ਮਾਝਾ ਕਾਲਜ ’ਚ ਤੀਆਂ ਦਾ ਤਿਉਹਾਰ ਮਨਾਇਆ
ਤਰਨ ਤਾਰਨ, 14 ਅਗਸਤ (ਹਰਿੰਦਰ ਸਿੰਘ)-ਮਾਝਾ ਕਾਲਜ ਫਾਰ ਵੁਮੈਨ ਤਰਨ ਤਾਰਨ ਵਿਚ ਤੀਆਂ ਦਾ ਤਿਉਹਾਰ ਬਹੁਤ ਹੀ ਧੂਮਧਾਮ ਨਾਲ ਮਨਾਇਆ ਗਿਆ। ਤੀਆ ਦੇ ਤਿਉਹਾਰ ਦੀ ਇਤਿਹਾਸਕ ਮਹੱਤਤਾ ਅਤੇ ਆਧੁਨਿਕ ਸਾਰਥਿਕਤਾਂ ਤੋ ਵਿਦਿਆਰਥੀਆ ਨੂੰ ਜਾਣੂ ਕਰਵਾਉਣਾ ਇਸ ਤਿਉਹਾਰ ਦਾ ਪ੍ਰਮੁੱਖ ਮਨੋਰਥ ਰਿਹਾ।
ਤਰਨ ਤਾਰਨ, 14 ਅਗਸਤ (ਹਰਿੰਦਰ ਸਿੰਘ)-ਮਾਝਾ ਕਾਲਜ ਫਾਰ ਵੁਮੈਨ ਤਰਨ ਤਾਰਨ ਵਿਚ ਤੀਆਂ ਦਾ ਤਿਉਹਾਰ ਬਹੁਤ ਹੀ ਧੂਮਧਾਮ ਨਾਲ ਮਨਾਇਆ ਗਿਆ। ਤੀਆ ਦੇ ਤਿਉਹਾਰ ਦੀ ਇਤਿਹਾਸਕ ਮਹੱਤਤਾ ਅਤੇ ਆਧੁਨਿਕ ਸਾਰਥਿਕਤਾਂ ਤੋ ਵਿਦਿਆਰਥੀਆ ਨੂੰ ਜਾਣੂ ਕਰਵਾਉਣਾ ਇਸ ਤਿਉਹਾਰ ਦਾ ਪ੍ਰਮੁੱਖ ਮਨੋਰਥ ਰਿਹਾ। ਵਿਦਿਆਰਥੀਆ ਨੂੰ ਪ੍ਰੰਪਰਾਗਤ ਵਿਰਸੇ ਤੋ ਜਾਣੂ ਕਰਵਾਉਣ ਲਈ ਸੱਭਿਆਚਾਰਕ ਵਸਤੂਆ ਜਿਵੇ ਪੱਖੀਆ, ਫੁੱਲਕਾਰੀਆ ਆਦਿ ਦੀ ਪ੍ਰਦਰਸ਼ਨੀ ਲਗਾਈ ਗਈ। ਵਿਦਿਆਰਥੀਆ ਵਲੋ ਗਿੱਧੇ, ਭੰਗੜੇ ਅਤੇ ਗੀਤਾਂ ਰਾਹੀ ਸੱਭਿਆਚਾਰਕ ਮਾਹੌਲ ਸਿਰਜਿਆ ਗਿਆ। ਵਿਦਿਆਰਥਣਾਂ ਦੀ ਕਲਾਤਮਿਕ ਪ੍ਤਿਭਾ ਨੂੰ ਅਧਾਰ ਬਣਾ ਕੇ ਉਨ੍ਹਾਂ ਵਿਚੋ ਰੌਣਕ ਮੇਲੇ ਦੀ, ਟੌਹਰ ਮਜਾਜਣ ਦੀ ਅਤੇ ਸਨੁੱਖੀ ਮੁਟਿਆਰ ਦੀ ਚੋਣ ਕੀਤੀ ਗਈ । ਕਾਲਜ ਵਿਚਲੇ ਕਾਸਮੋਟੋਲੋਜੀ ਵਿਭਾਗ ਵਲੋ ਤੀਆ ਦੇ ਤਿਉਹਾਰ ਨੂੰ ਮੁੱਖ ਰੱਖ ਕੇ ਮਹਿੰਦੀ ਮੁਕਾਬਲਾ ਕਰਵਾਇਆ ਗਿਆ। ਇਸ ਮੁਕਾਬਲੇ ਵਿਚ ਜੇਤੂ ਰਹਿਣ ਵਾਲੀਆ ਵਿਦਿਆਰਥਣਾਂ ਨੂੰ ਇਨਾਮ ਵੰਡੇ ਗਏ। ਕਾਲਜ ਪ੍ਬੰਧਕੀ ਕਮੇਟੀ ਦੇ ਸਮੂਹ ਮੈਂਬਰਾ ਨੇ ਪਰਿਵਾਰਾਂ ਸਮੇਤ ਇਸ ਪ੍ਰਗਰਾਮ ਵਿਚ ਸ਼ਿਰਕਤ ਕਰਕੇ ਇਸ ਤਿਉਹਾਰ ਦੀ ਖੁਸ਼ੀ ਵਿਚ ਵਾਧਾ ਕੀਤਾ। ਕਾਲਜ ਪ੍ਰਿੰਸੀਪਲ ਮੈਡਮ ਹਰਮਿੰਦਰ ਕੌਰ ਵਲੋ ਸਮੁੱਚੀ ਮੈਨਜਮੈਂਟ ਕਮੇਟੀ ਦਾ ਧੰਨਵਾਦ ਪ੍ਰਗਟ ਕੀਤਾ ਗਿਆ। ਉਨ੍ਹਾਂ ਅਨੁਸਾਰ ਤੀਆ ਦਾ ਇਹ ਤਿਉਹਾਰ ਮਾਝਾ ਕਾਲਜ ਦਾ ਵਿਹੜੇ ਵਿਚ ਵਿਦਿਆਰਥੀਆ,ਅਧਿਆਪਕਾਂ ਅਤੇ ਪ੍ਰਬੰਧਕੀ ਕਮੇਟੀ ਦੇ ਪਰਿਵਾਰਕ ਮੈਂਬਰਾ ਦੇ ਮਿਲ ਬੈਠਣ ਨਾਲ ਹੋਰ ਵੀ ਖੁਸ਼ਨੁਮਾ ਹੋ ਨਿਬੜਿਆ ਹੈ।
