ਫਤਿਆਬਾਦ, 25 ਮਈ (ਹਰਵਿੰਦਰ ਸਿੰਘ ਧੂੰਦਾ)ਭਰੋਵਾਲ ਸਕੂਲ ਦੇ ਹੈੱਡ ਮੈਡਮ ਹਾਂਡਾ ਅਤੇ ਹੋਰਨਾਂ ਵਲੋਂ ਸਕੂਲ ਦਾ ਅਕਾਊਾਟ ਠੱਠੀਆਂ ਮਹੰਤਾਂ ਤੋਂ ਬਦਲ ਕੇ ਖਡੂਰ ਸਾਹਿਬ ਵਿਖੇ ਕਰਨ ਦੀ ਮੰਗ ਕੀਤੀ | ਇਸ ਮੌਕੇ ਮਿਡਲ ਸਕੂਲ ਭਰੋਵਾਲ ਵਿਖੇ ਮੈਡਮ ਹਾਂਡਾ ਜੋ ਇਕੱਲੇ ਹੀ ਡਿਊਟੀ ਨਿਭਾਅ ਰਹੇ ਹਨ, ਉਨ੍ਹਾਂ ਨੂੰ ਸਨਮਾਨਿਤ ਕੀਤਾ ਗਿਆ | ਇਸ ਮੌਕੇ ਮਾਪੇ ਤੇ ਪਿ੍ੰਸੀਪਲ ਸੰਧੂ ਹਾਜ਼ਰ ਸਨ | ਸਰਕਾਰੀ ਮਿਡਲ ਸਕੂਲ ਭਰੋਵਾਲ ਪਿਛਲੇ ਛੇ ਮਹੀਨੇ ਤੋਂ ਛੇਵੀਂ ਸੱਤਵੀਂ ਤੇ ਅੱਠਵੀਂ ਦੇ ਸਮੂਹ ਵਿਦਿਆਰਥੀਆਂ ਨੂੰ ਇਕੱਲੇ ਹੀ ਮੈਡਮ ਹਾਂਡਾ ਡਿਊਟੀ ਨਿਭਾਅ ਰਹੇ ਹਨ | ਬੱਚਿਆਂ ਦੇ ਸਲਾਨਾ ਪੇਪਰ, ਦਾਖ਼ਲਾ ਅਤੇ ਵਜੀਫ਼ਾ ਵੰਡਣ ਦੀ ਸੇਵਾ ਵੀ ਇਹ ਇਕੱਲੇ ਨਿਭਾਉਂਦੇ ਰਹੇ | ਹੈਰਾਨਗੀ ਵਾਲੀ ਗੱਲ ਹੈ ਕਿ ਸਕੂਲ ਦੇ ਅਕਾਊਾਟ ਲਈ ਬੈਂਕ ਠੱਠੀਆਂ ਮਹੰਤਾਂ ਜਾਣਾ ਪੈਂਦਾ ਹੈ, ਜਦੋਂਕਿ ਭਰੋਵਾਲ ਸਕੂਲ ਤੋਂ ਠੱਠੀਆਂ ਮਹੰਤਾਂ ਲਈ ਕੋਈ ਵੀ ਬੱਸ ਸੇਵਾ ਨਹੀਂ ਹੈ | ਸਰਕਾਰ ਤੋਂ ਮੰਗ ਹੈ ਕਿ ਸਕੂਲ ਦਾ ਬੈਂਕ ਖਡੂਰ ਸਾਹਿਬ ਅਲਾਟ ਕੀਤਾ ਜਾਏ | ਇਸ ਮੌਕੇ ਪ੍ਰੀਤ ਮੈਡਮ ਤੇ ਨਛੱਤਰ ਸਿੰਘ ਆਦਿ ਹਾਜ਼ਰ ਸਨ |
