ਨੱਕ ਤੇ ਗਲੇ ਦੀ ਐਲਰਜੀ ਦੇ ਲੱਛਣਾਂ ਨੂੰ ਸਮੇਂ ਸਿਰ ਪਛਾਣੋ - ਡਾ. ਰੰਧਾਵਾ
ਤਰਨ ਤਾਰਨ, 26 ਸਤੰਬਰ (ਪਰਮਜੀਤ ਜੋਸ਼ੀ)-ਨੱਕ ਅਤੇ ਗਲੇ ਦੀ ਅਲਰਜੀ ਇਕ ਗੰਭੀਰ ਬਿਮਾਰੀ ਹੈ। ਸਮੇਂ ਸਿਰ ਇਸਦਾ ਇਲਾਜ ਹੋਣ ਨਾਲ ਬੀਮਾਰੀ ’ਤੇ ਕਾਬੂ ਪਾਇਆ ਜਾ ਸਕਦਾ ਹੈ।
ਤਰਨ ਤਾਰਨ, 26 ਸਤੰਬਰ (ਪਰਮਜੀਤ ਜੋਸ਼ੀ)-ਨੱਕ ਅਤੇ ਗਲੇ ਦੀ ਅਲਰਜੀ ਇਕ ਗੰਭੀਰ ਬਿਮਾਰੀ ਹੈ। ਸਮੇਂ ਸਿਰ ਇਸਦਾ ਇਲਾਜ ਹੋਣ ਨਾਲ ਬੀਮਾਰੀ ’ਤੇ ਕਾਬੂ ਪਾਇਆ ਜਾ ਸਕਦਾ ਹੈ। ਇਹ ਜਾਣਕਾਰੀ ਈ.ਐੱਨ.ਟੀ.ਸਰਜਨ ਡਾ. ਰਾਜਬਰਿੰਦਰ ਸਿੰਘ ਰੰਧਾਨਾ ਨੇ ਰੰਧਾਵਾ ਕਲੀਨਿਕ ਸਾਹਮਣੇ ਬਿਜਲੀ ਘਰ ਨਜ਼ਦੀਕ ਪਾਸੀ ਮੈਡੀਕਲ ਤਰਨ ਤਾਰਨ ਵਿਖੇ ਗੱਲਬਾਤ ਦੌਰਾਨ ਕੀਤਾ। ਉਨ੍ਹਾਂ ਕਿਹਾ ਕਿ ਨੱਕ ਅਤੇ ਗਲੇ ਦੀ ਅਲਰਜੀ ਦੇ ਕਈ ਲੱਛਣ ਜਿਵੇਂ ਕਿ ਵਾਰ-ਵਾਰ ਛਿੱਕਾਂ ਆਉਣਾ, ਨੱਕ ਵਿਚੋਂ ਪਾਣੀ ਵਗਣਾ, ਸੁਗੰਧ ਨਾ ਆਉਣਾ, ਨੱਕ ਬੰਦ ਰਹਿਣਾ, ਗਲੇ ਵਿਚੋਂ ਰੇਸ਼ਾ ਡਿੱਗਣਾ, ਗਲੇ ’ਚ ਖਾਰਿਸ਼ ਤੇ ਦਰਦ ਰਹਿਣਾ, ਕੰਨਾਂ ਦਾ ਭਾਰੀ ਹੋਣਾ, ਸਿਰ ਦਰਦ ’ਤੇ ਸਿਰ ਭਾਰੀ ਰਹਿਣਾ ਆਦਿ। ਉਨ੍ਹਾਂ ਕਿਹਾ ਕਿ ਅਲਰਜੀ ਕਿਸੇ ਖਾਣ ਵਾਲੀ ਚੀਜ ਤੋਂ, ਮੌਸਮ ਦੀ ਤਬਦੀਲੀ, ਦਵਾਈ ਜਾਂ ਕੌਸਮੈਟਿਕ ਤੇ ਹੋਰ ਪਦਾਰਥਾਂ ਤੋਂ ਹੋ ਸਕਦੀ ਹੈ, ਜਿਸ ਦਾ ਪਤਾ ਪਹਿਲਾ ਅਲਰਜੀ ਪ੍ਰੋਫਾਈਲ ਟੈਸਟ ’ਚ ਕੀਤਾ ਜਾਂਦਾ ਹੈ ਅਤੇ ਬਾਅਦ ਵਿਚ ਇਮਉਨੋਥਰੈਪੀ ਵਿਧੀ ਨਾਲ ਇਸ ਦਾ ਇਲਾਜ ਕੀਤਾ ਜਾਂਦਾ ਹੈ। ਉਨ੍ਹਾਂ ਲੋਕਾਂ ਨੂੰ ਅਪੀਲ ਕੀਤੀ ਕਿ ਅਗਰ ਉਹ ਉਕਤ ਬਿਮਾਰੀ ਦੇ ਲੱਛਣਾਂ ਤੋਂ ਪੀੜਤ ਹਨ ਤਾਂ ਤੁਰੰਤ ਇਲਾਜ ਸ਼ੁਰੂ ਕਰਵਾਉਣ ਤਾਂ ਕਿ ਬੀਮਾਰੀ ਗੰਭੀਰ ਨਾ ਹੋਵੇ।
