19-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 26-02-2026

ਡੇਰਾਬੱਸੀ ਵਿਖੇ ਲੱਗੇ ਕੂੜੇ ਦੇ ਢੇਰਾਂ ਨੇ ਖੋਲ੍ਹੀ ਪ੍ਰਸ਼ਾਸਨ ਦੀ ਬੇਪ੍ਰਵਾਹੀ ਦੀ ਪੋਲ <br/>

Ad Position 21
No active advertisement
ਡੇਰਾਬੱਸੀ ਦੀ ਤਹਿਸੀਲ ਸੜਕ 'ਤੇ ਮੁੱਖ ਮੰਤਰੀ ਭਗਵੰਤ ਮਾਨ ਦੀ ਫੋਟੋ ਵਾਲੇ ਫਲੈਕਸ ਅੱਗੇ ਲੱਗੇ ਕੂੜੇ ਦੇ ਢੇਰ ਦੀ ਤਸਵੀਰ | ਤਸਵੀਰ : ਗੁਰਮੀਤ ਸਿੰਘ <br/> 26-02-2026
ਡੇਰਾਬੱਸੀ, 25 ਫਰਵਰੀ (ਗੁਰਮੀਤ ਸਿੰਘ)-ਦੇਸ਼ 'ਚ ਹੋਏ ਸਫ਼ਾਈ ਸਰਵੇਖਣ ਦੌਰਾਨ ਡੇਰਾਬੱਸੀ ਗੰਦਗੀ ਦੇ ਮਾਮਲੇ 'ਚ ਨੌਵੇਂ ਨੰਬਰ 'ਤੇ ਆਇਆ ਸੀ | ਇਸ ਨੂੰ ਲੈ ਕੇ ਪ੍ਰਸ਼ਾਸਨ ਦੀ ਚਾਰੇ ਪਾਸੇ ਕਿਰਕਿਰੀ ਹੋਣ ਦੇ ਬਾਵਜੂਦ ਡੇਰਾਬੱਸੀ ਵਿਖੇ ਸਫ਼ਾਈ ਵਿਵਸਥਾ ਦਾ ਜਨਾਜ਼ਾ ਨਿਕਲਿਆ ਪਿਆ ਹੈ | ਲੱਖਾਂ ਰੁ. ਸਫ਼ਾਈ ਦੇ ਠੇਕੇ 'ਤੇ ਖ਼ਰਚਣ ਵਾਲੀ ਡੇਰਾਬੱਸੀ ਨਗਰ ਕੌਂਸਲ ਸਫ਼ਾਈ ਦੇ ਮਾਮਲੇ 'ਚ ਅੱਜ ਵੀ ਫਾਡੀ ਹੈ, ਜਿਸ ਦੀ ਮਿਸਾਲ ਥਾਂ-ਥਾਂ ਲੱਗੇ ਗੰਦਗੀ ਦੇ ਢੇਰ ਹਨ | ਤਹਿਸੀਲ ਰੋਡ 'ਤੇ ਟੈਲੀਫੋਨ ਐਕਸਚੇਂਜ ਦੀ ਦੀਵਾਰ ਨਾਲ ਲੱਗੇ 'ਪ੍ਰਗਤੀਸ਼ੀਲ ਪੰਜਾਬ' ਦੇ ਵੱਡੇ ਫਲੈਕਸ ਜਿਸ 'ਤੇ ਮੁੱਖ ਮੰਤਰੀ ਭਗਵੰਤ ਮਾਨ ਦੀ ਹੱਥ ਜੋੜੇ ਵਾਲੀ ਫ਼ੋਟੋ ਲੱਗੀ ਹੋਈ ਹੈ, ਦੇ ਬਿਲਕੁੱਲ ਅੱਗੇ ਕੂੜੇ ਦਾ ਢੇਰ ਲੱਗਿਆ ਰਹਿੰਦਾ ਹੈ | ਰੋਜ਼ਾਨਾ ਸਵੇਰੇ ਇਹ ਨਜ਼ਾਰਾ ਦੇਖ ਕੇ ਲੋਕ ਪ੍ਰਸ਼ਾਸਨ ਦਾ ਖੁੱਲ੍ਹ ਕੇ ਮਜ਼ਾਕ ਉੱਡਾਉਂਦੇ ਹਨ ਅਤੇ ਆਖਦੇ ਹਨ ਕਿ ਇਹ ਡੇਰਾਬੱਸੀ ਦੀ ਅਸਲ ਤਸਵੀਰ ਹੈ | ਇੱਥੇ ਹੀ ਬਸ ਨਹੀਂ ਪ੍ਰਸ਼ਾਸਨ ਦੀ ਲਾਪ੍ਰਵਾਹੀ ਦਾ ਜਿਊਾਦਾ ਸਬੂਤ ਸਬਜ਼ੀ ਮੰਡੀ ਨੇੜੇ ਮੁੱਖ ਸੜਕ 'ਤੇ ਸਵੇਰ ਸਮੇਂ ਲੱਗਦੇ ਕੂੜੇ ਦੇ ਢੇਰ ਹਨ, ਜੋ ਕਿ ਪੂਰੀ ਸਫ਼ਾਈ ਵਿਵਸਥਾ ਦੀ ਪੋਲ ਖੋਲ੍ਹ ਕੇ ਰੱਖ ਦਿੰਦੇ ਹਨ | ਲੋਕਾਂ 'ਚ ਇਸ ਗੱਲ ਦਾ ਰੋਸ ਹੈ ਕਿ ਨਗਰ ਕੌਂਸਲ ਸਰਕਾਰੀ ਪੈਸੇ ਨੂੰ ਮਸ਼ਹੂਰੀ 'ਤੇ ਖ਼ਰਚ ਕਰ ਰਹੀ ਹੈ, ਪਰ ਜ਼ਮੀਨੀ ਪੱਧਰ 'ਤੇ ਡੇਰਾਬੱਸੀ ਗੰਦਗੀ ਦੇ ਢੇਰਾਂ ਹੇਠ ਦਬ ਰਿਹਾ ਹੈ | ਅਜਿਹਾ ਕੋਈ ਖੇਤਰ ਨਹੀਂ ਜਿਥੇ ਗੰਦਗੀ ਦਿਖਾਈ ਨਾ ਦੇਵੇ | ਕੁਝ ਸਮਾਂ ਪਹਿਲਾਂ ਗਲੀਆਂ 'ਚ ਰੱਖੇ ਗਏ ਕੂੜੇਦਾਨ ਕਈ ਥਾਵਾਂ ਤੋਂ ਗਾਇਬ ਹੋ ਚੁੱਕੇ ਹਨ, ਜਦਕਿ ਕਈ ਥਾਵਾਂ 'ਤੇ ਡਸਟਬਿੰਨ ਛੋਟੇ ਹੋਣ ਕਰਕੇ ਇਨ੍ਹਾਂ ਦੇ ਨੇੜੇ ਕੂੜੇ ਦੇ ਢੇਰ ਲੱਗੇ ਦਿਖਾਈ ਦਿੰਦੇ ਹਨ |
ਖੇਤਰ ਦੇ ਲੋਕਾਂ ਨੇ ਕਿਹਾ ਕਿ ਸਰਕਾਰੀ ਅਧਿਕਾਰੀ 19 ਵਾਰਡਾਂ ਵੱਲ ਧਿਆਨ ਦੇਣ ਦੀ ਥਾਂ ਚੋਣਵੇਂ ਵਾਰਡਾਂ 'ਚ ਕੰਮ ਕਰਵਾ ਰਹੇ ਹਨ | ਵਿਕਾਸ ਕਾਰਜਾਂ ਦੇ ਨਾਂਅ 'ਤੇ ਸਰਕਾਰੀ ਪੈਸੇ ਦੀ ਬਰਬਾਦੀ ਕੀਤੀ ਜਾ ਰਹੀ ਹੈ | ਤਹਿਸੀਲ ਸੜਕ 'ਤੇ ਮੁੱਖ ਮੰਤਰੀ ਦੀ ਫੋਟੋ ਵਾਲੇ ਫਲੈਕਸ ਸਾਹਮਣੇ ਲੱਗਿਆ ਗੰਦਗੀ ਦਾ ਢੇਰ ਸਫ਼ਾਈ ਵਿਵਸਥਾ ਦੀ ਜ਼ਮੀਨੀ ਹਕੀਕਤ ਬਿਆਨ ਕਰ ਰਿਹਾ ਹੈ | ਲੋਕਾਂ ਨੇ ਨਗਰ ਕੌਂਸਲ ਦੇ ਅਧਿਕਾਰੀਆਂ ਨੂੰ ਸਫ਼ਾਈ ਵਿਵਸਥਾ ਨੂੰ ਦਰੁਸਤ ਕਰਵਾਉਣ ਦੀ ਮੰਗ ਕੀਤੀ ਹੈ |

Ad Position 22
No active advertisement
ਪਿਛਲੀ ਖ਼ਬਰ ਇਨਸਾਨ ਹੰਕਾਰ ਕਾਰਨ ਗੁਰੂਆਂ ਵਲੋਂ ਦਰਸਾਏ ਗਏ ਮਾਰਗ ਤੋਂ ਭਟਕ ਗਿਆ ਹੈ- ਰਾਣਾ ਰਣਜੀਤ ਸਿੰਘ ਗਿੱਲ <br/> ਅਗਲੀ ਖ਼ਬਰ ਕੁਲਵੰਤ ਸਿੰਘ 'ਆਪ' ਦੇ ਬੀ. ਸੀ. ਵਿੰਗ ਦੇ ਹਲਕਾ ਕੋਆਰਡੀਨੇਟਰ ਨਿਯੁਕਤ <br/>
Ad Position 24