਬਜਾਜ, ਐਡਵੋਕੇਟ ਪ੍ਰਗਟ ਸਿੰਘ ਢਿੱਲੋਂ, ਕਾਮਰੇਡ ਕਸ਼ਮੀਰ ਚੰਦ ਵਿਨਾਇਕ, ਸਾਬਕਾ ਕੌਂਸਲਰ ਬੀਬੀ ਬਲਜੀਤ ਕੌਰ, ਜਸਪ੍ਰੀਤ ਸਿੰਘ ਅਰੋੜਾ, ਬਿੰਦਰ ਮੁੰਜਾਲ ਤੋਂ ਇਲਾਵਾ ਸਫ਼ਾਈ ਸੇਵਕ ਯੂਨੀਅਨ ਦੇ ਪ੍ਰਧਾਨ ਸ਼ੇਰ ਸਿੰਘ ਵੀ ਹਾਜ਼ਰ ਸਨ।
