ਰਾਮ ਨਗਰ ਕਾਲੋਨੀ ਨੇੜੇ ਮਜੀਠਾ ਰੋਡ ’ਤੇ ਫੈਕਟਰੀ ਮਾਲਕਾਂ ਦਾ ਨਾਜਾਇਜ਼ ਕਬਜ਼ਾ, ਪ੍ਰਸ਼ਾਸਨ ਖਾਮੋਸ਼
ਵੇਰਕਾ, 10 ਅਗਸਤ (ਲਖਵਿੰਦਰ ਸਿੰਘ)-ਇੱਥੋਂ ਨੇੜੇ ਰਾਮ ਨਗਰ ਕਾਲੋਨੀ ਮਜੀਠਾ ਰੋਡ ਵਿਖੇ ਮੇਨ ਸੜਕ ’ਤੇ ਇਕ ਫੈਕਟਰੀ ਮਾਲਕਾਂ ਵਲੋਂ ਨਾਜਾਇਜ਼ ਕਬਜ਼ਾ ਕਰਕੇ ਮੋਟਰਸਾਈਕਲਾਂ ਦੀ ਪਾਰਕਿੰਗ ਲਈ ਪੱਕਾ ਸ਼ੈੱਡ ਤਿਆਰ ਕਰ ਦਿੱਤਾ ਗਿਆ ਹੈ। ਸਰਕਾਰੀ ਜ਼ਮੀਨ ਅਤੇ ਆਮ ਲੰਘਣ ਵਾਲੀ ਮੇਨ ਸੜਕ ‘ਤੇ ਹੋ ਰਹੇ ਸ਼ਰੇਆਮ ਕਬਜ਼ੇ ਨੇ ਪੁਲਿਸ ਅਤੇ ਸਿਵਲ ਪ੍ਰਸ਼ਾਸਨ ਦੀ ਕਾਰਗੁਜ਼ਾਰੀ ਉੱਤੇ ਵੱਡੇ ਸਵਾਲੀਆ ਚਿੰਨ ਲਗਾ ਦਿੱਤੇ ਹਨ।
ਵੇਰਕਾ, 10 ਅਗਸਤ (ਲਖਵਿੰਦਰ ਸਿੰਘ)-ਇੱਥੋਂ ਨੇੜੇ ਰਾਮ ਨਗਰ ਕਾਲੋਨੀ ਮਜੀਠਾ ਰੋਡ ਵਿਖੇ ਮੇਨ ਸੜਕ ’ਤੇ ਇਕ ਫੈਕਟਰੀ ਮਾਲਕਾਂ ਵਲੋਂ ਨਾਜਾਇਜ਼ ਕਬਜ਼ਾ ਕਰਕੇ ਮੋਟਰਸਾਈਕਲਾਂ ਦੀ ਪਾਰਕਿੰਗ ਲਈ ਪੱਕਾ ਸ਼ੈੱਡ ਤਿਆਰ ਕਰ ਦਿੱਤਾ ਗਿਆ ਹੈ। ਸਰਕਾਰੀ ਜ਼ਮੀਨ ਅਤੇ ਆਮ ਲੰਘਣ ਵਾਲੀ ਮੇਨ ਸੜਕ ‘ਤੇ ਹੋ ਰਹੇ ਸ਼ਰੇਆਮ ਕਬਜ਼ੇ ਨੇ ਪੁਲਿਸ ਅਤੇ ਸਿਵਲ ਪ੍ਰਸ਼ਾਸਨ ਦੀ ਕਾਰਗੁਜ਼ਾਰੀ ਉੱਤੇ ਵੱਡੇ ਸਵਾਲੀਆ ਚਿੰਨ ਲਗਾ ਦਿੱਤੇ ਹਨ। ਆਮ ਲੋਕਾਂ ਦਾ ਕਹਿਣਾ ਹੈ ਕਿ ਜਦੋਂ ਵੀ ਕੋਈ ਸਾਧਾਰਨ ਨਾਗਰਿਕ ਮੇਨ ਸੜਕ ’ਤੇ ਪਲਾਟ ਲੈ ਕੇ ਆਪਣੀ ਮਿਹਨਤ ਦੀ ਕਮਾਈ ਨਾਲ ਉਸਾਰੀ ਸ਼ੁਰੂ ਕਰਦਾ ਹੈ, ਤਾਂ ਕਈ ਵਿਭਾਗੀ ਅਧਿਕਾਰੀ ਤੁਰੰਤ ਨਕਸ਼ਾ ਪਾਸ ਕਰਵਾਉਣ ਅਤੇ ਹੋਰ ਮਨਜ਼ੂਰੀਆਂ ਦੇ ਨਾਂ ‘ਤੇ ਤੰਗ-ਪ੍ਰੇਸ਼ਾਨ ਕਰਨ ਪਹੁੰਚ ਜਾਂਦੇ ਹਨ। ਪਰ ਦੂਜੇ ਪਾਸੇ, ਫੈਕਟਰੀ ਵਾਲਿਆਂ ਵਲੋਂ ਸ਼ਰੇਆਮ ਮੇਨ ਸੜਕ ‘ਤੇ ਕੀਤੇ ਗਏ ਇਸ ਨਜਾਇਜ਼ ਕਬਜ਼ੇ ਵੱਲ ਕੋਈ ਧਿਆਨ ਨਹੀਂ ਦਿੱਤਾ ਜਾ ਰਿਹਾ। ਲੋਕਾਂ ਦਾ ਸਾਫ਼ ਮੰਨਣਾ ਹੈ ਕਿ ਅਜਿਹੇ ਨਾਜਾਇਜ਼ ਕਬਜ਼ੇ ਸੰਬੰਧਤ ਵਿਭਾਗਾਂ ਅਤੇ ਪੁਲਿਸ ਦੀ ਮਿਲੀਭੁਗਤ ਅਤੇ ਉੱਚੀ ਸ਼ਹਿ ਤੋਂ ਬਗੈਰ ਸੰਭਵ ਹੀ ਨਹੀਂ ਹੋ ਸਕਦੇ। ਪ੍ਰਸ਼ਾਸਨਿਕ ਨਾਕਾਮੀ ਕਾਰਨ ਆਮ ਲੋਕਾਂ ਦਾ ਰਸਤਾ ਤੰਗ ਹੋ ਰਿਹਾ ਹੈ ਅਤੇ ਹਾਦਸਿਆਂ ਦਾ ਖ਼ਤਰਾ ਵੀ ਵਧ ਗਿਆ ਹੈ। ਇਲਾਕਾ ਨਿਵਾਸੀਆਂ ਨੇ ਪੁਲਿਸ ਅਤੇ ਸਿਵਲ ਪ੍ਰਸ਼ਾਸਨ ਦੇ ਉੱਚ ਅਧਿਕਾਰੀਆਂ ਤੋਂ ਜ਼ੋਰਦਾਰ ਮੰਗ ਕੀਤੀ ਹੈ ਕਿ ਇਸ ਮਾਮਲੇ ਦਾ ਤੁਰੰਤ ਸੰਗਿਆਨ ਲਿਆ ਜਾਵੇ, ਸੜਕ ਤੋਂ ਨਾਜਾਇਜ਼ ਕਬਜ਼ਾ ਹਟਾਇਆ ਜਾਵੇ ਅਤੇ ਕਬਜ਼ਾ ਕਰਨ ਵਾਲੇ ਦੋਸ਼ੀਆਂ ਵਿਰੁੱਧ ਸਖ਼ਤ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇ।
