ਅੰਮਿ੍ਤਸਰ, 8 ਮਈ (ਹਰਮਿੰਦਰ ਸਿੰਘ)-ਨਗਰ ਸੁਧਾਰ ਟਰੱਸਟ ਦੇ ਇਲਾਕਿਆਂ 'ਚੋਂ ਨਗਰ ਨਿਗਮ ਅੰਮਿ੍ਤਸਰ ਵਲੋਂ ਕੂੜਾ ਚੁਕਾਇਆ ਜਾਵੇਗਾ, ਜਿਸ ਦਾ ਠੇਕਾ ਇਕ ਕੰਪਨੀ ਨੂੰ ਦਿੱਤਾ ਜਾਵੇਗਾ, ਜਿਸ ਦੀਆਂ ਤਿਆਰੀਆਂ ਮੁਕੰਮਲ ਕੀਤੀਆਂ ਜਾ ਰਹੀਆਂ ਹਨ | ਪੰਜਾਬ ਸਰਕਾਰ ਵਲੋਂ ਨਗਰ ਨਿਗਮ ਅੰਮਿ੍ਤਸਰ ਨੂੰ ਨਗਰ ਸੁਧਾਰ ਟ੍ਰਸਟ ਦੇ ਇਲਾਕਿਆਂ 'ਚੋਂ ਕੂੜਾ ਚੁੱਕਣ ਦੀ ਜ਼ਿੰਮੇਵਾਰੀ ਦਿੱਤੀ ਗਈ ਹੈ | ਨਗਰ ਨਿਗਮ ਵਲੋਂ ਟ੍ਰਸਟ ਦੀ 50 ਹਜ਼ਾਰ ਤੋਂ ਵਧੇਰੇ ਅਬਾਦੀ 'ਚੋਂ ਕੂੜਾ ਚੁਕਵਾਇਆ ਜਾਵੇਗਾ | ਇਨ੍ਹਾਂ ਆਬਾਦੀਆਂ 'ਚ 120 ਟਨ ਕੂੜਾ ਇਕੱਠਾ ਹੋਵੇਗਾ | ਇਸ ਚੁਕਾਈ ਦਾ ਤਿੰਨ ਸਾਲ ਦੇ ਲਈ ਠੇਕਾ ਦਿੱਤਾ ਜਾ ਰਿਹਾ ਹੈ | ਜਿਸ ਦਾ ਟੈਂਡਰ ਲਗਾਇਆ ਗਿਆ ਸੀ ਜਿਸ ਲਈ ਤਿੰਨ ਕੰਪਨੀਆ ਸਾਹਮਣੇ ਆਈਆਂ | ਇਸ 'ਚ ਤਕਨੀਕੀ ਬੋਲੀ ਦਾ ਮੁਲਾਂਕਣ ਪੂਰਾ ਹੋ ਚੁਕਾ ਹੈ ਅਤੇ ਵਿੱਤੀ ਬੋਲੀ ਖੋਲਣ ਦੀ ਤਿਆਰੀ ਹੋ ਗਈ ਹੈ | ਜਿਸ ਤੋਂ ਉਪਰੰਤ ਇੰਤਜ਼ਾਰ ਦੀ ਪ੍ਰਕ੍ਰਿਆ ਪੂਰੀ ਹੋਣ ਤੋਂ ਬਾਅਦ ਅਗਲੇ ਮਹੀਨੇ 'ਚ ਨਵੀਂ ਕੰਪਨੀ ਨੂੰ ਕੰਮ ਅਲਾਟ ਹੋ ਜਾਵੇਗਾ | ਨਗਰ ਨਿਗਮ ਵਲੋਂ ਇਸ ਸੰਬੰਧੀ ਜੋ 55.46 ਕਰੋੜ ਰੁਪਏ ਦੀ ਲਾਗਤ ਵਾਲੇ ਟੈਂਡਰ ਦੇ ਤਹਿਤ ਨਿਗਮ ਯੂਜਰ ਚਾਰਜ ਖੁਦ ਵਸੂਲੇਗੀ |
