ਤਿੰਨ ਦਿਨਾਂ ਲੰਗਰ ਤੇ ਖ਼ੂਨਦਾਨ ਕੈਂਪ ਲਗਾਇਆ

ਮਮਦੋਟ/ਗੋਲੂ ਕਾ ਮੋੜ, 8 ਅਕਤੂਬਰ (ਸੁਖਦੇਵ ਸਿੰਘ ਸੰਗਮ/ਸੁਰਿੰਦਰ ਸਿੰਘ ਪੁਪਨੇਜਾ)-ਧੰਨ-ਧੰਨ ਬਾਬਾ ਬੁੱਢਾ ਸਾਹਿਬ ਜੀ ਦੇ ਸਾਲਾਨਾ ਜੋੜ ਮੇਲੇ ਨੂੰ ਸਮਰਪਿਤ ਪਿੰਡ ਅਲਫੂ ਕੇ ਦੀ ਸੰਗਤ ਵਲੋਂ ਤਿੰਨ ਦਿਨਾਂ ਲੰਗਰ ਸਮਾਜਿਕ ਜ਼ਿੰਮੇਵਾਰੀ ਦੀ ਭਾਵਨਾ ਨਾਲ ਖ਼ੂਨਦਾਨ ਕੈਂਪ ਲਗਾਇਆ ਗਿਆ। ਪਿੰਡ ਦੇ ਨੌਜਵਾਨਾਂ ਗੁਰਦੀਪ ਸਿੰਘ, ਗੁਰਪ੍ਰੀਤ ਸਿੰਘ ਗੋਰਾ ਅਤੇ ਮਿੱਠੂ ਮਿਸਤਰੀ ਅਤੇ ਹੋਰ ਸੇਵਾਦਾਰਾਂ ਨੇ ਦੱਸਿਆ ਕਿ ਪਿੰਡ ਵਲੋਂ ਹਰੇਕ ਸਾਲ ਮੇਲੇ ’ਤੇ ਜਾਣ ਵਾਲੀਆਂ ਸੰਗਤਾਂ ਲਈ ਲੰਗਰ ਲਾਉਣ ਦੇ ਨਾਲ ਨਾਲ ਮੈਡੀਕਲ ਸੇਵਾਵਾਂ ਵੀ ਦਿੱਤੀਆਂ ਜਾਂਦੀਆਂ ਹਨ ਅਤੇ ਇਸੇ ਤਹਿਤ ਖ਼ੂਨਦਾਨ ਕਰਨ ਦਾ ਕੈਂਪ ਲਾਇਆ ਗਿਆ ਹੈ ਤੇ ਇਨ੍ਹਾਂ ਲੰਗਰਾਂ ਵਿਚ ਦਾਲ , ਪ੍ਰਸ਼ਾਦੇ, ਖ਼ੀਰ, ਜਲੇਬੀਆਂ ਚਾਹ ਅਤੇ ਹੋਰ ਪਦਾਰਥਾਂ ਦੇ ਪ੍ਰਬੰਧ ਕੀਤੇ ਗਏ।