ਫਤਿਆਬਾਦ, 17 ਜੁਲਾਈ (ਹਰਵਿੰਦਰ ਸਿੰਘ ਧੂੰਦਾ)-ਜ਼ਿਲ੍ਹਾ ਤਰਨ ਤਾਰਨ ਦੇ ਬਲਾਕ ਚੋਹਲਾ ਸਹਿਬ ਵਿਖੇ ਪਿੰਡ ਭੈਲ ਢਾਏ ਵਾਲਾ ਵਿਚ ਇਕ ਆਂਗਣਵਾੜੀ ਵਰਕਰ ਜਤਿੰਦਰ ਕੌਰ ਵਲੋਂ ਪੰਜਾਬ ਸਰਕਾਰ ਵਲੋਂ ਚਲਾਈ ਗਈ ਸਕੀਮ ਮਾਵਾਂ-ਧੀਆਂ ਸਤਿਕਾਰ ਯੋਜਨਾ ਸਹਿਤ ਲਾਭਪਾਤਰੀਆ ਦੇ ਫਾਰਮ ਆਨਲਾਈਨ ਕਰਕੇ ਉਨ੍ਹਾਂ ਦਾ ਬੈਂਕ ਖਾਤਾ ਭਰਨ ਦੀ ਬਜਾਇ ਆਗਣਵਾੜੀ ਵਰਕਰ ਦੇ ਬੇਟੇ ਵਲੋਂ ਆਪਣਾ ਪ੍ਰਸਨਲ ਬੈਕ ਖਾਤਾ ਤਕਰੀਬਨ 62 ਕੇਸਾਂ ਵਿਚ ਭਰ ਦਿਤਾ ਗਿਆ। ਜਦੋਂ ਸੀ.ਡੀ.ਪੀ.ਓ. ਦਫ਼ਤਰ ਚੋਹਲਾ ਸਹਿਬ ਨੂੰ ਸੈਕਟ੍ਰੀਏਟ ਚੰਡੀਗੜ੍ਹ ਵਲੋਂ ਬੈਂਕ ਖਾਤਿਆਂ ਦੀ ਸ਼ਿਕਾਇਤ ਆਈ ਕਿ 62 ਕੇਸਾਂ ਦਾ ਬੈਂਕ ਖਾਤਾ ਇਕ ਹੀ ਹੈ ਤਾਂ ਸੀ.ਡੀ.ਪੀ.ਓ. ਚੋਹਲਾ ਵਲੋਂ ਤੁਰੰਤ ਪੜਤਾਲ ਕੀਤੀ ਗਈ। ਇਸ ਬਾਰੇ ਪੱਛਿਆ ਤੇ ਆਂਗਣਵਾੜੀ ਵਰਕਰ ਨੇ ਕਿਹਾ ਕਿ ਲਾਭਪਾਤਰੀਆ ਦੀ ਭੀੜ ਹੋਣ ਕਰਕੇ ਮੈਂ ਆਪਣੀ ਆਈ.ਡੀ. ਆਪਣੇ ਪੁੱਤਰ ਨੂੰ ਵੀ ਦਿੱਤੀ ਸੀ। ਆਂਗਣਵਾੜੀ ਵਰਕਰ ਨੇ ਕਿਹਾ ਕਿ ਮੇਰੇ ਕੋਲੋਂ ਗਲਤੀ ਹੋ ਗਈ ਹੈ। ਮੇਰਾ ਬੇਟਾ ਨਸ਼ੇ ਦਾ ਆਦੀ ਹੈ, ਜਿਸ ਨੇ ਅਜਿਹਾ ਕਰਕੇ ਗ਼ਲਤ ਕੀਤਾ। ਪੁਲਿਸ ਵਲੋਂ ਥਾਣਾ ਗੋਇੰਦਵਾਲ ਸਾਹਿਬ ਅਧੀਨ ਆਂਗਨਵਾੜੀ ਵਰਕਰ ਜਤਿੰਦਰ ਕੌਰ ਖਿਲਾਫ਼ ਮੁਕੱਦਮਾ ਦਰਜ ਕੀਤਾ ਗਿਆ ਹੈ।
