ਖਰੜ, 24 ਜਨਵਰੀ (ਗੁਰਮੁੱਖ ਸਿੰਘ ਮਾਨ)- ਗੁਰੂ ਰਾਮਦਾਸ ਪਲੇਅਵੇ ਸਕੂਲ ਜੀ. ਟੀ. ਬੀ. ਨਗਰ ਖਰੜ ਵਿਖੇ ਗਣਤੰਤਰ ਦਿਵਸ ਮਨਾਇਆ ਗਿਆ | ਇਸ ਮੌਕੇ ਬੱਚਿਆਂ ਨੇ ਜਿਥੇ ਫ਼ੌਜ ਦੀ ਵਰਦੀ 'ਚ ਪਰੇਡ ਕੀਤੀ ਉਥੇ ਹੀ ਦੇਸ਼-ਭਗਤੀ ਦੇ ਗੀਤਾਂ 'ਤੇ ਸ਼ਾਨਦਾਰ ਪੇਸ਼ਕਾਰੀਆਂ ਵੀ ਦਿੱਤੀਆਂ | ਇਸੇ ਦੌਰਾਨ ਬੱਚਿਆਂ ਵਲੋਂ ਦੇਸ਼-ਭਗਤੀ ਦੇ ਵਿਸ਼ੇ 'ਤੇ ਆਧਾਰਿਤ ਨਾਟਕ ਵੀ ਖੇਡਿਆ ਗਿਆ | ਅੰਤ 'ਚ ਅਧਿਆਪਕਾ ਪੂਜਾ ਨੇ ਗਣਤੰਤਰ ਦਿਵਸ ਸੰਬੰਧੀ ਭਾਸ਼ਣਾ ਦਿੱਤਾ ਜਦਕਿ ਸਕੂਲ ਪਿ੍ੰ. ਜਸਪ੍ਰੀਤ ਕੌਰ ਨੇ ਬੱਚਿਆਂ ਤੇ ਉਨ੍ਹਾਂ ਦੇ ਮਾਪਿਆਂ ਨੂੰ ਗਣਤੰਤਰ ਦਿਵਸ ਦੀ ਵਧਾਈ ਦਿੱਤੀ | ਇਸ ਮੌਕੇ ਪ੍ਰੋ. ਪ੍ਰੀਤਇੰਦਰ ਸਿੰਘ, ਅਧਿਆਪਕਾ ਸ਼ੈਫਾਲੀ ਤੇ ਕੋਮਲ ਆਦਿ ਵੀ ਹਾਜ਼ਰ ਸਨ |
