ਸਿਹਤ ਪ੍ਰਤੀ ਜਾਗਰੂਕ ਨੌਜਵਾਨਾਂ ਨੇ ਨਿਊਟ੍ਰੀਸ਼ਨ ਸੰਬੰਧੀ ਜਾਣਕਾਰੀ ਕੀਤੀ ਹਾਸਿਲ-ਤਲਵਿੰਦਰ ਆਲਮਗੀਰ

ਆਲਮਗੀਰ, 13 ਸਤੰਬਰ (ਜਰਨੈਲ ਸਿੰਘ ਪੱਟੀ)-ਸਿਹਤ ਪ੍ਰਤੀ ਜਾਗਰੂਕ ਨੌਜਵਾਨ ਵਰਗ ਨੇ ਮੋਟਾਪਾ ਵਧਾਉਣ ਜਾਂ ਘਟਾਉਣ ਸਬੰਧਿਤ ਡਾਕਟਰਾਂ ਵਲੋਂ ਮੁੱਖ ਮੋੜ ਕੇ ਘਰੇਲੂ ਅਤੇ ਕੁਦਰਤੀ ਖਾਦ ਪਦਾਰਥਾਂ ਵੱਲ ਧਿਆਨ ਕੇਂਦਰਿਤ ਕਰਨਾ ਸ਼ੁਰੂ ਕੀਤਾ ਹੈ ਅਤੇ ਜਿਸ ਦੇ ਚੱਲਦੇ ਆਲਮਗੀਰ ਅਤੇ ਨਾਲ ਲੱਗਦੇ ਪਿੰਡਾਂ ਦੇ ਜਾਗਰੂਕ ਨੌਜਵਾਨਾਂ ਨੇ ਜੱਸ ਨਿਊਟ੍ਰੀਸ਼ਨ ਕਲੱਬ ਆਲਮਗੀਰ ਵਿਖੇ ਪਹੁੰਚ ਕੇ ਨਿਊਟ੍ਰੀਸ਼ਨਾਂ ਸੰਬੰਧਿਤ ਜਾਣਕਾਰੀ ਹਾਸਿਲ ਕੀਤੀ। ਇਸ ਮੌਕੇ ਹਾਜ਼ਰ ਨੌਜਵਾਨਾਂ ਨੂੰ ਨਿਊਟ੍ਰੀਸ਼ਨਾਂ ਸਬੰਧੀ ਜਾਣਕਾਰੀ ਦਿੰਦਿਆਂ ਕਲੱਬ ਦੇ ਮੈਨੇਜਿੰਗ ਡਾਇਰੈਕਟਰ ਤਲਵਿੰਦਰ ਸਿੰਘ ਗਰੇਵਾਲ ਨੇ ਦੱਸਿਆ ਕਿ ਉਕਤ ਨਿਊਟ੍ਰੀਸ਼ਨ ਫਲ, ਸਬਜ਼ੀਆਂ ਅਤੇ ਹੋਰ ਕੁਦਰਤੀ ਖਾਦ ਪਦਾਰਥਾਂ ਤੋਂ ਤਿਆਰ ਕੀਤੇ ਜਾਂਦੇ ਹਨ ਜਿਨ੍ਹਾਂ ਦੇ ਸੇਵਨ ਨਾਲ ਕਿਸੇ ਵੀ ਕਿਸਮ ਦਾ ਮੋਟਾਪਾ ਵਧਾਉਣ/ਘਟਾਉਣ ਵਿਚ ਨਿਊਟ੍ਰੀਸ਼ਨ ਅਤਿ ਸਹਾਈ ਹੁੰਦੇ ਹਨ।

Ad Position 21