ਰਯਾਨ ਇੰਟਰਨੈਸ਼ਨਲ ਸਕੂਲ ਵਿਖੇ ‘ਏ ਆਈ ਇਨ ਐਜੂਕੇਸ਼ਨ ਐਂਡ ਕਲਾਸਰੂਮ ਮੈਨੇਜਮੈਂਟ’ ਸਮਾਗਮ
ਅੰਮ੍ਰਿਤਸਰ, 18 ਨਵੰਬਰ (ਸੁਰਿੰਦਰਪਾਲ ਸਿੰਘ ਵਰਪਾਲ)-ਰਯਾਨ ਇੰਟਰਨੈਸ਼ਨਲ ਸਕੂਲ ਵਿਖੇ ਚੇਅਰਮੈਨ ਡਾ. ਏ.
ਅੰਮ੍ਰਿਤਸਰ, 18 ਨਵੰਬਰ (ਸੁਰਿੰਦਰਪਾਲ ਸਿੰਘ ਵਰਪਾਲ)-ਰਯਾਨ ਇੰਟਰਨੈਸ਼ਨਲ ਸਕੂਲ ਵਿਖੇ ਚੇਅਰਮੈਨ ਡਾ. ਏ. ਐੱਫ. ਪਿੰਟੋ ਤੇ ਮੈਨੇਜਿੰਗ ਡਾਇਰੈਕਟਰ ਡਾ. ਗ੍ਰੇਸ ਪਿੰਟੋ ਦੀ ਅਗਵਾਈ ਹੇਠ ‘ਏ ਆਈ ਇਨ ਐਜੂਕੇਸ਼ਨ ਐਂਡ ਕਲਾਸਰੂਮ ਮੈਨੇਜਮੈਂਟ’ (ਡੋਮੇਨ 2) ’ਤੇ ਇਕ ਸੀ. ਬੀ. ਐੱਸ. ਈ. ਇਨ-ਹਾਊਸ ਸਿਖਲਾਈ ਸੈਸ਼ਨ ਕਰਵਾਇਆ ਗਿਆ, ਜਿਸ ’ਚ ਬਤੌਰ ਰਿਸੋਰਸ ਪਰਸਨ ਜੋਨੇ ਅਰਮੀਨੀਆ ਫਰਨਾਂਡੀਜ਼ ਨੇ ਆਧੁਨਿਕ ਸਿੱਖਿਆ ਵਿਚ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਦੀ ਭੂਮਿਕਾ, ਨਵੀਨਤਾਕਾਰੀ ਅਧਿਆਪਨ ਵਿਧੀਆਂ ਤੇ ਪ੍ਰਭਾਵਸ਼ਾਲੀ ਕਲਾਸਰੂਮ ਪ੍ਰਬੰਧਨ ਰਣਨੀਤੀਆਂ ਬਾਰੇ ਕੀਮਤੀ ਜਾਣਕਾਰੀ ਸਾਂਝੀ ਕੀਤੀ। ਉਨ੍ਹਾਂ ਨੇ ਭਾਗੀਦਾਰਾਂ ਨੂੰ ਵੱਖ-ਵੱਖ ਏਆਈ ਟੂਲਜ਼ ਨਾਲ ਜਾਣੂ ਕਰਵਾਇਆ ਤੇ ਸਿੱਖਣ-ਸਿਖਾਉਣ ਦੇ ਅਭਿਆਸਾਂ ਨੂੰ ਬਦਲਣ ਦੀ ਉਨ੍ਹਾਂ ਦੀ ਸਮਰੱਥਾ ’ਤੇ ਚਾਨਣਾ ਪਾਇਆ। ਇਸ ਦੌਰਾਨ ਪ੍ਰਿੰ: ਕੰਚਨ ਮਲਹੋਤਰਾ ਨੇ ਰਿਸੋਰਸ ਪਰਸਨ ਨੂੰ ਪੌਦਾ ਤੇ ਯਾਦਗਾਰੀ ਚਿੰਨ੍ਹ ਭੇਂਟ ਕਰਕੇ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਧਨਵੀਰ ਸਿੰਘ, ਮਾਰਕੀਟਿੰਗ ਹੈੱਡ, ਐਸ. ਚੰਦ ਪਬਲੀਕੇਸ਼ਨ ਵੀ ਮੌਜੂਦ ਸਨ।