ਮੁਲਾਜ਼ਮਾਂ ਨੇ ਮੁੱਖ ਮੰਤਰੀ ਦੇ ਟਵੀਟ ਤੇ ਪੱਤਰ ਦੀਆਂ ਕਾਪੀਆਂ ਸਾੜੀਆਂ
ਆਲਮਗੀਰ, 29 ਅਗਸਤ (ਜਰਨੈਲ ਸਿੰਘ ਪੱਟੀ)-ਮੈਸ਼ ਪ੍ਰੋਲਾਈਫ ਹਸਪਤਾਲ ਗਿੱਲ ਵਿਖੇ ਇਕ ਮਰੀਜ਼ ਦੀ ਕਿਡਨੀ ਵਿਚ ਮੌਜੂਦ ਪਥਰੀ ਨੂੰ ਮਿਨੀ ਪੀ. ਸੀ.
ਆਲਮਗੀਰ, 29 ਅਗਸਤ (ਜਰਨੈਲ ਸਿੰਘ ਪੱਟੀ)-ਮੈਸ਼ ਪ੍ਰੋਲਾਈਫ ਹਸਪਤਾਲ ਗਿੱਲ ਵਿਖੇ ਇਕ ਮਰੀਜ਼ ਦੀ ਕਿਡਨੀ ਵਿਚ ਮੌਜੂਦ ਪਥਰੀ ਨੂੰ ਮਿਨੀ ਪੀ.ਸੀ.ਐਨ.ਐੱਲ. ਤਕਨੀਕ ਰਾਹੀਂ ਡਾ. ਵਰੁਣ ਮਿੱਤਲ ਵਲੋਂ ਸਫਲਤਾਪੂਰਵਕ ਹਟਾਇਆ ਗਿਆ। ਮਰੀਜ਼ ਨੂੰ ਕਿਡਨੀ ਸਟੋਨ ਕਾਰਨ ਹੋਣ ਵਾਲੀਆਂ ਸਮੱਸਿਆਵਾਂ ਦੇ ਮੱਦੇਨਜ਼ਰ ਜਾਂਚ ਲਈ ਹਸਪਤਾਲ ਲਿਆਂਦਾ ਗਿਆ ਸੀ। ਜਾਂਚ ਅਤੇ ਸਕੈਨ ਰਾਹੀਂ ਕਿਡਨੀ ਵਿਚ ਪਥਰੀ ਦੀ ਮੌਜੂਦਗੀ ਦਾ ਪਤਾ ਲੱਗਣ ਤੋਂ ਬਾਅਦ ਮਰੀਜ਼ ਲਈ ਉਚਿਤ ਇਲਾਜ ਦੀ ਯੋਜਨਾ ਬਣਾਈ ਗਈ। ਪਥਰੀ ਦੀ ਸਥਿਤੀ ਅਤੇ ਆਕਾਰ ਨੂੰ ਧਿਆਨ ਵਿਚ ਰੱਖਦੇ ਹੋਏ ਮਾਹਿਰ ਟੀਮ ਨੇ ਮਿਨੀ ਪੀ.ਸੀ.ਐਨ.ਐੱਲ. ਨੂੰ ਇਲਾਜ ਲਈ ਚੁਣਿਆ। ਮਿਨੀ ਪੀ.ਸੀ.ਐਨ.ਐੱਲ. ਕਿਡਨੀ ਦੀ ਪਥਰੀ ਕੱਢਣ ਦੀ ਇਕ ਆਧੁਨਿਕ, ਘੱਟ ਇਨਵੇਸਿਵ ਸਰਜੀਕਲ ਤਕਨੀਕ ਹੈ। ਇਸ ਵਿਚ ਪਿੱਠ ਵਲੋਂ ਇਕ ਛੋਟੇ ਰਸਤੇ ਰਾਹੀਂ ਕਿਡਨੀ ਤੱਕ ਪਹੁੰਚ ਬਣਾਈ ਜਾਂਦੀ ਹੈ। ਵਿਸ਼ੇਸ਼ ਉਪਕਰਨ ਦੀ ਮਦਦ ਨਾਲ ਪਥਰੀ ਨੂੰ ਤੋੜ ਕੇ ਟੁਕੜਿਆਂ ਨੂੰ ਬਾਹਰ ਕੱਢਿਆ ਜਾਂਦਾ ਹੈ। ਕਿਡਨੀ ਸਟੋਨ ਦੇ ਮਰੀਜ਼ਾਂ ਵਿਚ ਅਕਸਰ ਕਮਰ ਜਾਂ ਪਾਸੇ ਵਿਚ ਤੇਜ਼ ਦਰਦ, ਪਿਸ਼ਾਬ ਕਰਦੇ ਸਮੇਂ ਦਰਦ ਜਾਂ ਜਲਨ, ਪਿਸ਼ਾਬ ਵਿਚ ਖ਼ੂਨ, ਵਾਰ-ਵਾਰ ਪਿਸ਼ਾਬ ਆਉਣਾ, ਮਤਲੀ ਜਾਂ ਉਲਟੀ ਵਰਗੇ ਲੱਛਣ ਦੇਖੇ ਜਾ ਸਕਦੇ ਹਨ। ਕੁੱਝ ਮਰੀਜ਼ਾਂ ਵਿਚ ਪਥਰੀ ਬਿਨਾਂ ਕਿਸੇ ਸਪਸ਼ਟ ਲੱਛਣ ਦੇ ਵੀ ਮੌਜੂਦ ਹੋ ਸਕਦੀ ਹੈ। ਜੇਕਰ ਪਥਰੀ ਪਿਸ਼ਾਬ ਦੇ ਰਸਤੇ ਵਿਚ ਰੁਕਾਵਟ ਪੈਦਾ ਕਰੇ ਜਾਂ ਇਨਫੈਕਸ਼ਨ ਨਾਲ ਜੁੜੀ ਹੋਵੇ ਤਾਂ ਸਮੇਂ ਸਿਰ ਡਾਕਟਰੀ ਜਾਂਚ ਬਹੁਤ ਜ਼ਰੂਰੀ ਹੈ। ਮੈਸ਼-ਪ੍ਰੋਲਾਈਫ ਹਸਪਤਾਲ ਗਿੱਲ ਦੀ ਮੈਡੀਕਲ ਟੀਮ ਨੇ ਇਸ ਸਫਲ ਪ੍ਰਕਿਰਿਆ ’ਤੇ ਖ਼ੁਸ਼ੀ ਪ੍ਰਗਟ ਕਰਦਿਆਂ ਕਿਹਾ ਕਿ ਹਸਪਤਾਲ ਵਿਚ ਮਰੀਜ਼ਾਂ ਨੂੰ ਆਧੁਨਿਕ ਤਕਨੀਕ, ਮਾਹਿਰ ਡਾਕਟਰੀ ਸਲਾਹ ਅਤੇ ਗੁਣਵੱਤਾ ਵਾਲੀਆਂ ਸਿਹਤ ਸੇਵਾਵਾਂ ਪ੍ਰਦਾਨ ਕਰਨ ਲਈ ਲਗਾਤਾਰ ਉਪਰਾਲੇ ਕੀਤੇ ਜਾ ਰਹੇ ਹਨ। ਮਿਨੀ ਪੀ.ਸੀ.ਐਨ.ਐੱਲ. ਰਾਹੀਂ ਕਿਡਨੀ ਦੀ ਪਥਰੀ ਨੂੰ ਸਫਲਤਾਪੂਰਵਕ ਹਟਾਉਣਾ ਮਰੀਜ਼ ਲਈ ਰਾਹਤ ਦਾ ਕਾਰਨ ਬਣਿਆ ਅਤੇ ਇਹ ਮਾਮਲਾ ਆਧੁਨਿਕ ਯੂਰੇਲੋਜੀ ਤਕਨੀਕਾਂ ਦੀ ਉਪਯੋਗਤਾ ਨੂੰ ਦਰਸਾਉਂਦਾ ਹੈ।
