ਤਰਨ ਤਾਰਨ, 10 ਮਾਰਚ (ਹਰਿੰਦਰ ਸਿੰਘ)-ਜ਼ਿਲ੍ਹਾ ਤਰਨ ਤਾਰਨ ਅਧੀਨ ਪੈਂਦੇ ਥਾਣਾ ਥਾਣਾ ਵੈਰੋਂਵਾਲ ਦੀ ਪੁਲਿਸ ਨੇ ਇਕ ਤੇਜ਼ ਰਫ਼ਤਾਰ ਸਕਾਰਪੀਓ ਗੱਡੀ ਦੀ ਟੱਕਰ ਨਾਲ ਮੋਟਰਸਾਈਕਲ ਸਵਾਰ ਵਿਅਕਤੀ ਦੀ ਮੌਤ ਹੋਣ ਅਤੇ ਇਕ ਦੇ ਗੰਭੀਰ ਜ਼ਖਮੀ ਹੋਣ ਦੇ ਮਾਮਲੇ 'ਚ ਗੱਡੀ ਚਾਲਕ ਖ਼ਿਲਾਫ਼ ਮਾਮਲਾ ਦਰਜ ਕਰ ਲਿਆ ਹੈ | ਥਾਣਾ ਵੈਰੋਂਵਾਲ ਵਿਖੇ ਲਵਪ੍ਰੀਤ ਸਿੰਘ ਪੁੱਤਰ ਰਵਿੰਦਰ ਸਿੰਘ ਵਾਸੀ ਸਰਾਂ ਤਲਵੰਡੀ ਨੇ ਸ਼ਿਕਾਇਤ ਦਰਜ ਕਰਵਾਈ ਕਿ ਮੈਂ ਅਤੇ ਮੇਰਾ ਚਾਚਾ ਪਵਿੱਤਰ ਸਿੰਘ ਪੁੱਤਰ ਵੀਰ ਸਿੰਘ ਵਾਸੀ ਸਰਾਂ ਤਲਵੰਡੀ ਜੋ ਕਿ ਮੋਟਰਸਾੲਕਿਲ ਵੇਚਣ ਖ੍ਰੀਦਣ ਦਾ ਕੰਮ ਖਡੂਰ ਸਾਹਿਬ ਕਰਦੇ ਅਤੇ ਰੋਜ਼ਾਨਾ ਦੀ ਤਰ੍ਹਾਂ ਅਸੀਂ ਆਪਣਾ ਕੰਮਕਾਰ ਕਰਕੇ ਆਪਣੀ ਦੁਕਾਨ ਬੰਦ ਕਰਕੇ ਆਪਣੇ ਘਰ ਪਿੰਡ ਸਰਾਂ ਤਲਵੰਡੀ ਨੂੰ ਆਪਣੇ ਮੋਟਰਸਾਇਕਲ ਨੰਬਰ ਪੀ.ਬੀ.08 ਈ.ਡੀ.4791 'ਤੇ ਸਵਾਰ ਹੋ ਕੇ ਜਾ ਰਹੇ ਸੀ ਕਿ ਜਦ ਨੇੜੇ ਗੇਟ ਭਾਈ ਜੋਧ, ਨਾਗੋਕੇ ਤੋਂੋ ਥੋੜਾ ਅੱਗੇ ਪੁੱਜੇ ਤਾਂ ਪਿੱਛੋ ਖਡੂਰ ਸਾਹਿਬ ਵੱਲੀ ਸਾਇਡ ਤੋਂ ਇਕ ਗੱਡੀ ਰੰਗ ਕਾਲਾ ਸਕਾਰਪੀਉ ਜਿਸਦਾ ਮੈਂ ਨੰਬਰ ਨਹੀਂ ਪੜ੍ਹ ਸਕਿਆ, ਜੋ ਕੋਈ ਅਣਪਛਾਤਾ ਵਿਅਕਤੀ ਤੇਜ਼ ਰਫ਼ਤਾਰ ਤੇ ਲਾਪਰਵਾਹੀ ਨਾਲ ਚਲਾ ਰਿਹਾ ਸੀ | ਜਿਸ ਨੇ ਗੱਡੀ ਪਿੱਛੋ ਗਲਤ ਸਾਇਡ 'ਤੇ ਲਿਆ ਕੇ ਮੇਰੇ ਮੋਟਰਸਾਈਕਲ 'ਚ ਮਾਰ ਕੇ ਸੜਕ ਪਰ ਸੁੱਟ ਕੇ ਸੱਟਾਂ ਲਗਾ ਦਿੱਤੀਆਂ ਅਤੇ ਆਪ ਗੱਡੀ ਮੌਕੇ ਤੋੋਂ ਭਜਾ ਕੇ ਲੈ ਗਿਆ | ਗੱਡੀ ਵੱਜਣ ਨਾਲ ਮੇਰੇ ਵੀ ਸੱਟਾਂ ਲੱਗ ਗਈਆਂ ਪਰ ਉਸਦੇ ਚਾਚੇ ਦੇ ਸਿਰ ਵਿਚ ਸੱਟ ਜਿਆਦਾ ਲੱਗ ਗਈ | ਜਿਸ ਨੂੰ ਅੰਮਿ੍ਤਸਰ ਦੇ ਪ੍ਰਾਈਵੇਟ ਹਸਪਤਾਲ ਵਿਖੇ ਦਾਖਲ ਕਰਵਾਇਆ ਗਿਆ, ਜਿਥੇ ਇਲਾਜ ਦੌਰਾਨ ਉਸਦੇ ਚਾਚਾ ਦੀ ਮੌਤ ਹੋ ਗਈ | ਜਾਂਚ ਅਧਿਕਾਰੀ ਏ.ਐੱਸ.ਆਈ.ਗੁਰਵੇਲ ਸਿੰਘ ਨੇ ਦੱਸਿਆ ਕਿ ਮਾਮਲੇ ਦੀ ਜਾਂਚ ਉਪਰੰਤ ਅਣਪਛਾਤੇ ਵਾਹਨ ਚਾਲਕ ਖਿਲਾਫ਼ ਮਾਮਲਾ ਦਰਜ ਕਰ ਲਿਆ ਗਿਆ ਹੈ |
