ਅਣਪਛਾਤੇ ਵਿਅਕਤੀਆਂ ਵਲੋਂ ਗੈਸ ਏਜੰਸੀ ਵਿਚੋਂ ਗੱਡੀ ਅਤੇ ਹੋਰ ਸਾਮਾਨ ਚੋਰੀ
ਤਰਨ ਤਾਰਨ, 9 ਅਗਸਤ (ਹਰਿੰਦਰ ਸਿੰਘ)—ਪਿੰਡ ਕਸੇਲ ਵਿਖੇ ਸਥਿਤ ਗੈਸ ਏਜੰਸੀ ਵਿਚੋਂ ਕੁਝ ਅਣਪਛਾਤੇ ਚੋਰਾਂ ਨੇ ਗੱਡੀ, ਸਿਲੰਡਰ ਅਤੇ ਹੋਰ ਸਾਮਾਨ ਚੋਰੀ ਕਰ ਲਿਆ। ਇਸ ਸੰਬੰਧੀ ਥਾਣਾ ਸਰਾਏ ਅਮਾਨਤ ਖਾਂ ਦੀ ਪੁਲਿਸ ਨੂੰ ਰਣਜੀਤ ਸਿੰਘ ਉਰਫ਼ ਗੋਲਡੀ ਪੁੱਤਰ ਲੱਖਾ ਸਿੰਘ ਵਾਸੀ ਗੁੰਮਟਾਲਾ ਅੰਮ੍ਰਿਤਸਰ ਨੇ ਦੱਸਿਆ ਕਿ ਉਹ ਪਿੰਡ ਕਸੇਲ ਵਿਖੇ ਜੈਸਲੀਨ ਐਚ.
ਤਰਨ ਤਾਰਨ, 9 ਅਗਸਤ (ਹਰਿੰਦਰ ਸਿੰਘ)—ਪਿੰਡ ਕਸੇਲ ਵਿਖੇ ਸਥਿਤ ਗੈਸ ਏਜੰਸੀ ਵਿਚੋਂ ਕੁਝ ਅਣਪਛਾਤੇ ਚੋਰਾਂ ਨੇ ਗੱਡੀ, ਸਿਲੰਡਰ ਅਤੇ ਹੋਰ ਸਾਮਾਨ ਚੋਰੀ ਕਰ ਲਿਆ। ਇਸ ਸੰਬੰਧੀ ਥਾਣਾ ਸਰਾਏ ਅਮਾਨਤ ਖਾਂ ਦੀ ਪੁਲਿਸ ਨੂੰ ਰਣਜੀਤ ਸਿੰਘ ਉਰਫ਼ ਗੋਲਡੀ ਪੁੱਤਰ ਲੱਖਾ ਸਿੰਘ ਵਾਸੀ ਗੁੰਮਟਾਲਾ ਅੰਮ੍ਰਿਤਸਰ ਨੇ ਦੱਸਿਆ ਕਿ ਉਹ ਪਿੰਡ ਕਸੇਲ ਵਿਖੇ ਜੈਸਲੀਨ ਐਚ.ਪੀ. ਗੈਸ ਸਰਵਿਸ ਦੇ ਨਾਂਅ ’ਤੇ ਗੈਸ ਏਜੰਸੀ ਚਲਾਉਂਦਾ ਹੈ। ਸ਼ਿਕਾਇਤਕਰਤਾ ਨੇ ਦੱਸਿਆ ਕਿ ਉਸ ਨੇ ਗੈਸ ਏਜੰਸੀ ਵਿਚ ਤਲਵਿੰਦਰ ਸਿੰਘ ਪੁੱਤਰ ਗੁਰਬਖਸ ਸਿੰਘ ਵਾਸੀ ਮਾਲੂਵਾਲ ਨੂੰ ਚੌਂਕੀਦਾਰ ਰੱਖਿਆ ਹੋਇਆ ਹੈ। ਉਸ ਦੇ ਚੌਂਕੀਦਾਰ ਨੇ ਮਿਤੀ 8 ਅਗਸਤ ਨੂੰ ਉਸ ਨੂੰ ਕਰੀਬ 6 ਵਜੇ ਦੱਸਿਆ ਕਿ ਗੈਸ ਏਜੰਸੀ ਵਿਚੋਂ 2–3 ਅਣਪਛਾਤੇ ਵਿਅਕਤੀਆਂ ਨੇ ਮਿਤੀ 7–8 ਰਾਤ ਨੂੰ ਕੱਧ ਟੱਪ ਕੇ ਚੋਰੀ ਕੀਤੀ ਹੈ। ਉਸ ਨੇ ਜਦ ਏਜੰਸੀ ਵਿਖੇ ਆ ਕੇ ਚੈੱਕ ਕੀਤਾ ਤਾਂ ਉਥੋਂ 7 ਸਿਲੰਡਰ ਖਾਲੀ, ਇਕ ਮਹਿੰਦਰਾ ਸੁਪਰਾ ਗੱਡੀ ਪੀ.ਬੀ.46 ਏ.ਐਨ 1765, ਇਕ ਪੱਖਾ, ਇਕ ਮੰਜਾ, ਇਕ ਏਜੰਸੀ ਦਾ ਫੋਨ, ਇਕ ਇਨਵਰਟਰ, 2 ਬੈਟਰੇ ਚੋਰੀ ਹੋ ਚੁੱਕੇ ਸਨ। ਇਸ ਸੰਬੰਧੀ ਏ.ਐਸ.ਆਈ. ਸੁਖਵੰਤ ਸਿੰਘ ਨੇ ਥਾਣਾ ਸਰਾਏ ਅਮਾਨਤ ਖਾਂ ਵਿਖੇ ਅਣਪਛਾਤੇ ਚੋਰਾਂ ਦੇ ਖ਼ਿਲਾਫ਼ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
