ਦਿਵਯ ਜਯੋਤੀ ਜਾਗਰਤੀ ਸੰਸਥਾਨ ਤਰਨ ਤਾਰਨ ਦੁਆਰਾ ‘ਸੰਰਕਸ਼ਣ ਪ੍ਰੋਜੈਕਟ ਤਹਿਤ’ ਪੌਦੇ ਲਗਾਏ
ਤਰਨ ਤਾਰਨ, 9 ਅਗਸਤ (ਇਕਬਾਲ ਸਿੰਘ ਸੋਢੀ)- ਦਿਵਯ ਜਯੋਤੀ ਜਾਗਰਤੀ ਸੰਸਥਾਨ ਤਰਨ ਤਾਰਨ ਦੁਆਰਾ ‘ਸੰਰਕਸ਼ਣ ਪ੍ਰੋਜੈਕਟ’ ਦੇ ਤਹਿਤ ਸਾਧਵੀ ਪਰਮਜੀਤ ਭਾਰਤੀ ਦੁਆਰਾ ਬੂਟੇ ਲਗਾਏ ਤੇ ਵੰਡੇ ਗਏ, ਕਿਉਂਕਿ ਅੱਜ ਸਾਡਾ ਵਾਤਾਵਰਨ ਬਹੁਤ ਦੂਸ਼ਿਤ ਹੁੰਦਾ ਜਾ ਰਿਹਾ ਹੈ । ਅਸੀਂ ਜਿਸ ਹਵਾ ਅੰਦਰ ਸਾਹ ਲੈਂਦੇ ਹਾਂ, ਉਹ ਹਵਾ ਸਾਹ ਲੈਣ ਦੇ ਯੋਗ ਨਹੀਂ ਹੈ, ਜਿਸ ਪਾਣੀ ਨੂੰ ਅਸੀਂ ਪੀਂਦੇ ਹਾਂ, ਉਹ ਵੀ ਦੂਸ਼ਿਤ ਹੋ ਚੁੱਕਾ ਹੈ ।
ਤਰਨ ਤਾਰਨ, 9 ਅਗਸਤ (ਇਕਬਾਲ ਸਿੰਘ ਸੋਢੀ)- ਦਿਵਯ ਜਯੋਤੀ ਜਾਗਰਤੀ ਸੰਸਥਾਨ ਤਰਨ ਤਾਰਨ ਦੁਆਰਾ ‘ਸੰਰਕਸ਼ਣ ਪ੍ਰੋਜੈਕਟ’ ਦੇ ਤਹਿਤ ਸਾਧਵੀ ਪਰਮਜੀਤ ਭਾਰਤੀ ਦੁਆਰਾ ਬੂਟੇ ਲਗਾਏ ਤੇ ਵੰਡੇ ਗਏ, ਕਿਉਂਕਿ ਅੱਜ ਸਾਡਾ ਵਾਤਾਵਰਨ ਬਹੁਤ ਦੂਸ਼ਿਤ ਹੁੰਦਾ ਜਾ ਰਿਹਾ ਹੈ । ਅਸੀਂ ਜਿਸ ਹਵਾ ਅੰਦਰ ਸਾਹ ਲੈਂਦੇ ਹਾਂ, ਉਹ ਹਵਾ ਸਾਹ ਲੈਣ ਦੇ ਯੋਗ ਨਹੀਂ ਹੈ, ਜਿਸ ਪਾਣੀ ਨੂੰ ਅਸੀਂ ਪੀਂਦੇ ਹਾਂ, ਉਹ ਵੀ ਦੂਸ਼ਿਤ ਹੋ ਚੁੱਕਾ ਹੈ । ਇਸ ਦਾ ਸਭ ਤੋਂ ਵੱਡਾ ਕਾਰਨ ਅੱਜ ਇਹ ਹੈ ਕਿ ਲਗਾਤਾਰ ਦਰੱਖਤਾਂ ਦੀ ਕਟਾਈ ਹੋ ਰਹੀ ਹੈ । ਸਾਡਾ ਸਰੀਰ ਇਕ ਜਟਿਲ ਮਸ਼ੀਨ ਦੀ ਤਰ੍ਹਾਂ ਹੈ। ਸਾਡੇ ਸਰੀਰ ਨੂੰ 21 ਰਸਾਇਣਿਕ ਤੱਤ ਸੰਚਾਲਿਤ ਕਰਦੇ ਹਨ । ਇਸ ’ਚੋਂ ਚਾਰ ਪ੍ਰਮੁੱਖ ਤੱਤ ਆਕਸੀਜਨ, ਕਾਰਬਨ, ਹਾਈਡਰੋਜਨ ਤੇ ਨਾਈਟਰੋਜਨ ਹੈ । ਜਦੋਂ ਅਸੀਂ ਰੁੱਖਾਂ ਨੂੰ ਬਚਾਉਂਦੇ ਹਾਂ ਤਾਂ ਖੁਦ ਨੂੰ ਹੀ ਬਚਾਉਣ ਦੀ ਕੋਸ਼ਿਸ਼ ਕਰਦੇ ਹਾਂ। ਰੁੱਖਾਂ ਤੋਂ ਕਈ ਰੋਗਾਂ ਦੀ ਮੁਕਤੀ ਦੇ ਲਈ ਦਵਾਈਆਂ ਬਣਾਈਆਂ ਜਾਂਦੀਆਂ ਹਨ । ਜੰਗਲੀ ਜੀਵਾਂ ਨੂੰ ਰਹਿਣ ਲਈ ਆਸਰਾ ਪ੍ਰਦਾਨ ਕਰਦੇ ਹਨ। ਇੰਨੇ ਫਾਇਦੇ ਹੋਣ ਦੇ ਬਾਵਜੂਦ ਵੀ ਅਸੀਂ ਰੁੱਖਾਂ ਨੂੰ ਲਗਾਤਾਰ ਕੱਟਦੇ ਜਾ ਰਹੇ ਹਾਂ। ਹਰ ਸਾਲ ਰੁੱਖਾਂ ਦੀ ਕਟਾਈ ਦੇ ਕਾਰਨ 5 ਅਰਬ ਟਨ ਕਾਰਬਨ ਡਾਈਆਕਸਾਈਡ ਵਾਯੂਮੰਡਲ ਦੇ ਵਿਚ ਵੱਧ ਜਾਂਦੀ ਹੈ । ਵਿਸ਼ਵ ਬੈਂਕ ਦੇ ਅਨੁਮਾਨ ਦੇ ਅਨੁਸਾਰ ਵੀਹਵੀਂ ਸਦੀ ਦੇ ਸ਼ੁਰੂਆਤ ਵਿਚ ਹੁਣ ਤੱਕ ਕਰੋੜਾਂ ਹੀ ਰੁੱਖ ਕੱਟੇ ਜਾ ਚੁੱਕੇ ਹਨ । ਜੇਕਰ ਇਨ੍ਹਾਂ ਰੁੱਖਾਂ ਦੀ ਕਟਾਈ ਦੇ ਉੱਪਰ ਰੋਕ ਨਾ ਲਗਾਈ ਗਈ ਤਾਂ ਆਉਣ ਵਾਲੇ ਸਮੇਂ ਅੰਦਰ ਇਸ ਦੇ ਬਹੁਤ ਹੀ ਭਿਆਨਕ ਨਤੀਜੇ ਹੋਣਗੇ । ਇਸ ਲਈ ਵਾਤਾਵਰਨ ਦੀ ਸਾਂਭ ਸੰਭਾਲ ਲਈ ਅਸੀਂ ਇਕ ਪ੍ਰਣ ਕਰੀਏ ਕਿ ਅਸੀਂ ਰੁੱਖਾਂ ਨੂੰ ਨਹੀਂ ਕੱਟਾਂਗੇ, ਪਰ ਜੇ ਜ਼ਰੂਰਤ ਅਨੁਸਾਰ ਅਸੀਂ ਕੱਟਦੇ ਵੀ ਹਾਂ ਤਾਂ ਨਵੇਂ ਰੁੱਖ ਜ਼ਰੂਰ ਲਗਾਈਏ।
