ਫਿੱਕੀ ਫਲੋ ਨੇ ‘ਭਜਨ ਕਲੱਬਿੰਗ-ਮਾਨਸਿਕ ਸਿਹਤ ਲਈ ਸੰਗੀਤ’ ਸਮਾਗਮ ਕਰਵਾਇਆ
ਅੰਮ੍ਰਿਤਸਰ, 1 ਅਗਸਤ (ਸੁਰਿੰਦਰਪਾਲ ਸਿੰਘ ਵਰਪਾਲ)-ਔਰਤਾਂ ਦੀ ਪ੍ਰਮੁੱਖ ਸੰਸਥਾ ਫਿੱਕੀ ਫਲੋ ਅੰਮ੍ਰਿਤਸਰ ਨੇ ਚੇਅਰਪਰਸਨ ਤਾਨਿਆ ਖੰਨਾ ਦੀ ਅਗਵਾਈ ਹੇਠ ਮਾਨਸਿਕ ਸਿਹਤ ਅਤੇ ਅਧਿਆਤਮਿਕ ਜਾਗਰੂਕਤਾ ਨੂੰ ਸਮਰਪਿਤ ਇਕ ਵਿਲੱਖਣ ਸਮਾਗਮ ‘ਭਜਨ ਕਲਬਿੰਗ-ਮਾਨਸਿਕ ਸਿਹਤ ਲਈ ਸੰਗੀਤ’ ਕਰਵਾਇਆ ਗਿਆ, ਜਿਸ ‘ਚ 500 ਤੋਂ ਵਧੇਰੇ ਲੋਕਾਂ ਨੇ ਉਤਸ਼ਾਹ ਨਾਲ ਸ਼ਿਰਕਤ ਕੀਤੀ। ਇਸ ਮੌਕੇ ਚੇਅਰਪਰਸਨ ਤਾਨਿਆ ਖੰਨਾ ਨੇ ਕਿਹਾ ਕਿ ਇਸ ਸਾਲ ਦੇ ਥੀਮ ‘ਨਵਰਾਸ’ ਦਾ ਸਾਰ ਜੀਵਨ ‘ਚ ਸੰਤੁਲਨ, ਸਦਭਾਵਨਾ ਅਤੇ ਅਧਿਆਤਮਿਕ ਆਨੰਦ ਨੂੰ ਉਤਸ਼ਾਹਿਤ ਕਰਨਾ ਹੈ।
ਅੰਮ੍ਰਿਤਸਰ, 1 ਅਗਸਤ (ਸੁਰਿੰਦਰਪਾਲ ਸਿੰਘ ਵਰਪਾਲ)-ਔਰਤਾਂ ਦੀ ਪ੍ਰਮੁੱਖ ਸੰਸਥਾ ਫਿੱਕੀ ਫਲੋ ਅੰਮ੍ਰਿਤਸਰ ਨੇ ਚੇਅਰਪਰਸਨ ਤਾਨਿਆ ਖੰਨਾ ਦੀ ਅਗਵਾਈ ਹੇਠ ਮਾਨਸਿਕ ਸਿਹਤ ਅਤੇ ਅਧਿਆਤਮਿਕ ਜਾਗਰੂਕਤਾ ਨੂੰ ਸਮਰਪਿਤ ਇਕ ਵਿਲੱਖਣ ਸਮਾਗਮ ‘ਭਜਨ ਕਲਬਿੰਗ-ਮਾਨਸਿਕ ਸਿਹਤ ਲਈ ਸੰਗੀਤ’ ਕਰਵਾਇਆ ਗਿਆ, ਜਿਸ ‘ਚ 500 ਤੋਂ ਵਧੇਰੇ ਲੋਕਾਂ ਨੇ ਉਤਸ਼ਾਹ ਨਾਲ ਸ਼ਿਰਕਤ ਕੀਤੀ। ਇਸ ਮੌਕੇ ਚੇਅਰਪਰਸਨ ਤਾਨਿਆ ਖੰਨਾ ਨੇ ਕਿਹਾ ਕਿ ਇਸ ਸਾਲ ਦੇ ਥੀਮ ‘ਨਵਰਾਸ’ ਦਾ ਸਾਰ ਜੀਵਨ ‘ਚ ਸੰਤੁਲਨ, ਸਦਭਾਵਨਾ ਅਤੇ ਅਧਿਆਤਮਿਕ ਆਨੰਦ ਨੂੰ ਉਤਸ਼ਾਹਿਤ ਕਰਨਾ ਹੈ। ਉਨ੍ਹਾਂ ਕਿਹਾ ਕਿ ਅੱਜ ਦੀ ਤੇਜ਼ ਰਫ਼ਤਾਰ ਜ਼ਿੰਦਗੀ ‘ਚ ਸੰਗੀਤ ਸਿਰਫ਼ ਮਨੋਰੰਜਨ ਦਾ ਹੀ ਨਹੀਂ ਸਗੋਂ ਮਾਨਸਿਕ ਸ਼ਾਂਤੀ ਅਤੇ ਭਾਵਨਾਤਮਕ ਸੰਤੁਲਨ ਲਈ ਇਕ ਸ਼ਕਤੀਸ਼ਾਲੀ ਸਾਧਨ ਹੈ। ਭਗਤੀ ਸੰਗੀਤ ਨੂੰ ਆਧੁਨਿਕ ਅਤੇ ਊਰਜਾਵਾਨ ਰੂਪ ਵਿਚ ਪੇਸ਼ ਕਰਕੇ, ਅਸੀਂ ਲੋਕਾਂ ਨੂੰ ਇਕ ਅਜਿਹਾ ਪਲੇਟਫਾਰਮ ਪ੍ਰਦਾਨ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ ਜਿੱਥੇ ਉਹ ਇਕ ਪਲ ਲਈ ਰੁਕ ਸਕਣ, ਆਪਣੇ ਆਪ ਨਾਲ ਜੁੜ ਸਕਣ ਅਤੇ ਸਮੂਹਿਕ ਆਨੰਦ ਦਾ ਅਨੁਭਵ ਕਰ ਸਕਣ। ਇਸ ਦੌਰਾਨ ਫਲੋ ਦੀ ਸਾਬਕਾ ਚੇਅਰਪਰਸਨ ਸ਼ਿਖਾ ਸਰੀਨ ਨੇ ਅਧਿਆਤਮਿਕਤਾ ਅਤੇ ਮਾਨਸਿਕ ਸ਼ਾਂਤੀ ਵਿਚਕਾਰ ਡੂੰਘੇ ਸਬੰਧ ਬਾਰੇ ਆਪਣੇ ਵਿਚਾਰ ਸਾਂਝੇ ਕੀਤੇ। ਇਸ ਸਮਾਗਮ ਦੌਰਾਨ ਪ੍ਰਸਿੱਧ ਭਗਤੀ ਰਾਕ ਬੈਂਡ ਕੇਸ਼ਵਮ ਦੇ ਭਗਤੀ ਅਤੇ ਆਧੁਨਿਕ ਸੰਗੀਤ ਦੇ ਵਿਲੱਖਣ ਮਿਸ਼ਰਣ ਨੇ ਮਾਹੌਲ ਨੂੰ ਭਗਤੀ ਊਰਜਾ ਨਾਲ ਭਰ ਦਿੱਤਾ। ਇਸ ਮੌਕੇ ਵਿਸ਼ੇਸ਼ ਤੌਰ ‘ਤੇ ਵਿਧਾਇਕ ਕੁੰਵਰ ਵਿਜੇ ਪ੍ਰਤਾਪ ਸਿੰਘ, ਵਿਧਾਇਕਾ ਜੀਵਨਜੋਤ ਕੌਰ, ਅਸ਼ਵਨੀ ਸੇਖੜੀ ਸਾਬਕਾ ਮੰਤਰੀ, ਨਾਰਵੇ ਤੋਂ ਇਕ ਵਫ਼ਦ ਅਤੇ ਡਾਕਟਰ, ਸ਼ਹਿਰ ਦੇ ਕਈ ਪ੍ਰਮੁੱਖ ਡਾਕਟਰ, ਉਦਯੋਗਪਤੀ ਅਤੇ ਸਮਾਜਿਕ ਸ਼ਖਸੀਅਤਾਂ ਸ਼ਾਮਲ ਸਨ।ਇਹ ਸਮਾਗਮ ਫੁੱਲਾਂ ਦੀ ਹੋਲੀ ਅਤੇ ਪ੍ਰਸ਼ਾਦ ਵੰਡ ਨਾਲ ਸਮਾਪਤ ਹੋਇਆ।ਇਸ ਸਮਾਗਮ ਨੂੰ ਫਲੋ ਅੰਮ੍ਰਿਤਸਰ ਨੇ ਮਾਨਸਿਕ ਸਿਹਤ, ਭਾਈਚਾਰਕ ਸ਼ਮੂਲੀਅਤ ਅਤੇ ਭਾਰਤੀ ਸੱਭਿਆਚਾਰਕ ਵਿਰਾਸਤ ਨੂੰ ਸਮਰਪਿਤ ਇੱਕ ਯਾਦਗਾਰੀ ਪਹਿਲਕਦਮੀ ਵਜੋਂ ਸ਼ਲਾਘਾ ਕੀਤੀ।
